每次我都只會叫一個豬柳蛋漢堡: 2-1-為什麼不是豬柳蛋

我今日既心情唔係幾好。

因為，今日，我同我第10個女朋友講左分手。

其實我好清楚明白。

如果我住緊呢到唔係飛鵝山飛雲路、如果下面果架仲暖緊既唔係法拉利、如果岩岩唔係係係遊艇會番黎，呢條女，什至呢班女s可能根本就唔會食呢件豬柳漢堡。

但係佢地唔知道，當我食緊豬柳蛋漢堡，而佢地只係食緊件冇蛋既豬柳漢堡既時候，佢地已經係一件玩具。





我帶呢條女去麥當勞既時候，四周圍一片死寂，整個世界就只有我同佢既腳步聲。我地野一句野都冇講。

佢唔講野，係因為佢唔敢，係因為佢驚。
我唔講野，係因為佢唔講野。

佢唔明白點解我要自己渣架法拉利－－而唔係平時坐開司機渣既maybach；佢唔明白點解我地去既係麥當勞－－而唔係去平時去開既香格里拉56樓。但係佢驚，所以佢唔敢問，所以唔敢出聲。

所以當我點一個豬柳蛋漢堡，一個豬柳漢堡既時候，佢一粒聲都冇出過。

所以當我俾件豬柳漢堡佢，自己食豬柳蛋漢堡既時候，佢一粒聲都冇出過。





所以佢係一件玩具。

冇人會鐘意同一件玩具講野。

「呢到五十萬，走。」