明明早該放手 但有眼看不到: 第十集

有日番到學校,見太早,去左音樂室
 
有時候係一個無人既環境下彈琴既感覺真係好舒服,一有人注視我就會覺得好唔慣
果種緊張既感覺無論考過幾多次琴都仲係度..
音樂室部琴令聲過自己屋企果部好多,真係彈隻歌都好聽D
除左考試歌,我好少彈古典音樂..因為我鍾意唱歌,自自然聽流行歌曲多..所以彈親都係流行曲
流行曲既指法都有唔少變化架 而且有得自彈自唱
 
好似扯得太遠...就係我彈secret就泥完既時候..有人推門而入
係馮芷欣




 
我的手不自覺地停下來..
 
我:早晨..咁早番泥既呀yan?
 
(sosad有兩個呀欣搞到自己都打到好混亂...所以呀欣=葉子欣,呀yan=馮芷欣)
 
yan:係呀,今朝好早起左身又訓唔番,所以就早d番
我:哦...咁妳咪訓得好少?
yan:嗯..不過我都訓唔著..咦..你識彈鋼琴架?彈隻歌泥聽下啦




我:係呀...不過我彈得唔好架喎
yan:唔緊要啦
我:但係一有人睇住我我就會緊張到禁錯曬...都係唔好啦
yan:無所謂啦..我又唔會笑你
 
佢語氣好友善..同時也好溫柔..身為一個毒撚...有個令女有咁溫柔既語氣同自己講野
真感動..死就死啦,我彈起了一首'他約我去迪士尼'
我一直認為依隻歌幾好聽..雖然有d舊..但係類似卡農既前奏..同好有fantasy feel既副歌
真係令我覺得kellyjackie都幾勁
全首歌彈了三分鍾..中間有不少錯漏...甚至有些間斷




琴聲慢慢停下..取而代之的是一個人的拍掌聲
 
yan:都唔錯喎,隻歌叫咩名?
我:隻歌叫'他約我去迪士尼'..
yan: 不如下次音樂堂表演你就彈e隻歌丫
我:表演?! 
yan:唔記得左你岩岩轉校唔知tim..音樂堂個個人都要表演樣野架..
我:唔係掛..到時實彈到錯曬
yan:點會喎..最多我陪你啦
我:陪我?
yan:係呀..可以搵人分組表演架 咁你咪無咁緊張囉
 
看到她的微笑,我就像是忘了自己是個毒撚...不自覺地點了點頭
 
yan:就咁話啦~




 
她說話不會有像港女mk妹般的語氣起伏..令人聽起來格外舒服
她做事任何都很有條理..舉止也很溫文
我想這應該是她成為班上公認女神原因吧
能跟女神級一起表演,無疑是向我成神的路踏前了一大步
所以原來拒絕的話也沒有說出來..只是怕表演的時候會拖累女神
音樂科...低分點,她應該不介意吧?
 
我:嗯,咁妳表演d咩?
yan:我?我唔識樂器喎...可能唱隻歌啦..
 
唱歌!這是我興趣之一 從小到,認識不少唱歌好聽的人
但卻很少是女生,真不知道為什麼我認識的美女都是五音不全的
心諗,yan把聲唔會真係好似佢個樣咁令呀話?想起來真是有點期待
然而上課的鐘聲把我從FF中拉了出來~




 
yan:上堂喇,我地番去喇
 
這便是我與女神呀yan的第一次交流
 
回到課室..不自覺想走到我坐了一個星期的寶座
卻驚覺原來自己已經跟有錢仔調位了..
當我在努力想起自己調到那裡的時候..vicki回來了
(唔好問點解唔記得..因為真係唔記得..)
 
Vic:做咩晨早流流就kai左咁企係度,番位座啦
我:啊,早晨..問題係我唔記得自己坐邊..
Vic:白痴,你咪坐我格離囉
我:但係我同有錢..呀唔係...我同葉文晨調左位喎
Vic:叫妳坐就坐啦.咁多野講




她m come嗎?咁燥既?
 
既然如此,我也不多說..回歸了自己的寶座..真係坐耐左有感情(btw得果一個星期)