『假人真事』我的宅男脫毒日記: 2.師兄

我要搵返個女朋友！大學生涯只有短短一年，師兄全部都話： 

「出嚟做嘢，全部唔係阿叔就嬸嬸。好彩嘅，比你撞到個靚女姨姨，間Office 咪冇咁Dry 囉，哈哈！」 

雖然師兄講果時係笑住，但佢笑完果一瞬間，果臉愁容相當嚇人。如果用一種運動形容，我會用跳傘。佢嘅笑容就好似跳傘者跳出機艙咁興奮，果臉愁容就好似佢跳出去後摸一摸背脊，原來乜都冇。 

「師兄你有女朋友，有乜所謂。正所謂，係到食就唔好係到痾。間Office 有幾Dry 都唔關你事啦。」 

旁邊有人即刻拉住我，原來師兄上年畢業果排已經同咗女朋友分手。聽講佢女朋友比公司一個靚仔同事追左。 「唔緊要嘅師兄，咁咪係公司搵返個囉。你公司幾千人，仲係跨國公司，總會有女仔啱。」 師兄聽完，佢話想去洗手間。但個Party 就黎完，佢都未返黎。我先意識到，我好似講咗啲唔係咁啱聽既嘢。