一個被MK妹改變既毒撚: 約會

話咁快係星期六到左我同呀思約會既日子，我地約左12點係樓下等之後一齊坐巴士去旺角。

我因為太緊張早左半個鐘落街等呀思，但係我一落到樓下我見到呀思一早就係到等緊我。

我遠距離見到呀思又短裙又背心又黑絲，望一望自己 灰T 牛仔褲 converse鞋
心諗真係差好遠 我走埋去 佢竟然問我
「勤 做咩咁早」

「我原本唔想你等我 點知你早過我」



「嘿~ 我真係無鐘意錯人 勤我愛你」

「嗯我都愛你」

呀思翹埋我隻手一齊行去答巴士

我地坐左係巴士上層中間既雙人位。佢話好眼訓，我就俾呀思坐窗口位
巴士行左 5-6 分鐘到之後，我知道呀思訓著左。
呀思攬住我隻手而我隻手放左係佢大肶 黑絲既感覺真係好正 佢個頭側埋我個手臂好似訓得好舒服咁 今日佢啲頭髮係水仙花味 佢應該換左洗頭水。



車程20分鐘我感覺到有啲水滴落我水腕然後流落手背，我望去呀思到發現佢流左少少口水落我隻手，啲口水仲有少少餘溫。我無理由見到佢咁就叫醒佢咁自私所以無理佢只係張注意力放係另一隻手既轉珠遊戲。

車就到旺角喇 我馬上拍醒呀思 

呀思岩岩起身卒眼 個樣呆呆地我睇到入哂神
呀思見到我眼甘甘咁望住佢 佢就問我
「做咩喎  係唔係我有啲咩痴左係塊面到」

我拎出一張紙巾幫呀思抹嘴
「睇下你流口水呀 污糟貓」



呀思就怕怕醜地 細細聲
「咁體貼做咩喎衰人~」

我地係亞皆老街落車之後就開始我地既約會。