條女話我淨係識同佢扑野 , 要同我分手: 柒
Meimei聽我說Khloe洗澡沒有水聲，嚇得楞住了。
「唔 …… 唔會掛 …… 」Meimei聲音發抖，有點難以置信。
「希望係我多心。」我說，心裡仍是怕得要命。
「仲有啊，Khloe份人咁純，點會識特登入廁所扮沖涼偷聽喎，
同埋佢好地地做咩要偷聽我地講野丫？」
「咁你又講得岩既 …… 」
「咁點架，個麵你仲食唔食架？」Meimei問道。
「你都沖左水啦，仲有得唔食咩？」我笑道，伸手接過杯麵。
「哦，即係如果未沖水你就唔食埋佢？好委屈你喎。」
Meimei伸伸舌頭，扮了個鬼臉。
「你講咩丫，我想食個杯麵姐。」
我還在耿耿於懷Khloe的事，沒有心情與她開玩笑。
「你知唔知如果你唔想食個杯麵，但係又夾硬食既話，
個杯麵都會唔開心架，雖然佢無把口話比你知。」Meimei突然滿懷感觸。
「睇黎你先係嚇傻左。」我笑道，一邊拿了雙筷子，又往大廳走。
回至廳中，浴室中仍無半點聲音。
「喂，你聽下，真係無聲喎。」我說。
「下，點會丫？」Meimei也走了過來。
「你唔信你自己聽下啦。」
Meimei聽後把頭貼在浴室門前，點了點頭，示意內裡確無半點聲音。
「點解會咁架？」我問，不知Khloe在搞甚麼鬼。
「睇下咪知囉。」
「下？」
「Khloe？係唔係度丫？」Meimei接著在浴室的門敲了數下，
卻始終沒有半點答應。
事情可變得越來越不可思議，我生怕Khloe會遇到甚麼意外，
便向Meimei打個眼色，要破門而進。
「你企開d，我撞開佢。」我說。
「你好蠢架，淨係識用蠻力。」Meimei沒有讓開，只是輕輕伸手扭開門鎖，
浴室門果真徐徐打開，可裡面卻空無一人。
浴室裡空無一人，但Khloe剛才帶進去的浴衣與毛巾仍端好的放在裡頭，
消失了的只有Khloe。
「咪住先，點解你會知無鎖既？」我問道。
「平時間我得我同佢兩個女仔，洗乜鎖姐，但係 …… 」
「但係Khloe呢？！」我著緊地問。
就在我茫然若失，不知如何時好之際，身後傳來一把很熟悉的聲音：
「乜你地仲記得有我咩？」我轉過頭去，Khloe竟好端端的站在我們背後。
「點解既 …… ？」Meimei嚇了一驚，臉色變得蒼白。
「你地兩個係廚房卿卿我我，會知我去左邊？」Khloe冷冷的道。
「唔係丫，唔係你諗咁架。」Meimei忙著解釋。
「唔洗扮啦，我係廁所乜都聽到晒啦，」Khloe說道，「你咁鍾意既，你咪拎去囉，
我好恨呢條仔？不過我睇唔過眼你咁Cheap姐，我當你係姊妹，你呢？
你當我係咩啊？」
「唔係架，唔係咁架，你誤會左啦，」Meimei仍極力解釋，試圖開脫。
Khloe也不聽她解釋，淒然一笑，說道：
「你地兩個都係咁虛偽，岩啊，襯埋一對啦，」Khloe口裡雖罵，
兩眼卻漸漸紅腫，「我聽到可以係假，睇到呢？睇到都有得假？」
說到這裡Khloe開始哽咽，「你以為我入門口真係見唔到？
咁大條底褲係地我點會認唔到啊？你真係當我盲？我初頭都當係我誤會，
點知我入左房你地仲夠膽係個廳到搞，又估我真係聽唔到？
你當我死架？定你真係好西痕，痕到好恨比男人屌啊？」
Khloe罵得Meimei垂頭不語。
「喂，你講野唔好咁難聽喎。」我替Meimei辯護。
「難聽？」Khloe冷笑一聲，「我同你一齊兩年啦，你而家幫住外人？
我都未話你，你爭住出黎比我屌做咩？好，你要攬女嘛，好啊，
你除左識屌西仲識做咩丫？日日都要扑野，我一早講左啦，我有冇講錯你啊？
我都唔知自己點解會咁on9同你一齊兩年啊。」Khloe說到激動處，
又向我打了一記耳光。
「你地咁鍾意扑野嘛，唔洗等我訓啦，我而家就走，費事係度督眼督鼻啦，」
Khloe說著拿回房中的行李，又要離開，
「仲有啊，黃生，你自己睇下自己褲袋條底褲先啦，咪話我唔教精你，
下次偷食唔該都醒少少啦。」
我望望自己褲子的口袋，Meimei的內褲果真露了一角出來，
我頓時臉上一熱，羞愧得無地自容。
就在我仍自愧之際，「彭」的一聲，Khloe又已遠走，
這次我也沒見到她的背影，但想她只是怒火中燒，待得下了氣一切就會好。
可我錯了，當下一次我再遇上她時，一切已經回不去了。
Khloe走了以後，屋內就只剩下我與Meimei，
Meimei被Khloe怒罵後，這時已哭得淚流滿面，那條黑色的眼線被淚水化開，
原本白皙的臉，多了幾點漆黑的污垢，但仍是無礙她的美麗。
「Khloe走左啦。」我說。
「嗯。」Meimei拭了拭淚。
「佢今晚應該唔會再返黎啦我估。」
「嗯。」她點了點頭。
「咁我地仲繼唔繼續？」我問。
本來我還寄望有機會與Khloe復合，但被她知道我與Meimei有苟且之事，
一時恐怕難以和好，我越想，心就越傷，
又有點不忿，不忿Meimei害得我與Khloe決裂，
若今夜與Meimei就此了事，我可真吃了大虧，
況且這下當真與Khloe再沒餘地，我身邊也需要一個安慰。