今個學年,我多左三個女室友: 61(大結局)
在救護車上,她一直在我身邊,捉緊我的手。
「蠍仔你唔好有事呀！」
「蠍仔呀！唔好訓啦！」
我多想告訴你,我還清醒。
「蠍仔...對唔住呀...我唔應該呃你...你唔好唔理家姐啦！」
「係...我地係好想幫你入港隊...但你點解要咁對家姐？」
「蠍仔呀！」
她捉著我的手不斷吻著,眼淚也流在我手上。
她一直陪著我,不停的哭泣。
去到醫院,我被許多人推走,家姐的手也消失了。
「病人後腦著地,即刻開始檢查程序。」
「教授,現場消息話病人右手中過一刀。」
「同佢除左個手套檢查。」
我被許多的醫護進行急救。
他們一直問我問題,我只可以輕輕的搖頭告訴他們我還清醒。
我感到手臂被插了一針,不久後就睡著了。
我發了個夢。
這是一個球場,沒有人,只有一條球道擺放了瓶子。
球架放的是白龍,那個龍頭花紋清晰可見。
我發了一球,打出一個全中。
但同時右手劇痛難當。
在前方傳來了一陣的叫囂,嘈雜聲,但我聽不到他們說甚麼。
這裡四周都沒有人,那吵聲也越走越遠。
不知怎的,我右手不住的抖動,我不能控制我的右手。
雙腳也逐漸變得硬直,不能移動半步。
整個人很沉重,就像被吸住一樣。
慢慢的右手好像浸在水裡一樣,很冰冷,還有點濕。
這感覺,很熟悉。
雙眼開始模糊,眼前景象開始飛逝。
「阿An...你醒下啦！今日係咩日子你記唔記得呀？訓左咁耐,快d起身陪我去行街啦！」
這裡是...那聲音...
「阿An...你話過唔會掉低我架。你贏左咁又點喎,無你一齊慶祝你叫我點開心。」
阿Cat...
我手一動,捉住她冰一樣的手指。
「阿An？阿An你係咪醒啦？」
我再動一下手指。
「阿An！」
她不斷的搖動我的右手,左手也被另一隻冰冷的手捉著。
「AnAn,你醒啦？」
我勉強的打開眼,看到了她們兩個。
「阿An！你無事啦！」
我慢慢的眨眼,但卻有另一個身影走近,拿著電筒照我的眼。
「教授,阿An佢點呀？」
「放心啦！你朋友已經無事啦！」
「AnAn！」
Daisy她攬著我的肚子。
「Dai...Daisy....」
「AnAn係咪叫我呀？」
「唔...唔好砸住...好痛...」
她便放開了我的肚子。
「衰人AnAn,一起身淨係識講呢d。」
「阿An呀...你知唔知好多人好擔心你...」
「對唔住...」
「蠍仔,你醒啦！」
阿Cat讓開了一邊,進來的身影是母親。
「阿媽...對唔住...要你擔心...」
「傻仔...無事就好啦！」
她們扶起我坐在病床上,此時病房進來了更多人。
為首的是西裝打扮的父親和家姐,再來是Charlotte和另一群西裝男。
「蠍仔,你精神好返d未呀？」
「ok...應該可以架...」
「蠍仔,跟住你聽到既野,你唔想聽既同阿爸講,我地搵日再傾過。」
一個西裝男走上前。
「天蠍...唔介意我咁叫你嗎？」
我搖搖頭。
「天蠍你好,我係香港保齡球代表隊既領隊,我姓林。我地觀察到你係今次聯校挑戰賽既表現,非常之出色。尤其是決賽第4盤最後一球絕殺,真係好靚。」
「係團隊合作得好姐...」
我的手再次接上阿Cat和Daisy。
「咁既...就...我代表香港保齡球代表隊現在正式邀請鍾天蠍先生你,加入我地港隊,接受我地專業既訓練,去世界唔同既地方出賽,為港爭光。」
「我...真係可以？」
「天蠍你唔洗急既,拿,呢張係我卡片,你休息幾日,諗清楚再打電話俾我。呢個電話直接打去我手提架,所以,唔好俾人呀！」
就完他就帶著那群西裝男走了。
「蠍仔,對唔住呀！我地一直唔話俾你知港隊想趁今次挑戰賽招攬你,係怕你分心...」
「對唔住呀AnAn...」
我看著她們兩個。
「阿An,成件事只有鍾生,鍾太,Hailey,Daisy,我,同埋幾個公司職員知道,對唔住,呃你咁耐。」
我再輕輕的搖頭。
「一切都唔重要啦...係呢,Cathy佢點呀？」
「難為你仲擔心佢！」
