【渠底奇兵】《我，就係踩單車跌落渠果個肥仔》（已爛尾）: 24

終於又到左星期六，而今日我就負責同呀汶一齊去買番d生活用品比佢。 

因為咁，呀媽仲比左二千個大洋我。 

等我偷偷地拎百幾蚊買個靚手機套，套住venus先！ 

而我同呀汶而家就身處於九龍灣既megabox喇！ 

要買日用品即係佢要係度長住啦？Hi，正呀！！！ 





但係妳要我日向左走向右走日訓地下似乎唔多正路，所以我呀媽決定！ 

買張沙發床比我訓，哇真係好向左走向右走錫我呀！仲佢比簽EPS話會比番我。 

都唔知幾時先比番我。 

其實我間房，呀唔係，呀汶間房都幾大，放多張床咪得囉，咁客氣做咩？ 

「呀冬，你睇下呢張岩唔岩？」呀汶指住左一張黑白灰格調既沙發床。 





估唔到只係短短一個星期，佢就留意到我只係鍾意黑白灰。 

哈哈可能係我諗多左啦。 

「又幾靚喎！仲幾闊呀！呀汶妳都坐上黎啦。」我二話不說坐左上去彈下彈下。 

呀汶又真係跟住我坐左係人地張陳列品沙發床度彈下彈下。 

哇彈性咁向左走向右走好，到時係張床上面………… 





訓覺咪一定好舒服囉？！

「哈哈，呀冬你成個細路咁呀。」呀汶一貫既笑容真係好靚。 

「妳自己咪又係彈下彈下。」我咁講一講佢就紅都面曬喇。 

「咩呀係你叫我坐低架！！」呀汶輕輕拍左我一下。 

我同佢兩個都即刻呆左，估唔到平時咁溫柔平靜既佢都有咁可愛既一面呀！！ 

當然佢拍完我都好似有Ｄ唔好意思咁。 

「呀汶，妳以後都係咁好唔好？」我認真咁對佢講。 

「嗯？點呀？」 





「做自己，以妳自己最舒服既方式做自己。就笑就笑，想喊就喊。」 

「咁我地買呢張好唔好，呀冬？」望住笑容滿臉既呀汶，我心情都大好！ 

「好！俾錢！」 

因為呀媽今日又去打牌，所以我同呀汶係megabox度食埋野先走。 

「呀冬你拎住咁多野，你坐係度，我去買丫。」 

呀汶真係一個好正呀，完全唔港女。買既野都係必需品，岩岩係ikea見到佢望住個小擺設好耐，最後都係話唔買。而家仲肯幫我去買野食。

我見條隊咁長應該有排先有得食。於是就周圍望下睇下有無靚女啦 





IKEA最多就係囡，好多靚人妻同女朋友們好鍾意去買野！ 

咪住，點解我會望到一個好似長澤正美既大波妹同呀俊架？ 

我有無眼花？就當我卒一卒眼既時候，果一對男女已經唔見左。 

到底係人有相似定點？ 

唉…都係唔好理咁多住。拎番個pad出黎玩先講。 

「呀冬……我唔記得左問你食咩啊，哈哈，我買左一盆十粒肉丸意粉比你呀！」 

「唔該呀汶！咦得一個杯既？」 

「７蚊一個杯任飲呀，我地用一個杯咪得囉。」眼前微笑既呀汶真係好慳家。 





「我地用一個杯……？」 

「熟既話無所謂呀，呀冬你介意？！」 

癡線介意兩個字點寫，我唔向左走向右走識！ 

有得飲女神口水尾呀！！！！！！！！！！！！！！！！！！！