DSE點令我由一個毒撚變做player: 22.
我同mk淇踏出mk既地鐵站出口，我好無知咁俾佢帶我住行，o岩o岩佢話d咩「銀中」「旺中」等等，我全部都聽唔明，俾佢笑左好耐。
老實講，係有d唔開心既。始終係女朋友面前成個大陸人咁，乜都唔知，就連mk都唔熟既男朋友實在係太弱雞，所以我既自卑又出翻哂黎，面上既笑容開始變得牽強。
Mk淇見到我咁，嘗試幫我解畫：o畏，我唔係有心笑你咖，不過我真係冇諗過原來香港真係仲有17歲仔連旺中都唔知係邊，你真係好pure好true。
我笑一笑，冇講野。
Mk淇見狀掂高腳，錫左我面豬一啖：bb唔好諗咁多啦，我請你食豪大大啦好冇？
我地行左去豪大大雞排個邊，沿途充滿住好多唔同既攤檔，mk淇表現得好亢奮，每次見到影黑白既攤檔都會同我講個度影相既質素係點，睇黎佢真係影到熟哂，對呢度暸如指掌。
豪大大雞排前人山人海，我同mk淇好辛苦先涉到入去排隊，我仲俾個大陸人推撞左幾下，頭先mk淇俾人踩到，佢仲講哂粗口，話人好整污糟佢隻厚底波鞋喎。老實講，我唔慣d人係街大吵大鬧，所以我都急急腳拉走左佢。
唉，其實佢既性格咁鍾意外出風頭，而我就奄春到死，佢會唔會同我唔係咁夾。
。。。
「你食唔食得辣咖b？」mk淇既一句打斷左我既胡思亂想。
「我好食得辣咖。」我心諗食辣呢方面真係冇人可以贏到我，記得之前食傷心酸辣粉大辣，同人打賭話我可以飲哂成碗湯，結果我贏左20蚊。仲有好多次類似既經驗，所以我食辣既程度，唔係自誇，係絕對可以形容為味覺失調。
/
Mk淇拎住2塊輕量版雞排翻黎，遞左一舊俾我話：叫左佢超多辣粉，我都好食得辣，睇下點。
食下食下，我望住佢開始辣到索鼻水，而我仲係面不改容，我笑一笑：都話你豬咖啦，仲妄想同我鬥，傻瓜黎既。
佢不服氣地回應：你先係傻。。
可能係因為太辣既關係，佢嗆親口嚨，開始猛烈咳嗽起黎，連句野都講唔到，我大驚，即刻過去對面冷麵鋪度買左包檸檬茶俾佢飲。
佢飲左幾啖之後開始緩和翻d：唔該你，頭先係咁o岩我chok到炸，我先冇咁弱雞。
話畢又想隊翻舊雞排落口。
我連忙阻止佢：o畏你食唔到咖啦。。唔好再食啦乖。
佢皺眉：但我仲想食喎。。
我苦思著對策，終於俾我諗到。
我苦思著對策，終於俾我諗到。
「我講d野俾你聽，不過你應承我你唔可以話我核突咖喎。」我不懷好意地對住食辣食到面容扭曲既mk淇講。
Mk淇笑一笑：ok既，都慣左。
「不如我幫你奶哂d辣粉，你先再食啦。」
Mk淇聽完我咁講之後呆左：shit，好嘔心呀！
我都冇諗過自己會講得出，果然拍左拖之後我既諗法唔同哂，於是我話：咁你寧願辣定咁？
Mk淇扁扁嘴：好啦。。但我之前d男朋友都未試過咁。。
我一把搶左佢舊雞扒，奶哂d辣粉，之後俾翻佢：唔辣啦，你食啦。
佢有d厭惡但又一路食住甜笑住話：好嘔心。。不過我好鍾意。。btw我而家又嫌唔夠辣喎，俾翻d辣我。
講完之後佢又伸左條脷利過黎同我打車輪，唔是講笑好甜好甜
/
「B你做乜唔揹我姐。」mk淇望住前面部cam同我講。
影相個男人望住我傻笑：係呀，揹住影好sweet咖。
我望住mk淇，艱難地吐出左一句：你好重喎。。
「一秒之後影完咪放翻低我囉乞人憎！」mk淇聽完之後嬲爆爆咁，打左我膊頭一下。
我揹起左佢，張相入面既佢笑得好甜好甜，而我就一臉不爽咁，但睇落一d違和感都冇，之後個2福相我地都簡左2張彩色，因為真係好靚好靚。
我拎住張彩色相，入面其中一張係mk淇掂高腳錫我，佢一隻手搭住我膊頭，一隻手同我十指梗扣，張相畫面唯美到可以做結婚相。而另一張就係佢搣我耳仔扮嬲，我一臉無辜既樣，我望住呢3張相，只覺好幸福，有佢真係太好。
影完黑白之後都仲有好多時間，佢就話：不如我地去埋銀中個邊？
我搖一搖頭：銀中咪即係影貼囉，好貴咖，下次先算啦。
佢扁哂嘴：唔要呀~呢排dse我地都唔會點出街，我想把握機會炸。。
我聽完都覺得幾有道理，於是就應承佢影完貼先走。
/
唔知大家有冇影過旺角d機呢，我就一次都冇，頭先個幾下閃燈閃到咁快我完全跟唔到，影到出黎更加唔使講，7張有3張個樣都係fail。
Mk淇仲要恥笑我：好柒呀你，呢張又合埋左隻眼。
之後佢就直接搶左我支畫筆，係個mon度加左個圖案姐住佢個樣。
我表現得唔高興：你張張都姐住哂咁影黎做咩呀，呢張又加貓面，個張又加眼鏡。
佢笑住話：你唔明咖啦死蠢。
我一嬲就掉低支筆話：屌，我唔撚整啦。
佢整左一陣見我個樣嬲爆爆咁都冇乜癮，於是就話：好啦我都唔整啦，直接print啦好冇？
我仲係嬲梗，於是就鬥氣話：梗係好啦。
我講完之後求其禁左個制。（其實我睇唔明日文，我真係禁一個似樣d既就當係）
我禁完之後，佢望住個mon個嘴形成o形：屌你禁左d乜呀！冇哂頭先整個d野既！
呢個時候，部機停止左播音樂，又嗡左一大堆日文，好似係倒數梗。
我同mk淇呆住，完全俾唔到反應，部機就自動print左張相出黎，yes，我用左80蚊去影一輯乜都冇整過既相，但我覺得係物超所值既。