一個被MK妹改變既毒撚: 遊街

落車之後我地行左陣就見到一架雪糕車，我見到呀思佢眼甘甘咁望住架雪糕車我就指住架車

「思係唔係想食啊 請你食啦」

「你又知我想食橙冰既?」

「估姐...」  (好彩無講食雪糕姐)

我買左一個軟雪糕同橙冰 呀思接過橙冰之後食左幾淡 就咬左落我個軟雪糕到
我見到呀思咬左淡之後 我望住我杯軟雪糕停左係到 呀思就望住我講


「做咩喎 我啲口水無病毒喎...」

佢食左淡之後我發現比我岩岩食既味道更加甜，呀思口水既甜味沖上左腦袋 當我想食第二下既時候我對錯左位，吉左落自己塊面到。
呀思見到咁就笑我然後嘴左埋黎我塊面到，雖然我暗瘡改善左 不過都仲有幾粒，岩岩雪糕個位就係我岩岩爆瘡個位。
我知道呀思知道既，但係佢照嘴埋黎 証明左真愛勝過一切 啜雪糕既時候我感覺到暗瘡入面果啲膿都啜左出黎。
啜完我面上果啲雪糕之後我望住呀思 佢好似好滿足咁話我

「睇下依加邊個污糟貓~」

「你囉 污糟貓」



「哼 衰人~」

雖然佢話我衰人但係佢笑得好開心~

我地再行左一陣佢見到有街邊小食就問我
「勤 你想唔想食豆腐」

我望見街邊小食個牌寫住有臭豆腐我就答佢
「食下都無妨」



呀思聽到之後就捉住我隻手放左落佢條腰到就話
「哼哼 勤 你壞喇想食人豆腐 嘿~」

我摸到呀思條腰 有少少肉地但係真係好幼細

我唔覺意笑左出黎 呀思繼續話
「只不過係條腰就笑得咁開心 如果有下一步 我諗你會心臟病發」

無錯我摸到佢條腰既時間個心已經卜卜跳 如果有下一步我真係會死

呀思佢帶我遊旺中揀衫
不過當我每次話想送野俾呀思既時候佢次次都拒絕話唔洗哂錢

我地行下行下其間見到有一部貼紙相機 呀思就捉左我過去話要影


佢連比我講野既時間都無，就捉住我隻手沖左埋去
入左去部貼紙相機之後佢拎出散紙包 入左錢我地就準備影
因為呀思係到，我既鏡頭恐懼症好似消失左 
當畫面倒數(3.....           2..........      )


數到一既時候佢突然嘴埋黎 同我嘴對嘴 (叱吒)
岩岩好閃左快門 記低左依一個時刻
但係 呀思佢個嘴好柔軟好舒服所以我都無諗過縮
大約嘴左廿幾秒 相都影完 就等P圖

因為依次係我既初吻 搞到我扯扯地旗坐左係到睇住呀思係到寫字加圖
佢背住我一到改圖一到同我講
「勤 我講依次係我既初吻 你信唔信啊」



雖然呀思曾經講過自己係緩交妹但係我都決定相信
「嗯 我信」

呀思聽到之後係到卒眼 之後聲沙沙咁講
「多謝你啊 勤 依次真係我既初吻」

雖然呀思背住我但係我知道呀思係到喊緊 我見到咁就係佢身後抱住左佢
「思 係唔係你初吻根本唔重要 我鐘意既係你而唔係你個嘴 你唔洗介意你自己 因為我唔會介意你 過去唔會 依加都唔會 (大聲)永遠都唔會 因為思 你係我既女人」





呀思聽到之後慢慢就無喊而好開心咁笑
「多謝你啊 勤~我永遠都會愛你既 但係你下面 頂到我啊衰人~嘿」



隨後拎到相之後我望到呀思係張相到寫左 (我最愛既小勤) 同 (小勤既女人)
兩張都係我地嘴嘴既相 呀思比左張(小勤既女人)我 我好快咁放左落銀包

我地就準備一齊去食晚飯了~