每次我都只會叫一個豬柳蛋漢堡: 4-2-那年, 他們因豬柳蛋而分開

我連反駁既理由都冇。

因為我好清楚我地之間係乜野問題，只係佢自己唔知道。

係我同佢開始之前，我已經明白我永遠都代替唔到果個女人。

果個係凌晨兩點，一直坐係暗位，凝望住呢個男人既女人。


以前同同事調通霄更，我就會見到佢地。佢同平時，係兩個人。





凌晨兩點既佢，著住穿左兩個窿既爛tshirt，叫人請佢食一個包。


「唔好意思，要多個豬柳漢堡。」 


然後佢就會坐低一陣，口upup，唔知講左d乜野，之後自己一個人走。

呢個時候，一直坐係暗位既女人就會行過去，放低錢俾幫佢買包既男人，之後跟住佢走。





走既時候，女人特意望左我一眼，佢，有少少似我。


望住呢張支票，咬住果件浸住眼淚同鼻水既豬柳漢堡，我揀左錢。

「一齊五十日，收你一日一萬，多謝喎。」
佢揮揮手，同一個手勢，今次唔係唔洗找，係叫我走。

我咩都唔知，我唔知我做錯左乜野，我唔知我係第幾個行出呢個門口既女人，我剩係希望自己既哭聲係打開門之前都可以忍住……