今個學年,我多左三個女室友: 21

我向母親打了個眼色,示意她不要再問這問題。她明白我的意思。
家姐上前來摸著阿Cat的頭髮,安慰著她。

「阿An...我好驚...」
「無事架,無事....有我係到...呢到個個都信得過...」
「蠍仔你帶阿Cat去休息室坐下先啦！」

於是我,阿Cat,家姐和阿Kay到了休息室。我讓阿Cat坐下,她流下了眼淚。
我不斷的安慰她,家姐和阿Kay雖然未知甚麼事,但也幫我安撫阿Cat。
阿Cat哭得久了,累了,就沒有再哭。


家姐陪她去洗手間,休息室只剩我和阿Kay。

「阿Cat佢做咩呀？」
「個日我同佢係圖書館溫書,走左去買野飲,返來就見到檯面有好多紙仔,好多好難聽既說話,侮辱阿Cat....」
「所以頭先伯母問到佢去邊到溫書就....」
「係...係我無盡力保護你地...」

「唔好咁啦阿An..你已經做得好好...」阿Kay捉著我的手。
「An...你唔需要自責...我會支持住你...」
「Kay....」她慢慢的靠近,我們貼著額,感受著她給我的鼓勵。



不久阿Cat回來了,我們再次走出會場,跟母親,Amy,和Daisy走在一起。
晚宴正式開始,眾人都紛紛就坐。我們六人被分配與父母和姑媽兩夫婦一起坐。

在我左邊的,是一直牽著我的手的阿Cat。
在我右邊的,是一語不發的阿Kay。

這晚我們談到許多理論,在公司如何體現,讓阿Cat在很多課本難題中得到理解。
阿Kay和Amy因為沒有話題搭上,顯得有點不耐煩。



「Kay,係咪悶親你？」我按著她放在大腿上的手背。
「唔係呀,只係坐到有少少攰。」
「不如...我地出去玩下。」
「係囉蠍仔,同姑丈出去,睇下隔左幾年你既舞功有無好到？」

姑丈和姑媽已經起來,走向舞池。我也站了起來,伸出手邀請阿Kay。
在Daisy和家姐的催促下,阿Kay接過我的手,我們也並肩前往舞池。

在這裡,有很多打扮得十分華麗的女士,我和阿Kay也只好在邊沿不起眼的地方,看著他們跳舞。
「阿Kay你真係唔跳呀？」
「唔好啦An...我唔想我出醜影響到你..」
「嗯...好啦,咁我地係到睇下啦！」

一首又一首的舞曲過去,阿Kay一直看著舞池中在起舞的人。
突然一個人從我身後輕拍我,我回頭一看,是久違的Agnes姐姐,父親的秘書。



「少爺,不如我幫你安排去彈一首歌,等鍾生鍾太欣賞下之餘,又可以引到女朋友仔開心。」
「哦...咁呀...咁好啦,唔該你Agnes姐姐。」

我帶阿Kay回到坐位,她坐下後,我便到父母的耳邊說出Agnes姐姐的安排。
他們一臉期待,著我趕快去準備。

「咁多位來賓,相信大家今晚食完飯跳完舞一定都好開心啦！一陣我地仲會有大抽獎活動,俾大家開心過聖誕。
依家呢個時間我地需要少少時間準備,但大家唔洗擔心,我地請到公司主席鍾先生既公子為大家,為鍾生鍾太,以及佢今晚既朋友仔自彈自唱一曲,同大家分享。我地有請細鍾生,阿An！」

一陣掌聲過後,我被引領到一部鋼琴前。