明明早該放手 但有眼看不到: 第四十六集
今日都唔知做咩...個個都咁無禮貌
呀淇做緊咩呢...?
唉唔理喇...
gel番個7頭我都諗住出門口
sms...
欣 : 喂..都係唔行喇..係果度見啦
我 : 哦
果然..我唔期待係岩既
條友真係當我成日都好得閒應付佢咁
話去就去話唔去就唔去?
話咁快今晚...
去到長沙灣既明輝酒家(唔想諗名)
已經有兩個以前學校既同學坐左係度
我 : hi阿敏..阿玲...好耐無見喎
敏係一個女神...以前好似好多人追佢都追唔到..唔知而家有仔未呢
而呀玲就係一個幾nice既女仔咁啦
玲 : 喂..張樂晨..好耐無見..做咩咁耐無番泥睇下我地
敏 : 係囉...係咪有新同學就唔記得我地先
我 : 唔係....而家咪見到囉...無見咁耐..你地令女左喎
玲 : 唔好扯開話題啊...係咪有新女同學就唔記得左呀欣先?
無錯雖然我同呀欣既野係無人知
不過中學既時候
你同邊個女仔熟d都會比人話有路架啦
我 : 你講咩呀...點解我聽唔明既
敏 : 扮曬野咁
當然我只係一笑帶過
忽然間有人大大力拍左我一下
X : 喂呀晨
當然我知佢唔係叫緊有錢仔啦
我 : 點呀聰少...無見咁耐高左又矮左喎
聰 : 緊係!邊似得你d gag講咁耐都無進步
來人便是阿聰..一個有義氣既好朋友
仲有阿朗...無錯就係之前話追呀欣果個呀朗
唔知而家點呢?
朗 : 張樂晨~~上次睇完戲都無見你好耐..最近點呀~
當然唔係情敵既話佢都幾好人既
我 : 無呀...咪又係咁~~係呢..仲有邊個未到?
敏 : 咪就係你個呀欣囉
我知反駁佢都無用...最後只會變成集體抽水
所以我自動忽略左''你個''
我 : 哦...得咁少人既?
聰 : 係呀...個個聖誕都話要拍拖去旅行...邊得閒理我地
我 : 咁又係~
聰 : 你呢..新學校有無新女呀~?
我 : 邊有呀我咁毒無人鍾意
不過我好似有鍾意人
玲 : 唔好扮曬野喎你邊度毒
我 : 度度都咁毒呀
朗 : 係喎我地都坐左咁耐..呀欣仲未到既?
睇泥好似仲想溝呀欣喎
我 : 唔洗理佢啦~~過多陣就到架喇
無錯以我咁多年既經驗..呀欣係好少會準時既
所以基本上平時約左佢就算我遲左到佢都未到
朗 : 唔係幾好既...我打個電話比佢啦
我 : 咁你打啦~
正當佢諗住打電話果陣
欣 : sorry呀~~~
我 : sor咩...妳有邊次唔係遲到架
欣 : 又唔係同你sor
聰 : 喂喂唔好一黎就打情罵俏好唔好...我單身好慘架
唉你唔知咋..我表白過失敗埋係咪仲慘呀?
睇黎今晚都係難逃比人抽水既厄運
我 : 依度有邊個唔係單身姐?
聰 : 你地兩個囉
欣 : 我地無野架囉
一貫肯定的語氣
聰 : 信你地一成
朗 : 佢地都話唔係咁就唔係啦~~
第一次覺得佢講野有d見地...可能係唔想佢地扯我同呀欣個名一齊
呵呵...who cares?
今日平安夜...當然多人....我地叫d野十樣得兩三樣會黎
不過都無損我地既興致
因為打邊爐為名...吹水為實
講下佢地而家點...又講下我最近點..
都食得幾開心..幾個男仔仲拎埋d啤酒黎飲
而我都係飲左少少咁...紅都面曬...呀唔係..係面都紅曬至岩
不過神智就仲係好清醒既
欣 : 飲少少就面都紅曬咁無用既
我 : 面紅即係散得快呀d酒精~~妳識咩~~
欣 : 拿..你睇下...你醉喇
我 : 邊有
欣 : 飲醉酒既人一定話自己無醉架
我 : 係咁既咩?
欣 : 係架
我 : 真係?
欣 : 係呀
我 : 咁妳有無精神病?
欣 : ....
朗 : 喂你地唔好掛住兩個係度傾啦...呀晨飲埋佢啦
佢又拎啤酒比我...大佬呀依家又唔係拍劇...我地都唔算係情敵喎
做咩要玩灌酒依d咁老土既野?
我 : 唔飲喇...一陣仲有下場呀我
我唔想飲到wing下wing去見呀淇佢地
朗 : 飲啦難得大家出黎食飯
欣 : 算啦佢話唔飲
咁佢女神都出聲...佢就唔逼我啦
依個時候呀聰 : 係囉唔好阻住人地
跟住扯左呀朗去吹水
第一次覺得呀聰抽水抽得咁有用
敏 : 仲有下場咁正?
我 : 係啊同d新同學倒數
敏 : 我都約左d fd一陣去tst倒數
我 : 而家就快8點..果度實好多人...有無叫fd搵定個令位呀?
敏 : 係喎..唔記得tim...係呢你同fd去邊倒數?
我 : 班人話要去我屋企
敏 : 都幾好...唔洗同人逼
玲 : 你地就好啦...我媽咪話要我12點前番屋企...想去玩下都唔得
...........
...........
欣 : 原來係去你屋企倒數啊?
我 : 係呀
欣 : 係上次果班人?
我 : 係呀~
欣 : 我都去..得唔得?
我 : 妳無下場咩?~
欣 : 無啊.
我 : 咁呀朗點算好
欣 : 唔好笑囉
我 : 妳都開到聲...點會唔得~~