「Daisy,唔得咁樣架。Cathy佢俾警察拘捕,驗出佢吸食過白粉,加埋蓄意傷害他人身體,應該都再見佢唔到架啦！」
我沒有說話,只剩右手捉著阿Cat。
「其實...我有d肚餓...」
眾人都微微一笑。
「AnAn,我地幾個都輪流等你醒,我地今朝都無食過野。」
於是我被扶到一張輪椅上,推到餐廳。
只有阿Cat和Daisy緊貼我左右,其他人都去了買吃的。
「阿Cat,Daisy...今日要你地咁樣陪我過,對唔住...」
「傻豬...」
「傻仔...」
我們都哭了出來,攬在一塊。
對,今日是2月14日,現在已經是下午14:00。
這裡只有我們6個,大家都放下了心頭大石,開懷的把這午餐當作是慶功宴。
吃完了飯,回到病房,醫生前來檢查。
此時我已經能夠自行走路,靠著阿Cat扶著。
「鍾生,你已經好返,完全無問題。不過我仍然建議鍾生呢兩日多d休息,出入要搵人一齊呀！」
「唔該醫生。」
「唔該教授。」
「AnAn我幫你去搞左出院手續先啦！」
阿Kay和家姐扶著我去到更衣室。
我換了一套便服便回來了,牽著阿Kay和家姐離開。
她們臉上都展現了笑容,我的確要她們擔心了。
雖然我已經出院,可是家姐卻說先不許我回家。
她叫阿Cat帶走我,到處逛街,自己卻和Amy,Daisy和阿Kay坐車離開。
「阿An,陪我行街就當補返今日數啦！」
「嗯...你鐘意既就去啦！」
從醫院走出去,過兩個街口便是佐敦了。
我牽著阿Cat,她今天穿了一件背心,熱褲,一件透視薄紗外套。
我跟她走在彌敦道上,與街上其他的情侶擦肩交會。
經過了幾家時裝店,阿Cat都會進去看。
可是她每次都會說這些衣服都不及我家公司出品的好。
就像她現在身穿的一套,是由家姐親自設計的。
我拖著還在恢復的身軀,放慢了腳步。
阿Cat她帶我到九龍公園走個圈。
我們穿梭於花草之間,縱然在阿Cat面前黯然失色,但百花仍為我們而綻放。
走到麥記甜品站,我們買了兩杯雪糕,坐在一旁的石級吃著。
「阿An呀...林生個邊,你打算點呀？」
「由細個我第一次打保齡開始,我一直都想加入港隊,去同世界各地既人打過。」
「依家終於有個機會啦！」
「但依家我都大個啦,要顧慮既野都多左好多。」
我手伸去抱著她的腰。
「阿Cat,個日我會不顧一切去幫你擋住Cathy,係因為我知道,我最大既顧慮係你。」
她很疑惑的看著我。
「當時我只係諗,如果無你係我身邊,我唔會察覺到自己有咩問題。經過呢半年,你地改變左我好多。幾個女仔都對我好好,慢慢我地變做一家人。但係,除左你...」
她更加疑惑的看著我。
「係你身上,我睇到從未有過既心跳感覺。起初第一次見到你,已經有呢種感覺。直到你第一次拖住我,錫我,個種感覺同Daisy同Amy同阿Kay佢地係唔同。我知道,能夠真正成為我家人既,只有你一個。」
她這才害羞的笑出來,臉頰都變得紅紅的。
「咁你知唔知你咁樣擋住Cathy,我仲驚過你？衰人！」
她又一拳拳的打在我胸口上。
「唔好咁啦阿Cat,我只係想,保護我既屋企人,係我唯一最愛既女仔。」
「咁Daisy呢？Hailey姐呢？你唔愛佢地架？」
「唔...佢地個種叫做錫,學術上叫疼愛,係與生俱來作為先天家人既情感。而對你個種叫情愛,係後天發展,想同你保持一生一世既關係。」
「咁即係點呀？你講d野好深呀！我聽唔明呀！」
她轉過頭去另一邊,沒有看著我。
「Cathrine,我想你,真正咁應承我一次,做我女朋友好無呀？」
她沒有理會我,卻是低頭在偷笑。
我站起來,走到幾級石階下,鼓起最後的勇氣,大聲的呼叫出來。
「Catherine,無論以前,依家,將來,我地係球場上,定係公司入面,我都想同你分擔所有開心唔開心,所有榮譽同成就。今日,我想你真真正正咁做我女朋友,可以嗎？」
周圍眾多的人都看著這邊,而Catherine更加受寵若驚。
「阿An呀！你搞咩呀？」
「你應唔應承先？」
