今個學年,我多左三個女室友: 20

「蠍仔阿Cat,上車啦！」
「阿Cat你好靚呀！」
「多謝Amy！係阿An幫我揀架。」

「Wow！蠍仔幾好眼光喎！」
「唔好咁啦Hailey姐,係我要阿An幫我揀既。」
「好啦家姐,再唔行我地遲架啦！」

於是我們便開車出發。還好這晚會在尖沙咀的酒店內舉行,不需過海,否則是一定遲到。



到達宴會場地,看見Daisy和阿Kay已在等候。
我伸出手臂讓Daisy挽著,家姐又從後牽著我。
阿Cat,阿Kay和Amy三人並肩走在我們前面,就這樣走進會場。

進到場內,放眼望去盡是一群西裝筆挺的青年才俊和散發出陣陣高貴成熟的事業型女性。
反望自己為了阿Cat而配襯的靛藍色西裝,倒顯得太過於年輕了。

我們在會場流浪了一會,第一個認得我們的大人,是公司的財務副總監,我的姑媽。
「咦？Hailey,天蠍,你地都來撐daddy場呀？仲有好多朋友仔喎！」
「係呀姑媽,我今朝收到爸爸call,咪打俾蠍仔同佢班朋友來見識下囉。」


「哦...咁好啦！你地daddy媽咪係個邊,台側面見唔見？」
「見到啦！咁一陣再見啦！」

我們就前往到父母那處。
「阿爸阿媽,我地來左啦！」
「哦...Hailey,天蠍,同埋詩雅....咦,呢幾位係...」

「世伯你好,我係阿An既同學,張雨芯Catherine,多多指教。」
「Hello我都係阿An係HKU既同學,劉雪棋Kay。」



「唔...等等...我記得佢好熟面口...佢係咪叫...Amy呀？」
「係呀！伯母你認得我呀？」
「緊係啦！你當年打波咁叻！」
「Hailey,蠍仔,詩雅,你地跟我來去拜會幾位世叔伯。至於幾位朋友仔,就跟伯母去周圍識下人啦！」

就這樣我們便跟隨父親的步伐,去認識他的生意伙伴。
連續見過了許多的大商家,他們都是一副享受生活的腔調,高談闊論。

「喂老葉！」
「喂阿鍾,哈哈,好耐無見面啦！」
這個老葉是公司的代理分銷商主席,同時是公司的小股東之一。

「係呀！呢個我大女Hailey,細仔天蠍,兒甥女詩雅。」
「哇！估唔到無見幾年,個個都大哂囉,睇怕唔認老都唔得啦！」



其間他們有說有笑,又問到我們三人的學業。
老葉身旁站著一個人,那人一直都用奇怪的眼神看著我們。
Daisy拉拉我的手,表示不想多留在此。
我也看一看那人,他把眼光都放在Daisy身上,不斷的上下打量。
要不是看在老爸面上我一定以震撼性的聲音喝止他。

Daisy她借故移動一下,輕輕的給自己的裙拌到。
在旁一直準備接應她的我當然在同一時間已經把她接住,一手便攬著她的腰。

那人見狀也有一點反應,只是一來這一摔出乎他意料之外,二來他的位置站到這麼遠,也鞭長莫及。
接住Daisy的我將她扶起。在旁看著一切發生的家姐意會到這故意的意外。

「阿爸,我諗蠍仔同Daisy都口乾架啦！我帶佢地去飲d野,一陣再join你地。」
「嗯...咁好啦！一陣你地去搵媽咪啦！」
父親親了家姐面頰一吻,又面貼Daisy的面一下,再拍拍我膊頭,我們便離開了這小聚會。



「Daisy,你頭先都好做作下喎。」
「家姐呀！頭先條友一路望實Daisy,條友擺明係咸濕佬啦！」
「係呀表姐,好彩你幫我地走咋。」

「緊係唔係好彩啦！明眼人一睇就知你有問題啦！個老葉個二世祖出左名專搞實習生,你地都係唔好去佢間公司到做好。」
「嗯,表姐,我地都係去飲野啦！」

在飲品區,我們各人都拿起一杯香檳,途中又遇上公司名下西裝店老闆Uncle Perry。
除了例牌的宣傳自家店舖外,更有稱讚各人挑選晚裝的品味。
不久我們便拿著酒杯走到母親的位置,與阿Cat,阿Kay,Amy三人會合。

「你地返來啦！」阿Kay首先發現我們。
「係呀！我地見口乾咪同阿爸講去拎野飲,佢就叫我地來join你地。」
「蠍仔,頭先阿媽介紹左佢地幾個俾你表姐識,佢話你地暑假可以call佢去實習一下。」


「咁咪好囉。多謝媽咪。」

「係呢你地考試啦喎！」
「係呀！個個都要考試,我地聯校挑戰賽都無時間練波。」Amy說後嘆了一口氣。
「咁緊係考試緊要啦！咁你地去邊到溫書呀？」母親的眼光投向阿Kay和阿Cat。
「我會去自修室到溫囉。」阿Kay從上星期開始已經每日埋首在自修室內,我們也是每晚很晚的時候才看到她。

「咁你呢Catherine？」

她的眼光中閃過一絲恐懼的意識,她不由自主的後退了一步。
我立刻上前,牽著她的手,她看著我,不斷的抖動。
我將她擁在懷內,我感覺到她在哭。