明明早該放手 但有眼看不到: 特別篇 (4)
2010年12月24日
今天的我很早便醒來了...或者是說...我根本沒怎麼睡過
為什麼呢?因為...我失眠了...
為什麼失眠呢?因為...我很興奮...
為什麼這麼興奮呢?因為...我約了欣...
為什麼我居然約到她呢?因為...她說有空...
為什麼我要打這麼多廢話呢?因為...要湊字數...
沒錯..今天張樂晨約了葉子欣
晚上八時正於尖沙咀某餐廳進餐,再於街頭感受濃烈的節日氣氛
最後倒數迎來上帝之子yeahso的生日...12月25日
沒錯...這是今天的行程..
身為毒撚的我首次與女神二人單獨約會..而且更是這個恐怖的日子
失身夜...毒撚自殺日....
叫我這個毒撚怎能不興奮呢?
記得以前..一年又一年的平安夜和聖誕節..
我都只是在家中聽著eason的lonely christmas..一次又一次...不停地播...
這樣還算不錯...更慘的是
...跟幾個同病相憐的毒撚朋友一起到街上自high一番
看著情侶一對對...拖手...調情...擁抱...親吻
叫我們這些毒撚情何以堪?
不過今年...我相信...我能成為毒撚公敵
一個跟美女約會的毒撚!
儘管...她不是我的女朋友
電話震動把我從無限美好的幻想中拉了出來
是欣
我:喂
我努力的保持著語氣...不讓她聽出我的欣喜
欣:喂...訓醒未呀~今晚約左我架你
呵呵...想不到她記得..還打電話來提我呢~
我:嗯...我岩岩訓醒喇
欣:咁遲先醒真係懶
我說...現在才早上八點呢...按照放假模式的我..
現在一定是在跟周小姐約會呢...
現在聽得到妳的電話已經是妳的幸運了..還說我懶
我:有幾遲呀...而家先得果八點鍾...洗唔洗咁快提我12個鍾意之後既事呀
我口是這樣說...心卻很高興
高興的是..她有把我們晚上的約會放在心上
欣:我想講呢...我可能遲少少先得閒...不如改做9點好唔好?
原來不是真的要打來提醒我...只是妳有事要做要改時間啊?
其實我這人挺怪的(?)一些定下來的事又或是認定的...如果要變...我總會覺得很不習慣
不過是呀欣....算了無所謂
我:嗯..好
欣:咁今晚見啦~bye
結果我連bye也沒說..她便掛了
沒關係...我打去問那所餐廳可否轉去9點吧....
現在才早上9點..有什麼好做呢?
我決定.再訓過
訓到12點起身食個杯面
話曬今晚都約左女神..點都要有d準備
不如去買份聖誕禮物過佢?
而家條街一定好多人...不過無阻我出街既決心
去邊度買好呢?我諗住直接買完就去尖咀
咁就出旺角啦...雖然我唔係一個旺角仔但係自問對旺角都算熟悉
但係..買咩先係一個大問題..出到去先算~
一落街上巴士就見到好多情侶
巴士無位坐...企我左邊既一對情侶
女:今晚我地去邊度?
男:妳估下?
女:又要人估..你講啦
男:講左咪無驚喜囉
男生一臉微笑地望著女生
女:懶神秘咁...拿送比你
女生拿出一對手套...大概是溫暖牌吧?
男生征了一征...隨即一臉欣喜的望著女生
大概他是真的沒想到女生會送自己聖誕禮物吧?
有時候一段關係入面...驚喜可能好重要..但係我覺得都要雙方肯去付出
有一種人...你/妳對他/她好...沒錯,對方知道你的好..卻從來未有想過怎樣對你/妳好
他/她只把這種好視作理所當然..
其實你/妳根本沒有希望能得到什麼回報...但起碼...有一聲感謝吧?
這樣的戀愛..又或是友情..從來只是單方面的付出...總有一天會累.對吧?
看著二人的笑臉...
男生把手套戴上..輕輕擁著對方...充滿真誠的道謝..
愛情的力量還真大..這對情侶大概相處的很好吧?
看著眼前和諧的二人...我也忘了要祝他們是同父異母的兄妹了..
希望他們能繼續這樣下去吧..
雖然只是一件小事..講唔出咩大道理..但係見到都覺得好有親切感
同時我都憧憬住自己日後有女朋友既時候..要點樣好好咁對佢
唔需要好多驚喜同刺激感..只要細水長流既感情就好
只係想佢會知道我對佢好..佢會開心同埋對番我好
對我而言..我想要既愛情就只係咁簡單..只要拖住手係街上行..唔洗講任何野果種感覺都已經好滿足
不過.我未有女
ps:果陣諗野係天真d架喇
正當我沉醉於無限既FF當中既時候..巴士已經到左站
身為一個俗不可耐既普通人(今日唔認毒撚)
我就當然走左去潮童同mk仔mk妹最鍾意行既潮特
果然人山人海..多人都舉步維艱..不過區區一班mk仔又點能夠阻止到我買聖誕禮物比呀欣既決心
果然好有聖誕氣氛...有商店播住各式各樣既聖誕歌曲
「耶穌娶老婆 耶穌娶妾侍 耶穌差我三千蚊 今年仲未還 」
~~~~~~~~~~~~~~~~~~~~~~~~~~~~~~~
「聖誕樹啲膠氣幾臭架！ 我呀爸貪佢夠呀咋！」
~~~~~~~~~~~~~~~~~~~~~~~~~~~~~~~
「欠債不還錢 致富的名言 幾大都借左先」
~~~~~~~~~~~~~~~~~~~~~~~~~~~~~~~
「Lonely Lonely Christmas ~~ Merry Merry Christmas」
係你喇!!!
