【渠底奇兵】《我，就係踩單車跌落渠果個肥仔》（已爛尾）: 31

「對唔住呀…呀冬我係咪跳得好差呀？」呀汶怕怕羞羞，頭dupdup咁問我。 

唔係呀，妳跳得簡直完美，再撞多我幾下啦，Come On！ 

神級可愛呀！ 

「唔係呀，咁個個人都有唔同擅長既野架啦～我地跳多幾次就得架喇～～」 

「嗯！」 





拖住呀汶隻手足足一粒鍾呀！！我人生中第一次咁鍾意跳社交舞！！！ 

「下個月我地要考試既，分開兩part，到時一組組出黎跳一次，再由老師幫你地分組即場跳一次，跳得好既話考試有分加。」 

Hi妳咩，邊個會在意呢個垃圾科既考試呀？ 

「呀冬……今次死喇，我跳得咁差，一定會好低分喇……」 

唔記得左我旁邊既呀汶係十分之咁在意佢自己既成績………連垃圾科都咁緊張。 





「唔緊要啦呀汶…我地可以練多Ｄ架！」 

「但係我真係跳得好差啊，成日踩錯位…」 

「我地大把時間練啦，係咪？幾時都得呀。」我向佢單一單眼。 

「係喎呀冬！我要日日練架！」佢一下子就明我意思。 

即係呢個月，我可以日日都係屋企光明正大咁捉住呀汶對手仔跳社交舞！！！！！！ 





感謝主，雖然我唔信主！

體育堂完左基本上就係空堂，跟住放學，咁我就諗住上去訓覺喇～最近都唔係好夠訓。 

點知老師一話落堂，我就比人叫住左。 

「肥仔！～～～」聽把聲已經知道係呀晞。 

「哈佬呀晞。」 

「你岩岩跳舞跳得好那搞笑呀～～～係咪好正呀又得拖你女神隻手仔，觸感正唔正呀？！」 

應該同拖妳隻手仔差唔多，不如試下？ 

「你又走堂呀？！」 





「肥仔好醒呀，拿盒朱奶你既！」都唔明點解佢成日都拎住兩包朱奶行黎行去？ 

「多謝喎！走咁多堂都得架咩？」同呀晞識左差唔多三個星期，佢真係老是常出現。 

「嘻嘻，有兩堂～一堂我走左，一堂係空堂黎」 

「即係妳而家係空堂呀？！」 

「係啊～」 

「咁………咁做咩？」我都唔知講咩好呀。 

「肥仔你唔覺得我地合唱，應該要練多ｄ架咩？！！」呀晞成個人哄埋黎都唔知做咩。 





「係啊……」 

「咁行啦！」 

「下……去邊呀？」 

「NEWAY囉！」 

「下？！」 

「行啦我BOOK左三點啊再唔行趕唔到架喇。」 

即係妳要我陪妳一齊逃學？！！ 

「下，我地邊走得呀，話左空堂都要係學校架！」 





「無人知咪得囉肥仔！」佢忽然間係我耳邊細細聲講，一陣檸檬草香味湧埋黎。 

我真係無曬判斷力。 

「拿，你而家去拎齊D野，一陣門口等。」 

Hi，唔小心點左頭。 

都唔知馬家晞係咪識隱身，個校工咁都睇唔向左走向右走到佢，而我就要等個校工去廁所先偷偷地行出去。 

同佢兩個人去左附近既一間neway。 

佢book左咩野happy hour唱到八點，如果食埋set dinner可以唱到9點半。 





都真係幾向左走向右走抵，一個人都係一百蚊度。 

都唔係重點，重點係個經理見到靚女好似癡向左走向右走左線咁。 

我地兩個人唱，佢開左間十五人房比我地。 

「肥仔肥仔我要點曬三頁都係合唱歌！好耐無唱Ｋ喇！」呀晞好似好興奮咁。 

Hi等我仲諗住可以訓一陣。 

佢真係點左好多歌，連平時我以為我先識聽既歌，佢都有點。 

係呢方面上，其實我同佢都幾夾既。 

「何以今天你我這麼斤斤計較，相戀似地獄內競賽。」我用曬Ｄ力唱Ｄ高音。 

「盤算多少犧牲換你多少厚待，多麼悲哀～～」呀晞就輕鬆唱。 

……………… 

「肥仔你連呢隻咁冷門既歌都識唱，咁叻啊！」我睇得出佢係真係開心。 

「妳都係啦，我識既女仔入面，無人聽過呢隻歌架！」其實我搵到知音都真係幾開心！ 

「咁你識唔識果隻唯獨你教我可想像未來呀？？」 

「識呀！！！！妳唔覺女聲唱和音當主唱，好鬼怪咩？不過鬼王唱得好好聽！」 

「咩野鬼王呀肥仔，人地立立未死呀！」 

佢一下大大力拍落我度，睇黎佢好鍾意鬼王。 

估唔到一隻歌係網上只有二萬點擊，而我同佢就係其中之一。 

同佢就係咁從三點唱到六點幾……… 

「好?啊肥仔……」佢用扮慘既聲咁講…跟手仲挨左落黎我個博頭度… 

我即刻成個人緊繃曬……感受住呀晞既重量。 

忽然間有一種好想停留係呢一刻既感覺。 

「肥仔…其實你記唔記得我？」 

………什麼？！