[教畜]私補通常都會補上床: 1.19

「點解呢？幾時既事黎架？」我緊張地問奶茶仔。

「都成個月架啦。」奶茶仔吃了一口楊州炒飯。

「佢有無講到原因呢？」我夾起一塊乾炒牛河中的牛肉片。

「無，不過我都應該估到同我有關架啦。」奶茶仔喝了一口冰奶茶。

我靜心等待他的回答。



「初初Charlotte 黎到既時候，真係覺得好犀利。咁靚既女仔，無拍過拖，竟然純到咁離譜。你知啦，依家既後生女，初中已經拍過唔知幾多次拖架啦嘛，有D 仲比人食埋添。所以我覺得Charlotte 既存在本身就係一種奇蹟。」奶茶仔邊吃邊說。

我低頭吃牛河，沒有給予反應。

「佢仲慳家到不得了，你知唔知佢岩岩黎做野果陣仲用緊Iphone 3GS。依家2015年呀大佬。」

奶茶仔說的這些我也知道。

「第一眼見到佢咁靚，已經想溝佢。知道佢性格咁好之後，我就更加覺得唔可以走寶。佢話唔鍾意人金毛，我第二日就染返黑。佢話覺得讀書勁既人好吸引，我果個SEM 考左個3.5返黎。」



奶茶仔把炒飯吃光了，他攪動了一下吸管，然後吸啜一口冰奶茶。

「我追左佢個幾月，直到我有日以為自己應該得米啦掛，就同佢講：Charlotte ，不如你做我條女呀。點知佢話：Sorry ，我當你係朋友咋。過幾日仲辭埋工添。」奶茶仔似乎看得很開。

要是我向Charlotte 告白的話，大概也只落得同一樣的下場吧，我想她應該會對我說：Sorry，我只當你係老師，或者哥哥。這樣。

慢著，他們不是一個月快樂嗎？

「即係你地無拍過拖？」我滿嘴油膩地問。



「呀Sony 哥，追唔到點拍拖呀？」奶茶仔已經把奶茶喝光了。

「咁點解之前見到你Ig 有張相話「一個月快樂」咁既？」我問。

「果陣想溝佢，咪懶係曖昧咁放下呢D 相囉。一個月快樂係講緊佢返工一個月姐。點知佢完全唔受呢一套，連續一個星期叫我DEL左張相佢，咁我只好DEL 囉。」奶茶仔拿出銀包。

「我請你啦，你都請左我飲奶茶。」我拿出銀包。

「咁多謝你先啦，頭先同你講果D 野，我唔敢同Friend 講，又唔好意思同同事講，好彩你叫做唔太熟，爆唔到比其他人聽。我返去開工先，個新人都夠鐘放飯。」奶茶仔向我微笑道別，然後離開餐廳。

本以為奶茶仔與Charlotte 在一起，但原來事實並非如此。

我應該感到高興？

不。



我背後發涼。

眼前這個以為是敵人的人消失了，那就代表真正的敵人你還沒有發現。

以Charlotte 的經濟狀況，不可能不工作吧，她換了新的工作環境，即是有新的同事，新的競爭者。唉，我好心煩。

Charlotte 你到底怎麼了。

我要問個究竟。

翌日，我又來到了奶茶店。今天奶茶仔和陌生女也不在，只有Polly 和另一個打扮新潮的少女。我走近一看，名牌上寫著「Katy」。想必她就是katykatyxD666 了。我趁沒有客人，馬上上前問一下收銀機處的Polly 有關Charlotte 的事。

「Hello，我想搵Charlotte 。」我對Polly 說。



「咦你咪Samson 個Friend？Charlotte 無做好耐啦。」Polly 說。

為什麼我在她心目中會是「Samson 個Friend」呢？該不會是Samson 搭上她了吧。

「點解Charlotte 無做既？」我裝作是剛剛才知道。

「唔知呀，都個幾月架啦喎。」

「咁知唔知佢去左邊到做？」我追問。

「之前有次陪過佢去馬會囉，我諗見工掛，應該一係就做接線生，一係就做counter 果D 掛。」

做馬會？那一定常常被粗俗的男人辱罵吧。為什麼好端端有奶茶店不做，而要做馬會呢？不對，奶茶店有奶茶仔在這，也不算什麼「好端端」了。

「噢，唔該哂。一杯奶茶拎走唔該。」我對Polly 說。



我一路喝著奶茶，一路沿路回家。奶茶中的冰早就化為水，把奶茶溝得有點稀。馬會這工作確實人工不俗，只是負能量比較多吧。雖然Charlotte 為人堅強，但要面對這種工作，能應付得來嗎？要是Charlotte 天天被罵，那一定很可憐。

雖然確認了Charlotte 已經遠離奶茶仔這個大惡棍，沒有被他傷害，而且好像是單身。但我怎麼沒有勇氣去再次接近她了？是因為太久沒有聯絡，所以感覺生疏了嗎？還是害怕Charlotte 一直也只當我哥哥、老師。要是被她拒絕，我會丟臉到死的呀。我不想讓Charlotte 認為我以前為她所做的一切，也是為追求她而做。

失去的時候自怨自艾，到現在再有機會時，卻又沒有勇氣再去爭取。多麼諷刺。