注定一生只能愛兩個女人: 8

“阿風～胡～“ 我地成班friend坐左係m記度吹水，咁啱就講起我。“你們胡乜春姐！“我有d嬲咁講。“扮咩喎，明眼人都知你中意阿怡la。“三角形第一個笑鳩我。“我挑！“我唔知點解聽佢咁講完有小小驚。“咪係囉！你成日人。“豪哥完全唔留情面咁講。無錯，我唔知點解成日都好介意阿 怡既言行，但係又好驚接觸佢。“冇囉。。。“我諗都唔諗就否認左。“弗洛伊德話否認得越快，就越係俾人講中啊！“虫仔個臭寸騮屌樣上 曬面。“你咪撚用我講d野黎大鳩我la！“我俾人駁到輸曬，淨係可以爆粗。。。。“算。。。算數la。。。你地唔好蝦阿風la。。。“呢個時候怕怕醜醜既浩仔竟然幫我講說話？！“我地都係番屋企la。。。。“屌！我仲以為佢咁好死，原來係想快d番屋企溝女神咋。。。。 我番到屋企，思緒開始混亂。。。。我唔清楚自己係咪中意阿怡丫，我唔知係米因為詠儀既事，我唔係好敢接觸愛情，連諗都唔係好敢。。。我不自禁想起阿怡第一次同我講野。。。。。。 “同學，你。。。。“一個既熟悉又陌生既面孔出現係我面前。呢次係我同阿怡第一次見面，我。。。好似冇心跳，淨係。。。有小小驚訝，兩個人互相凝視，冇講到一句說話。。。天真無邪既面龐，有着李敏廷既笑容，我迴避佢既眼神，因為我害怕又一次受傷害。。。“你做咩唔理我丫。。。“女孩子嘟着嘴巴說。“我怕。。。“我微聲道。女孩子問:“咩話？“我露出一個苦澀的笑容，轉身離去。。。只留下一句“沒甚麼。。。“女孩子卻熱情說着“我係啱啱轉學黎架，我個名叫鄧心怡，叫我阿怡丫。“ 你總係咁熱情既，就算人地對你係幾咁冷漠。我同自己講。。。今次。。。淨係做朋友好la。。真係朋友。。。真係。。。 跟住果幾日無論係食飯或着小息，你總係痴住我，我總係唔理你，你卻對住我笑，不厭其煩咁同我說天說地。。。。你總係會照顧我，照顧我呢種廢，就連我都放棄自己，你卻永遠唔會放棄我。一諗到咁我就哼起呢首歌。。。。 但是仍　(在地球)　唯獨你愛我這廢人 　出錯你都肯去忍 　然而誰亦早知不會合襯 　偏偏你願意等   　爲何還喜歡我　我這種無賴 　是話你蠢還是很偉大 　在座每位都将我踩　口碑有多壞 　但你亦永遠不見怪   　何必跟我　我這種無賴活大半生還是很失敗 　但是你死都不變心　跟我笑着捱 　就算壞　我也不忍心　(偷偷作怪） 我唔知係我諗多左定乜野，我真係唔想再掂愛情la，無論係邊個輸都好，我都好驚。。。好驚呀。。。  

-「到底你想我點呀，我失敗左咪算囉，做咩又俾希望我啊！」