【真人真事】當年中七AL，我打左成年天堂二，但我無悔！: 14-規則與機會

戰神突然話幫我手攻奇岩，我第一個反應係 :「夠鐘食藥？」

攻奇岩既事只有我地盟內先知道，連三聯幫我都冇講過。不過戰神同樹、周星星、咪嚕等人相熟，知道左都唔奇，所以呢點我絕對唔覺得奇怪。但係最奇怪既係，戰神明明係花生黨，明明係non-active，自稱隱世高人不問世事，點解會突然咁熱心話幫手？

戰神冇理我，繼續講：「亞格斯原本係我個盟，後來靜心不停遊說叫左佢過檔。」

我對佢地既關係其實冇乜興趣，我只係想知佢點解會幫手：「就係因為靜心撬人，所以要幫我地攻城打理想世界？」

戰神：「唔係，佢過檔我冇所謂，不過我用呢個原因問靜心拎左個奇岩番黎玩。」





拎番黎玩？先唔好理咩叫拎個城堡番黎玩，問題係奇岩城根本一直都冇轉過手，只有寶寶龍攻完狄恩之後，理想世界將佢由魔界既血盟底下正式轉手納入自己到，e…咪住…

「oh shit！你係話，理想世界果次將奇岩易手，其實係易左俾你！果個"價值"係你黎既？」

一個血盟只能夠擁有一個城堡。而理想世界已經佔有亞丁，要佔有奇岩就必需要透過遞屬自己既分盟去佔領。當日寶寶龍佔傾狄思既一個星期後，血盟「價值連城」走左去攻佔奇岩，價值連城既盟主就叫做"價值"，而重點係，價值連城係under大理想世界同盟，所以大家都一致認為係理想世界將奇岩易手俾自己。

戰神：「"價值"係我n年前用既弓手。你要攻奇岩既話，我直接讓俾你。」

我真係如夢初醒一樣：「我一直都煩緊點打奇岩番黎，點知原來係你既！」





戰神：「但係你要自己諗下點守城。你佔奇岩靜心未必會出聲，但係依靜心既性格佢一定會黎攻。到時我會幫手守城，不過就算有我都唔會夠打。」

既然戰神講到明話幫手守城，即係我地有把+1000武器助陣，咁都唔夠打？但係戰神既+1000武器係薰講我聽，我唔知戰神知唔知道我已經知道，我試探一下佢…

「你都唔夠打？你"戰神"喎，一箭秒殺都得啦…」

點知戰神直接就講出黎：

「薰冇講過俾你聽。gm規定左贊助武器係唔可以打普通玩家，一俾人揭發左就要沒收。所以打人最多只可以用+100武器，而+100武器理想世界有十幾個，你地根本唔會夠打。」





我聽到呢個規定，絕對係又驚又喜。一方面覺得守城唔洗再怕亞格斯等人，難度降低不少，另一方面卻依然覺得冇可能容易守到。

葉：「ok，我明白。攻要之後仲有大把時間諗點守，冇問題。但係點解你要幫我？」

戰神：「因為我悶左好耐。聽樹講完你地既狄恩戰，搞到我心癮都起埋，好想打番場交！」

係真係假我唔理喇，呢個係機會，已經到手係面前既機會！