明明早該放手 但有眼看不到: 第十二集

小息到了...
 
vic:sorry呀
我:無啦啦sor咩?
vic:今朝咁同你講野
我:今朝做咩呀?我唔記得喇~
 
二人相視一笑
 
我:其實做咩今朝好似嬲爆爆咁既?




vic:m come
我:下?
 
開口中...btw佢真係好野..對住個男仔都可以咁坦白講mc..唔怪得知今朝面無人色咁啦
 
vic:下咩姐?你無你唔明架啦
 
佢咁講我就唯有哦左聲就算啦
 
我:咁妳而家仲有無咁痛?




vic:飲左d熱野而家好d
我:oic
 
好快又到左午餐前既高登堂..電腦堂
 
我:喂~行喇~我趕住追post
 
只見vicki伏在桌上,就像一隻熟睡的小豬
用手扯了扯她的馬尾..她慢慢抬頭..眉頭深鎖..好像很痛的樣子
 




我:又話無事?好痛呀?
 
痛苦的臉上露出一抹淺笑
 
vic:無野呀...我地行啦
 
於是二人便慢慢走向了電腦室
她..似乎在死撐啊...
看到她這個樣子,我還真有點自責,明明就坐在她的身旁..卻亳不發覺她的狀況
要不然大概我可以跟老師說說..讓她到醫療室休息一下
 
我:真係無事?洗唔洗去sick rm?一係我幫妳同老師講啦...
 
最近電腦堂一直在教關於專題研習的做法和程式碼
我想她大概不願不去吧?




 
vic:我真係無事呀
 
明明說話都有點沒力...還說沒事
但我卻又做不了什麼..就只好看著她吧...
結果電腦課的時候...我就看著她的面色愈來愈難看...但卻要一直用心聽老師講課
還真是一個好學又硬頸的女生
而且這天的電腦課教的特別多...老師一直講到午飯時間開始了十分鍾才下課
我們兩回到課室已經一個人都沒有~只見她又走回座位伏在桌上
 
我:唔食飯?
vic:無胃口..
 
說實話看著她這樣我還真是挺心痛的..
原來過了半個月的相處..我還挺在意她的.




 
見佢咁辛苦 ,一係買d止痛藥過佢啦...
我以比超音鼠慢上一點的速度跑出了學校(別以為超音鼠很快 )
在兩分鍾後,臉紅而氣喘的我出現了在屈神屎
 
我:令女..我要買d m come時候要用既野
 
老老實實我覺得果陣自己幾有霸氣架...
 
女售貨員:先生..係咪幫女朋友買野呢?
我:係呀..妳幫我執丫,記得要止痛藥..
女售貨員:好的..請等等
 
兩分鍾過去了...
 




女售貨員:先生,衛生巾同止痛藥都拎左..洗唔洗要支葡萄適?
 
女仔m come緊時，血糖量有少少偏低，可以飲返一d有葡萄糖成份的飲料
 
我:是但啦..最緊要快
 
付了差不多一百大元,我爆seed了,我以比超音鼠快上一點跑回去
唔好問我點解會咁on9買埋m巾,果陣真係有理無理咩都買..趕丫嘛
不間斷咁跑番去...原來只係過左十分鍾..
只見... vicki依然在她的座位上..只不過..
有人坐在我的座位上..葉文晨
 
再看看vicki,本來痛苦的臉容好像舒緩了不少
而最引人注目的..是她桌上的一支..橙味葡萄適
再看看自己手上的原味...我突然覺得自己做得有點多餘




買m巾同止痛藥這些事情根本就不是我應該做的..
她有她的'前'男友
雖然不知道葉文晨是怎知道她m痛的...也不知道為什麼既然分手了,
他還...這樣..?
當然我看到他們的時候,他們看不到我
我把手上的原味葡萄適握緊...收起..