一個被MK妹改變既毒撚: 認識

果天我都係好早就開始行返校，係路途中我見到一宗車禍。

而果一宗車禍改變左我既人生，因為我係其中一個目擊者所以都俾警察帶返警局錄口供。而同我一齊見證依次車禍既係一個和我同校既女生，佢係我同一個年級，到左警局，佢比我更早錄完口供，所以我諗佢一早就返走左。

當我都錄完口供我走出警局，我看見佢係警局對外既路邊一到揮手一到向我既方向跑緊過黎。

佢既頭髮很長又好直，係陽光反射下可以見到有啲似焦糖既啡色，奔走時秀髮係空氣上飄逸睇上黎好柔軟。五官端正，矮我一個頭，超可愛。

當佢跑到我面前既時候，突然有啲草莓既微香衝擊我既嗅覺。
「做咩咁慢啊你 等左你好耐喇 」



佢叉著腰咁講

「對唔住呀 對唔住呀 對唔住呀!」
身為毒撚既我不知所措所以一直道歉

「我見你同我同校所以等埋你囉!」

「嗯....」



然後我就同佢去的士站等的士坐返 返學校，係的士站佢突然向我自我介紹

「我叫呀思 我記得你喇 你同我果兩科選修科都係一樣」

「我....我....叫呀勤 係5F班 學號係26...」

佢見到我口窒窒就笑左上黎

「你真係好可愛呀! 多謝你呀」



「多謝?」

「好彩有你如果唔係我都唔知點算」

「唔知點算??」

佢見到我好似唔知發生咩事就向我解釋

突然氣氛變左
「其實我...其實我..係援交妹.....」

我呆左係到 咁可愛既女仔竟然係援交妹.........................