[地鐵&生存]打機玩得extreme，呢個生存遊戲我都要玩extreme: CH.3 第一回合 - 定向
又過了三十分鐘 ...
車站的人，由原來的驚恐狀態慢慢回復平靜。
或許，這只是美孚站的情況。
阿謙把PSV收回背包中，拿出筆袋，把一支尖頭鋼筆放進褲口袋。
「呢樣野而家應該岩用 ...」他保持警覺，認真的四處觀察情況。
月台中央位置，大多是下班的白領和美孚的住客。
他走進車廂，在第三卡其中一排座位坐下。
「上左車穩陣啲，一日未到錦上路都唔可以放鬆 ...」他心想。
突然 ... 車門關閉了 ...
「你地好，又係我A，阻左咁多時間真係唔好意思，」廣播器再次傳來A的聲音：「首先公佈一下，所有係地鐵站範圍嘅人已經揀好晒開始據點。
但係有736位不自量力嘅朋友嘗試逃走，而佢地已經全部比我地 ... 槍斃。」
「果然 ...」阿謙打了一個寒顫。
「所以，請大家唔好再嘗試，認真完成我地安排嘅呢一場遊戲，先係你地唯一可以生存嘅方法。
好啦，而家即將進入第一回合嘅遊戲 - 定向。」
「嘩 ... 一黎就搞啲咁嘅野 ...」阿謙心感不妙。
「呢個定向遊戲非常簡單，你地要用自己嘅八達通或者車票，係你地嘅據點車站入面搵十個barcode，當你地每搵到一個barcode就用八達通或者車票拍卡。
最快搵晒十個barcode嘅90萬人，就可以安全進入下一回合。
有一點要注意嘅係，為左分流人群，係車廂入面嘅乘客，必須要搵晒車廂入面所有barcode先可以離開，我地亦會開車門比你地繼續搵其他barcode。
如果有人係未搵晒車廂barcode嘅情況下，就嘗試係其他人搵晒barcode之後，離開車廂嗰一刻博大霧衝門，我地會即時將你槍斃。
另外，如果你係身處車廂嘅乘客，搵晒barcode之後會收到我地send比你嘅sms，你就可以離開車廂，冇手機嘅朋友請善用我地岩岩提供比你嘅電子手帳。
本身唔係車廂嘅乘客，可以隨意進入車廂搵barcode，但入左去就一定要搵晒先可以返出黎，好，一分鐘後，遊戲正式開始。」
阿謙的腦袋立即開始分析 ...
「美孚站有四個月台，之係話，車入面最少有四個barcode ... 咪住，有兩個月台係荃灣線，應該唔關事，如果唔係都唔洗分線啦 ...」
他走到車頭，詢問黑衣蒙面人。
「我想問下，如果嘟錯barcode會點？」
「知錯能改，善莫大焉。」蒙面人機械式回應。
「果然冇錯，唔可以嘟錯barcode ... 可唔可以問多條問題嫁？」
「請講。」
「車入面嘅barcode就係呢架車範圍入面？」
蒙面人豎起大拇指。
「咁 ...」阿謙張望了一下，確定沒人留意自己後，指了指車頭的逃生門：「可唔可以開左呢道門比我睇下車長室呀？」
蒙面人再次豎起大拇指後，輕輕推開逃生門，阿謙立即鑽進去。
「哈！咁就搵到個！」他看到操縱桿上貼著一個黃色barcode，立即用八達通拍卡。
一秒後，手機傳來sms：
「閣下已成功找出西鐵線1號月台的全部barcode。」
「原來得一個，goal！」
他輕輕推門走出車長室，並把sms頁面給蒙面人觀看。
「請，恭喜你。」他打開車門，讓阿謙離開，然後再次關上車門，並向阿謙比了一個軍方禮。
阿謙回禮後，立即跑上大堂，在月台的人用驚訝的表情目送阿謙離開。
正當阿謙展露著興奮的微笑時，廣播器播出：
「恭喜將軍澳線嘅乘客，由於康城站已經有人搵出十個barcode，所以，下一回合嘅將軍澳線生還乘客將可以獲得一項優勢！」
「唔撚係呀？三分鐘搵晒十個barcode？」
十五分鐘後 ... 中環站 ...
「嘟 ...」
「鈴 ...」手機傳來信息。
「錯誤，請重新掃瞄。」
「仆街！」徐銘驊一拳打在牆上。
他已經找到了十個barcode，可是，只有兩個屬於荃灣線的。
這遊戲的難度遠遠超出他預期。
從小至大，贏在起跑線上，住中半山，讀名校，成績也名列前茅，現在卻被一個定向遊戲難倒。
他看著車站的顯示屏：
各線路第一名：
將軍澳線 - 康城站
馬鐵線 - 第一城站
東鐵線 - 太和站
西鐵線 - 兆康站
港島線 - 灣仔站
迪士尼線 - 欣澳站
東涌線 - 欣澳站
機場快線 - 九龍站
遊戲完成人數：153人
「荃灣同觀塘線都未有人搞掂 ... 我明明可以做荃灣線第一 ... 可惡 ...」他心想。
可惜，一分鐘後，廣播器播出：
「荃灣線已經有乘客完成定向，恭喜位於大窩口站嘅呢一位乘客。」
顯示屏在最下方加上了：荃灣線 - 大窩口站
「屌！」
筲箕灣站 ...
Ciro在便利店隨手拿了一包檸檬茶，打開吸吮起來，手中仍然把玩著瑞士刀。
他的手機頁面寫著：
筲箕灣站第一名，港島線第二名。
「低能game。」他不屑。
一個婆婆走過來 ...
