點解我咁靚仔都無女？: 點解我咁靚仔都無女？

我英俊瀟灑，玉樹臨風，顏如宋玉，貌比潘安。但係點解，點解我冇女朋友。 我明明就應該係呢個世界嘅男主角，所有女都應該圍住我嚟轉，我明明有萬裏挑一嘅面孔，稍有肌肉嘅身形明明近乎完美，既擅長運動又擅長藝術，一個近乎完美嘅男人，點解到宜家都未有女朋友？

我的名字是王永達，係一個由一出世起就注定要走偶像路線嘅男人，我有個習慣，就係從來唔會企係塊鏡面前超過五秒，因為我驚我會唔小心愛上自己，話我自戀嘅人，我同你講我絕對戀得起。

但係，點解我無女。

讀嘅高中好平凡，都係一堆隨處可見嘅大眾臉，平凡嘅校園生活令我感到無比嘅沉悶，唯有識一個女朋友，先可以係我嘅高中生涯塗上色彩，我下定決心必須要係呢三年內識到一個女朋友。

我如常準時到步學校，如常坐係最後面個位，如常開始預習一陣會講嘅嘢，本来應該係咁，點解無啦啦會有兩條仆街坐係我隔離談情咖！！距兩個係我隔離攬攬錫錫，究竟有無顧及過我呢個旁人嘅感受，定距根本未察覺到我嘅存在。





｢喂，走開啦，要攬要錫返屋企搞啦。｣我不厭其煩咁講。

｢有咩所謂啫，個個都係咁咖啦，唔通你未試過咩｣個男嘅一邊攬住個女仔條友一邊講。

佢呢一句說話簡直就插中咗係我個心嘅正中央，我的確連錫都未錫過人，但基於面子嘅理由，我都只能答｢我梗係試過啦，唉是但啦你繼續啦。｣

我隱約聽到佢哋係到話我連拖都未拍過點會有可能錫過，不過我早已經睇化晒，因為我深信只要我溝，絕對無女難到我，邊似得佢溝啲又肥又矮嘅豬皮西。

突然門俾人打開咗。