「好啦！睇在你咁有誠意,就俾你做我男朋友啦！」
我抱起她,在這裡忘形的擁抱,我看到附近的女孩都看著我們,又怒目而視她們身旁的男孩。
我把阿Cat放下來,對準她的雙唇便吻,她的唇帶有另一種鹹味,是眼淚的味道。
再次放下她時,我給她拭淚。
「又做咩喊呀？」
「阿An...我愛你...」
「呢個我知...」
「咁你可唔可以都應承我一件事？」
「咩事我都一定會做。」
「去加入港隊,為左我,為左Daisy,為左Hailey姐,為左世伯伯母,唔好白費佢地幾個月安排既所有野同心機。」
「嗯...放心,我一早已經決定左加入,我會履行我既承諾,帶你同Daisy周圍去玩,分享我既榮譽同成就。」
我們再次相擁,很久都不願放開。
我們走過尖沙咀,又去到海傍。
直至晚上20:00。
家姐傳來短訊,叫我們回家吃飯。
打開門口,家中燈光都被調暗,飯桌上有幾套餐具,蠋台。
後方又有人突襲我,再一次的蒙著雙眼。
兩邊臉被親了幾下,然後我被帶到一張椅子坐下。
再次打開眼罩,眼前都是幾位仙女打扮的美人,她們都坐下了,每人眼前都有一份肉排和紅酒。
「AnAn,情人節快樂！」
「阿An,我地頭先整左好耐架啦！」
「係呀！我地整左好多野,俾左好多心機架！」
「蠍仔,快d試下家姐既西餐啦！一陣仲有Daisy既蛋糕,同阿Kay既白湯。」
「多謝你地...我都有個消息同大家講。」
我牽著阿Cat的手。
「我同阿Cat,正式成為拖友啦！」
「恭喜哂表哥表嫂！」
「恭喜你阿Cat！」
「阿Cat擺酒我要做伴娘架！」
「係都我做啦！」
「幾時到你呀！我同阿Cat識得耐d呀嗎？」
「好啦好啦！總之今晚咁開心,我地一齊享受左先啦！」
大家都很開心的品嘗著家姐的廚藝,又喝了不少的酒。
這晚我的房間多了一個仙子,陪著我度過激情的情人節晚上。
就這樣,我們6個人,共同繪畫著我們的將來。
7年後
「葉小姐,呢份係今日下晝4點鐘,鍾氏集團周刊入面關於鍾生奪標既報導,請過目。」
「嗯...無問題啦！麻煩你幫我同空中小姐講,俾一杯熱咖啡俾我,鍾生要一杯朱古力。」
我的左手被她捉住了。
「AnAn,唔洗擔心喎！你出道7年,已經拎左3次世界冠軍,加埋今次英國錦標賽,你已經係新一代香港體育界新星啦！」
「就係咁先驚...」
這時空姐已經把飲品調配好,端到這邊。
「對...對唔住呀鍾生...我可...可唔可以...請你幫我...簽個名...」
「唔洗緊張,無問題既。」
我便取過紙筆,簽了一個給她。
「AnAn呀,一陣你仲要留一陣,發表一段得獎感言你先走得。」
「下...你都知我趕時間架啦！你呢個經理人,跟左我5年,去左咁多地方,你有經驗既。」
「唔得呀！次次都要我幫你頂。係,你係5年來都帶我同表嫂周圍去玩去比賽,我好開心,但唔代表就要我呢個經理人幫你擋記者架麻！」
「咁...要講咩呀？」
「Hea下佢地囉,你又話你趕時間,咁咪答幾句咪走囉。」
「葉小姐,劉副總裁電話搵你。」
「喂阿Kay？係...係...4點。好,明白。我會同AnAn講架啦！」
「咩事呀？」
「一陣你答兩條問題之後,就話一陣4點鍾氏記者會會交待更多,咁就得啦！」
「各位乘客午安,我係本機機長。本班航機將於15分鐘後降落香港國際機場,現時地面時間係下午1437,溫度係攝氏7度。請各位注意保暖,祝旅途愉快。」
我們過了關口,在離境大堂前的最後一個轉角。
「準備好未？」
「應該得掛。」
「明哥,Danny哥,你兩個記得保護好Daisy,有咩事送佢去家姐到,今日唔洗理我啦！」
「明白啦少爺。」
「行啦！」
我推著行李車走出離境大堂,立即被大片閃光燈海掩蓋。
「鍾生贏左倫敦錦標有咩感想呀？」
「鍾生會點備戰半年後既亞運會呀？」
很多很多問題,我都聽不清楚。
「多謝各位支持,稍後鍾氏將會有記者會,我地既團隊會詳細再同大家交代。」
我在幾個港隊工作人員的保護下離開,牽著Daisy,旁邊是明哥和Danny哥。
