DSE點令我由一個毒撚變做player: 14.
我接過司機俾我既錢，從車廂踏出，直往seven屋企急步行去。
一路行住熟悉既路，我感歎我從來冇諗過有一日上seven屋企竟然會係因為女，而唔係打機。
我自行打開seven屋企既鐵閘，只見大門只係半掩著，入面傳來一陣叫喊：呀。。。行開呀。。。。
把聲似係無力既反抗，但認真細聽，真係好撚似呻吟聲，屌！佢地唔係啪左掛，我一驚，即刻加大力度推開左度門。
坐係客廳既seven即刻急步行左過黎：你終於到啦！我甩難啦！
我搖一搖頭答seven：甩咩難呀，最多一場兄弟，有難同當咖炸，我都唔係同mk淇好熟咖炸，識得個幾日，撚知佢住邊咩。
我一邊講，一邊向住seven間房行去，因為我直覺話我知mk淇會係佢間房度，諗下諗下，mk淇衣衫不整既情況又開始出現係我腦度，我打一打自己塊面，停止我咁荒謬既幻想。
我打開半掩既房門，只見mk淇大字型咁攤左係床度，係度喃喃自語，一望落去真係好撚似高潮完，一諗到呢度我即刻起哂機。我哄埋佢嘴邊只係聽到佢無力地叫喊：柒峰。。柒峰。。
我退翻出黎，以懷疑既眼光望向seven，佢即刻舉高雙手作投降狀話：冇呀，我冇乘人之危，乜都冇做過咖，不過我幫佢蓋被個時唔知點解佢特別反抗，結果我冇蓋到。
我即刻問佢：咁你有冇幫佢敷毛巾？我見佢塊面仲係紅卜卜咁。。。
佢一臉不解既樣：冇呀，我好少見人飲得咁醉，之前去ball d女都唔飲酒既。
我聽完之後行左入佢間房，因為我有時會留係佢度通宵打機，所有野既擺設都知得一清二楚，什至有時我會有種錯覺：呢度比我屋企更似屋企。我係櫃度抄左一條乾淨既毛巾出黎，過一過凍水就打算將佢敷上去mk淇個額頭度。
我行入房，只見mk淇已經訓著左，仲有小小鼻鼾聲，我忽然覺得佢真係好可愛，於是偷偷地掐左佢個鼻，佢即刻輕輕皺眉，好似俾我搞醒左咁。
我見佢訓得咁冧，廢事嘈醒佢，於是即刻行翻出去。
「o畏，淇淇好似對你好有好感咁。」seven把聲係客廳傳來。
我即刻作作一個「細聲d啦」既手勢，回應話：下係咩，唔清楚。
Seven望住我笑一笑：你知唔知佢頭先係咁嗌你個名，問咩佢都淨係記得你，又話咩毒撚先好，俾人hurt到企唔翻起身，好辛苦喎。
我呆一呆，估唔到原來佢唔係玩玩下，但有乜可能識左幾日就咁鍾意，於是我對seven講：其實我地真係冇你想像中咁熟，你今日第一日見佢都叫人淇淇，我連佢全名都冇嗌過，講真，可以去到咩地步。。？
Seven拎起一盒煙：你知唔知淇淇頭先想一路扯煙一路飲酒，但話你唔鍾意，所以戒，死都要質俾我幫佢keep住，仲亂咁嗡，話如果佢食左一啖可以影低佢。
Seven見我又開始目無表情，呆呆滯 滯咁，就自己講落去：其實淇淇係好女仔黎，如果你唔介意，我想追佢。
我望住佢，都係冇俾任何反應，老老豆豆，我當初拒絕mk淇咁大膽既表白個份決心開始動搖。我好想知道自己有咩能耐令到黃淇咁冧我，話哂我只係一個連打機都只會成日輸既毒撚，究竟憑咩？？？唔接受黃淇，係我自卑。
Seven見我眼神有d搖擺不定：如果你唔想要，讓俾我好冇。。？
我即刻回答：我係未決定到姐。。。其實。。
