明明早該放手 但有眼看不到: 第十三集

看到他們兩人,就好像有一盆水淋到身上一樣...我冷靜了下來..
發現自己有點太衝動了..我只認識了她半個月,根本還稱不上什麼好朋友
我還故作關心的跑去買m巾?!真有點太看得起自己
而且人一放鬆下來..我才發覺..原來跑得腿有點累了..肚子也有點餓了..
這個時候,我看到李彥琪,大概他是已經吃完了吧
 
李彥琪:喂呀晨.做咩呆左咁企係度..食左野未~!?
我:哦,無野,岩岩諗緊野姐,未食..而家諗係落去~
李彥琪:oic..咦?你拎住d咩呀...下?!m巾
 




他的樣子好像見鬼了一樣
 
我:哦..係呀..幫人買姐..
李彥琪:下,你傻架?男人買d咁既野會衰三年架..你拎開d唔好掂到我
 
還真像小學雞,動作和語氣都這麼浮誇
 
我:哈,我唔信依d野架~好喇我落去買野食..
 
落到canteen都只係得小cat 34隻..可能大家都知道canteen的食物很難食吧?




看看自己的錢包....十蚊!?
原來我的錢都用來買m巾了..哈哈
堂堂男子買m巾買到無曬錢...自己都覺得好笑
用$7買左份三文治..再飲埋支葡萄適..應該夠飽了~
 
回到課室...慢慢進入..神不知鬼不覺的把m巾和止痛藥放入櫃筒
雖然我是不信會衰三年..但我還是會怕有人把我當變態
再看看身旁的那位..正扭過頭跟有錢仔傾計
再把注意力放到有錢仔身上(不是gay)
心諗...令仔真係咁勁?!佢只係有才華左d同有錢左d姐




點解vicki同佢分左手仲會對佢念念不忘?
難道這就是呀良所說的人格魅力,是我沒有的?
既然仲鍾意人又做咩要講分手呢~而家咪又係投番入佢既懷抱
 
上課鍾聲總是會把我從沉思中拉出來~
有謂飽暖思淫慾...呀唔係...係食飽就想訓...
接下來的ls是分組討論...我找了個清涼而又安靜的座位睡了一覺
 
咁多科我自問有d信心既就係ls...訓覺老師唔會理...反正考試測驗合格就ok
而且ls不外乎9吹...睇下邊個吹得多角度d..加幾個例子撈埋一碟就實無死
所以我本書幾乎無打開過~
 
ls完左就係math...又係可以hea的一堂
當我走番去自己果位既時候vicki又伏番係度...難道她也睡覺了?
不管了,反正她有後面那位關心~




直到math老師來到..佢先坐番好~
不過我見佢臉色ok..應該無事~
不過唔知點解...成堂我地都無講過野~
 
直到落堂...佢大大力拍左我一下~
快睡著的我即刻醒曬~
 
我:放學拿?
vic:係呀..我地走啦..
 
語氣好溫柔..好唔慣
我下意識望一望後面...發覺呀yan同葉文晨都唔見左鳥..唔怪得知vic會搵我啦
原來條仔走左去溝女..
 
vic:有咩好望姐~快d啦~




 
語氣依然係溫柔的...平時慣左比佢惡言相向既我..充滿了危機感
好~執野走人~..咦~?!我包m巾同盒止痛藥呢?!
呀唔係...係我買左諗住比vicki既m巾同止痛藥...
消失了?!!我諗唔會有人偷m巾咁on9掛?!
 
vic:行得未呀~?
 
而家好趕咩令女...?廢事要人等..我放棄左花了一百大元既m巾同止痛藥..拎起書包同佢離開~~