一個被MK妹改變既毒撚: 展開

我叫呀勤啊係區內公立中學既中五學生，個樣都算係順眼既，有烏黑濃密既頭髮，健碩既身材同埋有有一米七幾既身高，每日行返校既時候都享受住返緊學既學生妹果種傾慕既目光。

當我到左學校大門既時候，對住同校既師妹們講早晨果一刻，突然鬧鐘響起，我人生最快樂既時間又要完結喇。 晨早既鬧鐘聲打擾左我既夢，殘酷既現實生活又展開新既一天，雖然唔想但係都係要起身返學，因為我相信知識可以改變一切。

起身第一件事當然係要去廁所梳洗。
「嘩屌」，我一望到我係鏡上既倒影啊，搞到我自己都覺得有啲不安。首先唔好講頭髮同面上面既油，多到可以拎去炸天婦羅，西多士；暗瘡多到可以同寄郵件用既泡泡紙差唔多，如果有密集恐懼症就包嚇死。仲有因為成日自瀆所以搞到眼袋仲大過春袋。

不過好彩既就係我唔係肥仔，因為我窮到仆街。連一日三餐都成問題。唯一可以同夢入面既我相比既，就係只有身高，我真既佩服我老豆老母可以一邊對著我一邊食到飯，我估我落到地獄果啲幽靈都俾我嚇到飛返上天堂。

我晨早就看到自己既倒影搞到沒心情去刷牙洗面，只係用漱口水漱口然後換好校服就出門口。



我屋企同學校距離大約係15分鐘路程，我每一日都拎個耳機塞著隻死人耳一邊聽住毒撚歌一邊行返學。

晨早路上當然有不同既學生妹，有不同既校服，有白色校裙配藍腰帶喇，水藍色校裙配紅腰帶喇，當然仲有旗袍。

不過我每次係佢地背後靜靜偷望，都唔知點解經常俾佢地發現既，雖然唔知道佢地係點樣發現既，當佢地回頭望著我既時候，因為我不知應該點好，所以就逃避佢地既眼神就四處眺望，當我目光再次回到果啲學生妹既時候，佢地通常都會擺出藐視既目光，我諗急急腳走既已經係比較有修養既。

有一次我播放既歌完左，係換歌既空檔時間入面我聽到迎面而來既果一對學生妹話「 你睇下又是果個變態 」。

我諗返都係開學之前既事喇 ，自從果次之後我每日都早半個鐘返學，寧願係學校未開門之前返到，都不想受到果啲心靈上既創傷。