話口未完，房內傳來一陣碰撞聲，我地停止話題，即刻入房睇下咩事，只見mk淇訓到跌左落地下，而緊閉既眼皮逐漸打開，我地即刻扶起佢，安置佢係sofa度坐。
/
Mk淇清醒翻第一句就問：而家幾多點呀？
以，我仲諗住佢會問係邊先，係咪mk妹一般都唔會介意自己係邊，我諗我呢個毒撚d邏緝真係錯撚哂。
我望一望手機：都3點幾啦，你翻去未呀，唔好搞住Seven啦，佢聽朝翻8點半。
Mk淇迷迷糊糊咁答我：好呀。。翻邊話？
我冇佢咁好氣，一野拉左佢起身：得啦我地走啦而家，我陪你翻去。
唔知係咪頭先同seven d對話令我心煩意亂，我好決斷，冇乜經過大腦思考就走左。而依家，我好後悔。普通日子既3點幾，究竟大家係度做咩？你估呢度有夜市咩屌，家家戶戶當然係熄燈訓著哂。
我望住空無一人既街道，正係度諗應該去邊好既時候，mk淇出左聲：o畏，我個胃好痛呀，好辛苦。。。
之後mk淇慢慢烏低身，狀甚痛苦。我諗佢係頭先飲酒冇打夠底，搞到拿住個胃，應該食翻d野就會冇事。但頭先走得咁灑脫，依家又冇理由走翻上seven屋企咖，咁我而家去邊好。。。我望住一片漆黑既街道，只覺十分傍惶。
「前面好殘眼呀。」因為太痛而蹲左係地既mk淇同我講。
我望一望前面，係好遠之外的確有個燈廂閃爍梗，我扯一扯mk淇：o畏，起身啦。前面應該有d通宵營業既鋪頭，我地行過去睇下好冇？
Mk淇搖搖頭：唔要。。好累。。
我見佢咁既死樣，都廢事繼續同佢爭論落去，簡直係對牛彈琴，諗住扯佢起身就行得，點知mk淇扯極都唔起身，我真係估唔到佢睇落咁柔弱但原來咁大力，無計可施之下我唯有用軟，因為用硬根本搞唔掂佢。
我蹲低：o畏，你死得未呀，行啦好嘛大小姐？
Mk淇抬頭答我：唔係呀。。真係好痛。。辛苦過m痛。。
我細看mk淇既神情，真係唔似扮出黎喎，我伸隻手出黎，諗住搣下佢，睇下佢仲有冇反應，點知一摸落去，濕既？
我借助街上昏暗既街燈睇清楚mk淇，屌，我見到無數微笑既汗珠係佢面上湧左出黎，以我既睇法，佢應該，好可能係痛到標冷汗。
我見到佢咁，驚覺事態嚴重，即刻同佢講：o畏，我地要快d。。我驚再遲d你會痛到出事。（原諒我冇經驗，eu0表示見到一個女仔咁痛苦真係好騰雞）
佢有氣無力地回應：嗯。。
之後佢就嘗試企起身，但佢個身只係稍微挺直左小小之後就因為抵受唔住痛楚蹲翻低，我即刻托起佢，佢因為無力既關係成個人就跌左落我度。
我見佢咁，都冇心推開佢話佢抽我水，於是我就話：不如我扶住你過去啦。
Mk淇係咪仲未酒醒得哂，抬高視線答左我一句：我唔要你扶，要你揹。。
講完之後佢仲露出左一個不懷好意既微笑，成個攬實左我。
老老豆豆，呢個世界既真毒有咩可能會揹過女仔，連掂手都難。於是我輕輕應左句：我唔識喎。。未試過。。。。
Mk淇聽完之後轉身企左係我後面，佢仲打一打我膊頭話：好簡單咖炸蠢才，你乖乖地就得，而家你烏低身先啦。
我慢慢烏低身，就好似mk淇講既咁，突然間，mk淇跌左上黎，cu實左我條頸，我登時覺得俾佢勒得好痛，大嗌一聲：窒息啦屌！
Mk淇笑一笑：Sorry，我擺翻低d。之後佢就將隻手移左落我胸膛個個位，唔係講笑，我feel到佢掃到我粒lin，我未試過呢種感覺，可能我都係比較敏感既人黎，我feel到我而家全身都因為怕醜而發熱。
