明明早該放手 但有眼看不到: 第三十六集

今年既平安夜相信唔會好似上年既平安夜咁...一個人係街...
因為今年有vicki~有呀yan...仲有呀文呀琪兩個假膠陪我倒數~
大概會比上年高興多了
 
不過今年平安夜都係會見到呀欣
但係我諗到左而家...呀欣做既野對我既影響應該會少左好多(?)
 
我唔知道自己仲係唔係鍾意佢..
但過左咁耐..我已經開始灰心
因為一次次既期待只係換來一次又一次既失望




我唔想再係咁拖落去...
與其on9咁無止境地對妳好而妳又當做理所當然..我倒不如嘗試把感情放到其他人身上(?)
 
但我自己知道...根本我就從來不忍心對妳差...又或是妳叫我做的..我不忍心不幫妳做...
大概一相識時我對待妳的方式已經是錯誤?
 
[教壞]溝女真係唔可以對條女太好[教壞]
 
諗番上年...由知道平安夜果晚呀欣得閒
到知道佢肯同佢去倒數，再到聽到佢朝打比我提我，再到我去旺角買禮物諗住送比佢




呢半個月你地知唔知我幾撚興奮幾撚期待？
但原來半個月既苦等只換來一個話自己好累唔想出街sms
妳知唔知我心靈受到幾撚大創傷？
 
果日我望親街上d情侶，我都會不自覺諗起自己有期待過同妳睇燈飾
同埋送個音樂盒比妳，妳知唔知咁樣我會對聖誕有心理陰影架？我個平安夜就咁過左啦﹗仆街﹗
好朋友呀良話我痴左線，但我其實係好冷靜好清醒
無比女咁玩9過既人係唔會明白呢種感受架﹗葉子欣，我XXXX﹗我真係好撚嬲呀﹗﹗﹗
不過我又未去到好似聖誕之吻個男主角咁日日提住自己好撚怕聖誕無女
 




話時話我諗上面堆野只係用左幾分鍾...
番番去我sd緊sms既時候...
覆呀欣話ok先
 
我:我得呀..呀淇話10點先得閒
欣:呀淇?
我:哦..姐係上次唱k同bbq果個vicki
欣:叫得咁親切既?
我:哦..係咩?
 
一諗起上年就真係唔鬼想理佢
跟住我唔記得佢覆d咩啦~都係廢話姐
開個whatsapp先...諗住心情會好番唔少
 
vicki:咁呀晨去唔去?




 
雖然我知道佢係叫呀晨而我又係叫我晨係我既錯
但係可唔可以唔好叫我既時候係呀晨..叫佢既時候又係呀晨呢?
妳叫我點分呢大佬
 
我:佢話去旅行
vicki:哦
我:嗯
 
之後我都唔知講咩好...而佢都無覆番我傾計
睇泥...仲有d未放低?就好似我仲未放低到欣一樣?
呵呵...大概是時間問題吧?
若果她是那種過幾天便能忘記一個人的女生..大概我也不會喜歡上她吧?
 
睇下間屋....得我一個人




呀媽就去左親戚度~老豆就番工今晚唔番泥食飯..
看來...我還是難逃吃公仔面的厄運
望望個鍾..下午三點...真係訓醒都日上三竿..於是我決定唔食..等夜晚煮面
打左陣機覺得好悶...於是就彈下鋼琴啦
 
話時話我最鍾意係d無人既地方彈琴...因為得自己一個會彈得順好多
就正如我鍾意游水既時候係水入面唱歌一樣,因為無人聽到
同平時一樣...我彈既唔會係考試歌
講真d考試歌真係悶到喊..我堂堂去學琴果度彈下就當練左
俗不可耐既我又彈起流行曲來...
彈彈下又彈左
[明明早該放手 但有眼看不到]
 
u've got a new whatsapp message
 




vicki:喂
我:做咩?
vicki:我只係好奇問下咋..唔係掛住佢
 
於是變左彈
[熱烈地彈琴熱烈地唱歌聲多奔放個個喜氣洋洋] (假架我唔會彈d咁既野)
 
講真佢而家影響我情緒已經同呀欣差唔多...
 
我:嗯.我實信妳架喎
 
一貫唔信既語氣...不過我知...其實佢想表明d咩咁
 
vicki:頂你我講真架
我:都話信妳咯




vicki:我無咁鍾意佢喇
 
女仔講d咁既野千其唔好信
無咁鍾意既意思即係仲鍾意緊
所以唔好咁傻鍾個頭埋去
要慢慢解讀
 
我:喔?姐係仲鍾意啦~
vicki:唔係呀
 
拿...依個時候當佢話唔係呢..千其唔好信
一定係反話..唔係即係係
 
我:咁即係點啊?
 
拿要問d廢野等佢自己講埋落去
 
vicki:即係而家見到佢溝女無以前咁唔開心
 
拿又係伏...無以前咁唔開心..即係仲有唔開心啦
 
我:慢慢泥啦...又或者妳去溝條仔囉
 
係時候探下口風喇各位...不過如果對方話無鍾意人又或者有目標...咁就sosad
 
vicki:下..咁如果我同第二個男仔一齊..果個男仔咪會以為我當佢水泡囉
 
解讀之下即係妳會考慮同另一個男仔一齊,不過唔知妳係真鍾意個男仔定只係想投放感情
今次仆街鳥..說不定有對手..但說不定可能會有機會!
於是...我又再廢up
 
我:哦..咁妳去搵個唔識葉文晨既男仔咪得囉
vicki:唔理你..無d建設性
 
呵呵又係妳自己話怕人地以為妳當佢水泡
我比個最佳既(不可行)方案妳妳又話我無建設性
 
我:咁點先算有建設性呀?
vicki:幫我完全忘記佢!