明明早該放手 但有眼看不到: 第九集

還好是星期日,睡醒了已經日上三竿
但似乎睡了一覺對舒緩我的煩惱並沒有任何的幫助
但心情卻不像昨晚般差
既然她不喜歡我,當朋友也可以..反正都已經這麼久了..都習慣了
 
打開了電話,卻發現三個sms
 
欣:講笑咋,我都唔鍾意佢
欣:做咩唔覆我?訓左拿?
欣:你平時好夜架,做咩今日咁早?我都訓喇,聽日搵我啦




 
看完我好像鬆了一口氣,,但這玩笑開的有點太過了吧?
按道理我是應該很高興的回覆...但我卻高興不起來
她這個玩笑完全沒理會過我的感受,就像把我的感情當笑話般看
就好像是否定了我當時的表白,否定了我一直對她的好..
可能是我想得有點偏激.但我便一個這樣的人..很容易因為感性而影響了我理性的判斷
 
回了她:我不認為好笑
大概她今天沒出門,在家很閒吧?所以她回得很快
 




欣:嬲啊?
 
再過了幾分鍾
 
欣:對唔住囉..下次唔玩啦...
欣:你都激嬲左我啦之前..扯平
 
到了這時,我的氣都消得差不多了,枉我昨天一直失眠想著她,結果她說幾句我就算了
我還真有點入伍的潛質
 




我:我幾時有激嬲妳?!我一直對妳不知幾好
欣:哼.你上個禮拜話識左好多新女仔,仲話個個令過我!
 
雖然真係個個令過妳..但係我真係唔明有咩好嬲
 
我:咁有咩好嬲呢請問?妳家陣又唔係我條囡囡
 
隨著話題的轉變..語氣也變得輕鬆~
 
欣:咁我做你條囡囡囉
 
呵..別講笑.我再傻也知道這是個玩笑
雖然看到這個sms好像心有漏了一拍
但明白事實的我還是回了一她
 




我:岩岩先話唔玩,咁快又玩我?
欣:我講真架!你信唔信先?~
我不信,雖然我很希望這會是真的
我:信妳一成?雙目失明
欣:唔信就算,我出街!~
 
呀欣就係一個咁既人,好似知我諗緊咩咁...有時候我們想的會和對方一樣,那種對望而又不用說話的感覺
真的沒多少個朋友能有
 
既然無野做,就溫下習啦..雖然求學不是求分數.但係無分數就求唔到學
打開物理書,計下自己跳落樓不幾多秒,又計下reaction time要幾快先可以躲子彈
就咁過左個星期日