注定一生只能愛兩個女人: 7

  我每日將自己封鎖係間房度，自忖地。。。我每夜按下臉書，觀看陸子軒同詠儀既甜蜜照，最初我個心仲有小小痛，但係每望一次，我個心就痛小一分，仲好似上癮咁由朝睇到晚，最後。。。。我不再痛了。。。。 詠儀同我既故事好似已經完結，兩個人既命運不再相交，不過我注定要愛佢。。。。 經過三個月既自我摧殘，我脫胎換骨，我繼續我既生活。 虫仔同愛琳繼續做「好朋友」，虫仔一面對愛琳就失晒魂，完全俾愛琳食住，不過我一路覺得愛琳係知既，畢竟虫仔對住其他女仔都談笑 風生。 我仲發現左浩仔好似中意左人，佢成日嘴角含春咁，我驚係佢自己會錯意咋（雖然我都係），於是我逗一逗佢，佢即刻晒底，我諗我知邊個la，我實實佢。。。。
因為淫譚我發現左我對能力既誤解，我以為我經歷既野係所有注定左，但係佢叫我睇一個叫薜丁格的貓既實驗，因為咁我有新既領悟。個實驗大慨係，把一隻貓關在一個封閉的鐵容器裏面，並且裝置以下儀器，在一台蓋革計數器內置入極少量放射性物質，在一小時內，這個放射性物質至少有一個原子衰變的機率為50%，它沒有任何原子衰變的機率也同樣為50%；假若衰變事件發生了，則蓋革計數管會放電，通過繼電器啟動一個榔頭，榔頭會打破裝有氰化氫的燒瓶。經過一小時以後，假若沒有發生衰變事件，則貓仍舊存活；否則發生衰變，這套機構被觸發，氰化氫揮發，導致貓隨即死亡。（維基copy）當我地未睇個實驗結果時，隻貓會處於且生且死既交疊態，但我地一睇果下就導致自然崩塌，一定是二選一，或者出現兩個平行時空。姐係話開學果日我預視到詠儀仆街，我可以選擇救同唔救，未來就出現兩個可能性，所以我既命運並唔係完全注定左。
上到中學我同班friend開始打下波、踢下波。生活開始變番正常同充實。中一就係咁樣慢慢過去。 雖然我考試成績唔錯，但係操行唔好，入左班癈班。 我既生活看似轉趨平淡，但係又因為另一個人而泛起左陣陣既漣漪。 我既心扉又因為一個轉學生而打開。佢叫鄧心怡，又或者。。。。s女仔。  

-「人生。。。總要失戀一次，失戀迎來的是新的開始」