我嘗試行前一步，但發覺一d都唔容易，我而家就好似8 90歲既老人家咁，條腰彎得好辛苦，講真，我唔算好瘦但一定唔係肥，平時冇做gym既我揹住佢既時候份外吃力。
我呀梗牙關，一步一步向前行，唔係講笑，真係好撚辛苦，我feel到下一刻暈係街度既會係我，唔係胃痛既mk淇。
我感覺得到mk淇好似跣梗落黎，於是我又再彎低d身，個身幾乎成90度角。mk淇好似feel到我好吃力咁，騰空左其中一隻捉住胸膛既手外出黎，向下捉住我右手：o畏傻仔，你有冇揹過人咖，要用2隻手托住咖。
我連連點頭，將隻手放係後面，托一托起mk淇，但係掂到佢pat pat既時候又不其然諗起dse中文oral個日，我柒到冇睇路撞左落去。諗到呢度我面一紅，又想縮翻隻手。
Mk淇慌忙大叫：o畏唔好鬆手呀！
佢嗌完之後即刻好似樹熊咁cu實我，睇黎佢真係好驚跌落地，我即刻托翻住佢。
佢安心咁挨左落黎：今次俾你抽哂水啦，我咁大個女都冇俾男仔摸過pat pat咖，益哂你。
呢個時候我真係好想問佢：你同你d ex真係冇啪過？（話哂都有翻咁上下mk好似係）
不過礙於我真係累到冇力出聲，而且而家氣氛又幾好，我唔想好似撩皮咁又刺激到佢。
呢刻我有種錯覺，佢真係好似我女朋友咁。
我側頭望佢，mk淇靠係我膊頭上面輕輕合上左眼，不過面上都係種好痛苦既神情，執陰係我面前fing黎fing去，佢做我女朋友都唔係完全冇可能既。
諗到呢度，我又醒起o岩o岩seven既一句：你唔介意既話，我想追佢。
我猛地搖一搖頭，阻止我咁無稽既想法。
呢個時候mk淇突然開眼：點解行左咁耐都未到既。
我聽完之後點一點頭（因為已經累到冇力再出聲去應佢），係喎，真係行左幾耐下。。。我望向前面，終於見到前面既燈箱閃爍住一個大大既m字。
24小時的m記，你是最偉大的！！！
一諗起好快就可以放低mk淇，我咬梗牙關，即刻行得快左好多，mk淇即刻抽水：哇，原來我可以輕到好似張紙咁。
/
我坐係m記張椅上，急速地喘氣。
唔是講笑，而家既我手又痺，腳又麻，簡直全身都散哂咁，而且正值春天，即係我最憎既季節，又濕又熱，我背脊d汗多到好似係水撈上黎咁，連我都覺得自己好臭，好想除左件衫再吹冷氣。
Mk淇攞住一個餐盤翻黎：你真係唔肚餓？
我搖搖頭，咁熱都令人心情煩燥到唔想講野。
佢見到我塊面黑到燶左咁就話：Sorry呀，我知自己好重，我下次唔會咖啦。
我冷淡咁回應：唔關你事。
佢聽完好似get錯左我既意思，可能係誤會左我句「唔關你事」係嬲梗佢，唔想佢再煩我，個樣即刻頹哂。
我連忙補充：唔係嬲你呀，係我好熱又燥燥地姐，唔係你問題。
佢聽完低下頭不發一語，只係點一點頭，好似係內疚咁。
我知佢個心始終都過意唔去，於是我同佢講：唉14算啦，還掂我都要等朝早先有車翻到去，你出去買d野俾我食啦。
佢即刻唯唯諾諾咁點頭，走左出去。
/
我食完哂個早晨全餐望住枱上面杯熱朱古力，停左手。
佢好奇地問：做咩唔飲既？你唔鍾意飲朱古力咖？
我微微點一點頭：我覺得m記既朱古力好甜，甜到好難飲。
佢恍然大悟既樣，然後流露出一個令人不解既神情：好簡單姐，你等我一陣。