始終都是由親眼見證我成長的明哥開車,送我到醫院。
踏進醫院,我不像剛剛的悠閒,每一步都踏出幾米,跑到更深的地方。
「阿玲！」
「阿An？你趕得切就好啦！我仲要去拎野,佩心同Amy岩岩推左阿Cat入去,你著返件防護衣就入去啦！」
我跟足阿玲的指示,進去手術室。
「老婆...」
「老公...」
我捉著阿Cat的手,她滿頭都是汗。
她很用力的捉緊我的手,不斷的慘叫。
「阿Cat加油呀！就快得架啦！」
「老婆,努力呀！」
「佩心,準備毛巾！」
「阿Cat用力推啦！」
「呀！好痛呀！」
她更加用力的握緊我的手,我撥開她的頭髮,抹去她的汗水。
「加油呀Cat,出緊來啦！」
「老公呀！以後都唔要啦！」
「好,好...加油呀老婆,過左今次以後唔會再有下次。」
「就得啦！阿Cat頂住呀！」
「呀！呼...」
「出左來啦！」
「阿An阿Cat,恭喜你地呀！係個女仔呀！好可愛呀！」
我們看著這嬰兒,是我和阿Cat的結晶品。
「多謝你,老婆。」
「你返來啦...老公,贏唔贏到呀？」
「贏左啦！」
「嗯...咁就好啦！」
Amy按情序清理好了,便將阿Cat再次推到私人病房。
「唔該哂你呀Amy,仲有阿玲,佩心。」
「傻啦！咁多年老友,點會唔幫你。」
「總之,感激不盡。」
「你地好好休息下啦！一陣通知你地去睇BB。」
「蠍仔,家嫂,你地點呀？」
「媽咪,無事呀！阿Cat生左個女呀！」
「好呀！好呀！」
母親撫摸著阿Cat的頭,掛著很慈祥的笑容。
此時電視正在播放特備節目,是鍾氏企業的記者會。
「依家先由劉副總裁為大家簡介鍾氏同鍾生對今次倫敦錦標賽既狀況。」
「今次我地鍾氏企業既代言人鍾天蠍代表港隊贏左倫敦錦標賽,固然係得到成就。鍾生因為有d私人事務需要即時處理,所以託我係呢到同大家道歉同多謝大家支持。」
「你睇下阿Kay,佢做呢個行政副總裁都有板有眼呀！」
「都係多得你家姐呢個行政總裁做得好姐。」
「依家有請鍾總裁為大家發表短期未來方針。」
「就住鍾天蠍代表港隊再次贏到世界冠軍,我地鍾氏會為港隊全體體育成員,設計,製造,供應新既制服,以作表揚及鼓勵。」
我們看著電視直播,我也忙著餵阿Cat吃一點補品。
這幾年來,阿Cat,阿Kay和Amy分別完成了學位。
阿Kay畢業便當了行政總裁的秘書之一,亦即是跟Charlotte共同擔任家姐的秘書。
不久後便升職成為副行政總裁。
而Amy完成了醫學學位,成了香港婦產科數一數二的名醫。
跟阿玲,佩心幾個人到這家私家醫院工作。
我和阿Cat則結了婚,享受著當少奶奶的滋味。
Daisy也受訓完畢,正式成為我的經理人,處理隊伍聯絡,和記者的事務。
縱是如此,我們6個人仍是一起住在佐敦那個幸福的家中。
我也一直勸說著她們出外找個真正的男朋友或是好歸宿,她們卻當我沒說過。
不過,在跟阿Cat結婚以後,她們的確少了夜半來找我們。
這個家就像仙境一樣,每逢過年過節,大家都會打扮得非常漂亮,在元朗父母家中一起煮大餐。
幾年間我帶著阿Cat和Daisy隨行到世界各地出賽,拿下不少輝煌成績。
這次倫敦錦標賽前,阿Cat她懷了我們的孩子,以致她不能隨團到英國。
幸好這天我能趕及陪伴阿Cat分娩。
這天我一直陪在她身邊,陪她去看看女兒的可愛樣子。
「老婆...多謝你...」
「老公呀...我講真架...生仔好痛呀！我唔再生啦！」
「好...好...老婆你話點都好,錫返啦！」
「我地有個女已經夠啦！」
「係呀！好可愛,成隻貓咁,同你一樣。」
「衰人！唔理你啦！」
她又是不斷的拍打我。
「老婆呀！」
我也是攬著她不放,兩人隔著玻璃看著我們的女兒。
多謝你們...為我所付出的一切...
這孩子有我們的照顧,又有兩個可人的契媽。
相信也會是個大美人。
喔...還有也會是保齡高手,帶著銀翼和白龍,走到更遠。
《今個學年,我多左三個女室友》 完