走到一間特別冷清既商店...入面播緊既係..我年年都聽既
陳奕迅 - Lonely Christmas
一入到去...見到各式各樣既小禮物
但係入邊卻只係得小貓三四隻...大概係因為平安夜仲播毒撚歌所以無人入掛
不過聽到依隻歌咁有親切感..我就緊係入泥聽喇
行到一個唔係太起眼既櫃度...我見到一個好起眼既音樂盒
可能你地會話:屌你又係音樂盒唔悶架咩?
無錯..我份人係無咩新意..
其實一直自己都好鍾意音樂盒...覺得好有fantasy既feel...
講番眼前既依一個音樂盒
透明既玻璃入面係係一個雪景既擺設
上面有一個小男孩同一個小女孩...入面唔知係發泡膠粒定係咩...好似雪咁
搖下咁就會好靚...播既只不過係一隻普遍既聖誕歌曲
好啦就買你啦
$199...嗯..我望望自己個銀包...有六百幾...
嗯..應該夠今晚食飯既?
叫收銀姐姐包到份禮物好好睇睇...
我諗呀欣收到實會好開心!見到佢開心.我又會好開心
放好份禮物...望一望錶..4點...仲有5個鍾..可以做d咩呢?
打比呀良問下佢有咩做先
我:喂..有咩搞呀~
良:同佢出街囉
'佢'即係良既女朋友(果陣仲係拍緊拖)
第一次見佢女朋友係在良既屋企...果陣佢地話要游亁水三缺一
於是就叫左我去...雖然我唔識打...但係都去左
佢女朋友...話令唔令...話醜唔醜...又係一個幾talkative既人咁啦
兄弟都有女喇...望下自己都真係幾失敗
我:無野喇再見
二話不說..唔好阻住人談情
咁...自己一個行下囉..
行左一陣旺角...發覺原來自己未食野..
於是買左個m記一路行一路食
跟住去左網吧諗住打幾粒鍾機...
不過估唔到間間網吧都爆曬人
無辦法..唯有行去尖沙咀消磨下時間啦
旺角行去尖沙咀...慢慢行應該時間會過得快d掛?
行到去尖沙咀...望住全街上既情侶又或者係成班朋友...自己一個人真係有d格格不入
不過唔緊要...去到9點就會有個人陪我行架喇!
好不容易去到8點9..我去到果間餐廳坐低等佢..
應該唔會有咩變...掛?
依個時候..sms
欣:我岩岩番到屋企...好攰..我諗都係唔出黎喇
呵...又是這樣嗎?
我真係好憎人咁樣...講好左既野又要變...
妳仲要係因為d咁樣既理由?
已經係半個月之前約妳...今朝都講好左夜晚9點係度等
點解可以用好攰唔想去就話唔去?
對唔住都講一聲?
我已經唔想再覆佢...
既然係咁...自己一個係依間餐廳食飯又咩意思?
走出餐廳...剛好9點....
望望自己今日做既野...買禮物?緊張都訓唔著?
真係傻的嗎
所以自己一直擺係心上覺得好重要既事
對人地而言只不過微不足道...?
漫無目的咁係街到行...
有對情侶叫我幫佢地影相...
唉..點影呀...影咩呀...咁影定咁影呀?
你地叫我影相簡直就係我死左仲要踏我條屍
係喇係喇..好sweet喇...
點解葉子欣可以咁唔理人感受既呢?
妳有野做我唔怪妳...但係明知約左今日
妳話要改ok...妳想點都ok..但係有無尊重下我?
我唔係咁樣比妳呼之則來揮之則去
呵呵...我無期待過同妳出街
我無期待過拖住妳睇燈飾...
我無放過妳係心上....我無諗過同妳倒數再送禮物比妳
根本係我自己睇得妳太重...岩唔岩?
無希望就唔會失望...看來是我錯了
一個人行到12點....
望住身邊既人群
10...9...8...7...6...5...4...3...2...1
張樂晨..聖誕不快樂
12月的聖誕夜...尖沙咀街頭...一群狂歡的人...一個不歡的人
另外又係自己唱左隻歌....慎入極難聽
http://imusic.hk/index.php?t=audio_player&mode=song_hifi&band_id=7039&song_id=3729