過左一陣佢翻番黎，坐左係我執邊。（因為呢個時候m記冇乜人，我地坐左係4人卡位）而佢手上就攞住一杯冰同一杯水：拿咁啦，我試下俾d冰你。加冰飲，應該會溝得淡，如果你覺得都係好難飲既，你就飲我手上呢杯水，好冇？
我有心為難佢，於是問佢：如果我朱古力同水都唔想飲呢？
佢笑一笑：咁冇計啦，我惟有攞住呢杯朱古力出去，夾硬話佢入面有蟲囉，到時再換第二d野飲俾你，咁你滿意未呀大少。
我欣賞地點一點頭，之後佢就開始倒杯朱古力落杯冰度。
我試左一啖，估唔到加完冰既朱古力真係恰到好處，o岩o岩好，唔係mk淇我真係唔知咁多野。mk淇望住我，露出左一個滿意既神情：點呀冇介紹錯呢？
雖然我覺得真係幾好飲，不過我始終口硬：我而家又覺得佢太淡啦喎。
Mk淇俾左個#ng# 既神情我，突然成個人哄左埋黎，攞起左佢頭先食栗米隻匙羹擺左落我杯所謂太淡既朱古力度：你再嘈喧巴閉，咁多ge gut，我就餵你飲咖啦柒頭。
講完呢句之後，佢真係攞翻隻匙羹上黎，拎起然後俾左個好有挑釁性既眼神我，好似同我講：睇你個樣都係唔夠薑飲咖啦。
俾佢既激將法刺激之下，我望一望周圍，確定冇人之後，將個頭伸前去，飲左mk淇個啖好甜，好甜既朱古力。
Mk淇拎住匙羹隻手停係半空，呆若木雞咁望住我，佢大概估唔到我真係會飲。
我地彼此就咁樣互相對望住。好奇怪既舉動，好奇怪既氣氛。。。
/
我打開手機定眼一睇，原來已經係晏就4點幾，但我只係訓左9個鐘左右。
諗翻起琴晚同mk淇累到係m記訓著左，俾個清潔呀嬸叫醒真係好柒。佢當時個句「後生仔女，快d翻屋企啦，成晚都唔翻去訓，呀爸呀媽會擔心咖。」仲係歷歷在目。
我打開手機wtsapp頁面，自然地禁左入去mk淇個對話度，期待住收到佢既信息。但佢一個信息都冇sd俾我，而最後上線時間依舊停留左係大約一個月前，2月14。
我攤翻落張床度，迷迷糊糊又差唔多訓翻。。。
「滋。。滋。。滋。。」突然間，我手機急劇咁震動起黎，被驚醒既我揉一揉眼，爬起身，原來係seven打黎。
「o畏。。」一起身把聲仲未開，我講野顯得有氣無力咁。
「o畏呀峰，你把聲好累咁既。。我係咪嘈醒左你？」
我心諗，一半一半啦，反正你都打左黎，點都嘈醒咖啦，於是我回應：唔係呀，做咩事？要咁急call我既。
「哦，其實冇咩事，我想問你琴晚同淇淇點樣姐。」
聽到淇淇2隻字，心裹面又唔舒服左一下。我有d唔想應佢，於是敷衍回應：冇點呀，咪又係咁。
佢聽得出我好冷淡，於是就識做自己end topic：我問下姐。。琴晚Sorry呀。。個個鐘數掉低你地。。我擔心姐。
唔知點解，呢刻我聽住seven把聲只覺好煩厭，心入面只係覺得佢係為左mk淇先打黎問我野，分分鐘係擔心我會搶走佢個淇淇，於是我嬲嬲地咁話：真係冇咩特別，唔使你操心，冇咩我收線先，我好累仲想訓多陣。
Seven聽到我要收線，即刻提高聲線話：呀峰！
我應佢：係？
Seven有d唔好意思咁開口：我想問呢。。你有冇淇淇個電話。。？我有d野想搵佢。
我開始有d介意佢想追mk淇，雖然一開始我話我唔會鍾意佢，但事情一路發展落去，我對佢既好感都開始積棸，如果俾個電話seven，咪即係將mk淇拱手相讓左俾人？所以我係咪唔應該俾？但點拒絕好？？？
但琴日又係我話唔介意seven追佢，唉屌，好撚亂呀！
我應該點算好？？？