「哥哥仔呀 ... 其實而家要做啲咩呀？到底幾時先可以出返去呀？」
「婆婆，而家地鐵有故障呀，」他轉換成微笑臉：「應該未咁快出得去住，你不如食個麵包先啦。」他在貨架隨手抓了一個忌廉包交給婆婆。
「下 ... 我趕住返去煮飯比孫仔食呀 ...」婆婆臉上透著不安。
「我都趕住去銅鑼灣返工，但冇辦法 ... 婆婆，你張八達通呢？」
「做咩呀？」
「你借一借比我得唔得呀？」
「哦 ...」
婆婆從袋子拿出銀包，把八達通交給Ciro，他接過後將八達通逐一在barcode上啪卡。
便利店的收銀桌上，平放著十條黃色barcode。
這就是Ciro成功拿取筲箕灣站第一名的原因。
的確，規則沒寫到，不能移動barcode的位置。
「婆婆，比返你，食麵包啦。」Ciro掃瞄好全部barcode後，把八達通交回婆婆手上，然後把收銀處的椅子端給婆婆坐下。
「哥哥仔，你真係好人。」婆婆拆開麵包的包裝紙，咬了一口。
他笑了笑，雙眼回望大堂。
「筲箕灣站，而家，我話事 ...」
遊戲時間過了一小時 ...
「終於搵到你 ...」阿謙用八達通向著最後一個barcode啪卡。
「嘟！」手機立即收到信息。
「恭喜！閣下已完成第一回合！」
「痴撚線！有咩理由係女廁，仲要係馬桶底，人都癲！」他倒在馬桶上。
可他沒有放鬆，轉頭立即查看手機：
第一回合完成人數：17192人 ...
「咁難嘅game先係第一回合 ... 仲有90萬人 ... 啲game一定愈黎愈難 ...」
但阿謙發現了一個問題 ...
「觀塘線啲人隔左成個鐘都仲未有一個人搞掂 ... 欣澳反而同一個站兩條線都有人拎第一 ... 欣澳嗰邊一定七國咁亂 ...」
他想起了阿發和強叔 ...
「唔知佢地兩個搞唔搞得掂 ... 早知就同佢地一齊，我好似害左佢兩個 ...」
此時，廣播器發出公告：
「恭喜觀塘線，恭喜牛頭角站！你地終於有第一位乘客成功完成第一回合遊戲！你地要加油呀！」
「睇黎阿發同強叔仲未搞掂 ...」
手機螢幕顯示的完成人數一直上升，短短數分鐘已增加至三萬人 ...
「End game嘅人開始愈黎愈多 ...」
32464 ... 37701 ... 40613 ... 68127 ... 420136 ...
「點解嘅？突然多左幾倍？」阿謙整個人寒了一下。
431094 ... 457610 ...
隨著人數上升，阿發和強叔的處境，將變得更危險 ...
要是完成不了，下場只有一個 ...
死亡 ...
人數來到 ... 726721人 ...
「仲差兩個 ... 點解咁難嫁 ...」阿發因為不斷跑動，已全身濕透 ...
「如果過唔到，係咪會死 ...」強叔變得驚慌。
「梗係啦，仲講，快啲搵啦！」
強叔活了大半生，第一次有感這個每天途徑的車站，變得如此陌生 ...
「到底會係邊？」
此時，一個小男孩，手中拿著一條黃紙，經過強叔身邊。
「細路，拎黎！」他抓著小孩，一手搶了小孩手中的紙條。
「仆街！唔係barcode！」他把紙條拋在小孩的臉，小孩受驚失聲痛哭。
人在受壓力時，果然甚麼事也幹得出來。
「喂！強叔！呢度呀！」阿發大喊。
「黎！」
阿發在一個垃圾桶的底部發現barcode，立即用八達通拍卡。
強叔趕來後，也把八達通貼在barcode上。
「仲有一個 ...」強叔自然自語。
「加油，差一個 ...」
完成人數，已達八十萬人 ...
他們的情況，愈來愈危險 ...
「嘟 ...」
「恭喜！閣下已完成第一回合！」
「可惡 ...」
徐銘驊終於以810042名，完成遊戲。
他倒坐在月台其中一張椅上，瘋狂的喘氣。
不甘心的氣牆濃罩整個人。
「睇住黎 ... 下一個game 我一定會贏 ...」
----------
849808 ... 849809 ...
「嘟 ...」
「恭喜！閣下已完成第一回合！」
「Yes！」阿發完成遊戲後，興奮的跳起，完全忘記了疲累。
「呼 ...」強叔已不支倒坐在地上。
「強叔，我地得左啦！」
「係 ...」
「你估阿謙搞唔搞得掂呢？」
「佢？！一定係最早搞掂嗰批人啦，你仲講？係佢賣甩左我地！」
「...」阿發不敢說話，生怕再惹到強叔。
不久 ...
「叮咚 ...」鐘聲響起。
「恭喜晒完成遊戲嘅九十萬人，你地順利過關啦！」A的聲音出現：「而未完成嘅人，好遺憾，你地嘅生命，亦進入最後倒數。」
此時，有乘客的手機不由自主的響起，黑衣蒙面人們從刀套取出雙刀，向那些人衝去 ...
亂刀斬在他們身上 ...
「呀 ~~~」各車站的被斬乘客傳出陣陣痛苦尖叫 ...
直至所有人死亡。
第一回合完成情況：
阿謙 - 17192名
阿發和強叔 - 849808，849809名
徐銘驊 - 810042名
Ciro - 71名