點解我咁靚仔都無女？: 學校女神篇 part4

幽暗嘅房間，寂靜嘅氛圍，房裡面有嘅係無盡嘅尷尬同心跳 。

｢講嘢啦，王永達，把握機會啦｣我係內心吶喊，好想打破呢個難受嘅氣氛，無奈我冇咁嘅勇氣。  

｢不如...我哋 唱先啦？｣女神斷斷續續咁講，帶住半點羞澀，睇嚟佢都有啲怕醜。  

｢好阿 咁我打頭陣啦｣我終於做咗一個身為男人應該做嘅事。我企起身，點咗首我最擅長嘅歌。  

開口瞬間，女神彷彿對我嘅歌喉感到有啲詫異，應該係無諗個我唱歌會咁好聽，我一邊唱，距一邊陶醉咁跟隨拍子係度微笑住搖擺住距嘅身體，果然識唱歌對溝女係有著數啲。 





｢哇！好勁啊你，你學過唱歌咖？｣佢興致勃勃咁坐近咗我。  

｢無呀，由細到大就係咁啦｣睇嚟尷尬嘅氛圍已經被我嘅歌聲打破。 

｢不如你都唱嚟聽下啦？｣說嘅同時，我將身軀微微貼近佢。  

｢嗯…咁好啦，唱得難頂唔好笑。｣幽暗嘅房間依稀見到佢微紅嘅面頰，柔和嘅歌聲不禁令我感嘆，靚人果然唱歌都係好聽啲，咁靚嘅樣，配上一個咁輕柔甜美嘅歌聲，堪稱完美。  

唱畢，係我拍手嘅同時，佢走咗過嚟同我講 ｢不如我哋自拍一張啦？我想po ig｣  





呢句已經可以代表，我同佢係朋友已經係無可否認嘅事實，加上女神嘅IG向來無乜同男仔合照，如果佢只對我係咁，證明我已經同佢有友達以上嘅關係或者甚至佢對我已經有好感。  

｢好呀，影完send俾我喎｣我一邊講一邊笑，而笑容已經無法用理智掩蓋，幸好黑暗嘅環境令佢睇我唔到呢個咁猥瑣嘅笑容。 

係自拍完嘅一瞬間，有個女仔推開左到門，望到我嘅瞬間，距嘅表情好似有少少吃驚，隨即大叫「佘詩銘，你又話唔無男仔離嘅？」說來羞愧，我都係第一次聽到女神嘅全名。距講完呢一句之後，上下打量左我一下，然後戚起嘴角奸笑話｢不過你都幾有Taste嘅，呢個你男朋友啊？｣

隨即坐左係我隔離，搭住我博頭 ｢唔係啦 緊係..｣女神並無正視我地講野，反而眼神飄忽，跟住又繼續講｢其他人呢？點解得你嘅？｣ 

｢距地唔嚟啦，做乜扯開話題姐你｣呢個女嘅唔係一般嘅開放，不過亦無妨，距宜家一路幫我推動緊個計畫前進。





｢嚟啦，合唱啦，你地大家咁儭大家｣距一路推我，直到將我推到與女神嘅手臂緊貼。好滑，滑到仿佛吹彈可破，我亦從來無咁近睇過距啲皮膚，原來女仔可以咁白，真係有一刻衝動想捉住距隻手慢慢摸。 

｢嚟啦，開始啦｣我對住距微笑