每次我都只會叫一個豬柳蛋漢堡: 2-2-我只有一塊豬柳

今日，係我同第10個女朋友分手既第二日。

我每同一條女分手後，第二日既凌晨兩點，我都會著番套爛衫，去到天水圍麥當勞。

因為我知道果個男人一定會係到。 


每次我見到佢，都會問佢：

「可唔可以叫多一個，請我食？」






我唔甘心。 


我知道佢既故事，我知道佢同佢前妻果個關於豬柳蛋既故事，所以我唔可以俾佢知道我既故事。或者佢以為我已經破左產，或者佢以為我做緊乞衣，whatever，我乜都唔想畀佢知。佢愈唔知道我就愈高興，因為佢比唔上我，佢根本冇一方面係比我好。 

因為，我知道既野多過佢。

因為，我知道佢以為佢前妻只係一件玩具。





因為，我知道佢就算擁有果塊蛋，但係塊豬柳始終係我到。 


第一次見到呢個男人，佢問：「佢過得好唔好？」 

之後果九次，佢都冇問過。

憑呢點，我已經知道我想要既野，我已經得到我想要既野。 






。。。


「……他還好嗎？」