浮事的，一個的士佬既故事。: 終章 重新連接

風看完，拿起手提電話，手指不由自主的撥著芝琪的電話號碼。

六年來，他都把這八個數字烙在自己的腦海中。只是今次，他把這號碼撥出了。

終於都撥出了。

一刻鍾，話筒裡傳來了一聲小心翼翼的 “喂”

是芝琪，是關芝琪，肯定是關芝琪。





“喂，…………係我”風說。

“風？”芝琪問。

這一刻，這次通話，仿佛似延績著六年前那通分手電話一樣。

“係呀，關技琪。”風說

“洗唔洗一黎就爆全名呀？”芝琪用一把捉摸不到她心情的聲音說道





“我……..我唔知點叫你好丫嘛。”風說

“點解你講野一舊舊既，你以前唔係咁架。”芝琪問

“我……我緊張丫嘛。”風說

“無啦啦搵我做咩呀？”芝琪問

“無……無野。我呢，係網度見到你個BLOG呀”風說。





“吓，Quooza果個？”芝琪問。”你……你知道個密碼？”

“嗯”風說

“我而家返緊工丫，我今晚放工再打比你丫，好嘛？”芝琪問

風想說好，但卻想到家中的恩雅。恩雅不會笨到讓他在她的面前和別個異性通電。

“唔……唔洗啦，我聽日趁你Lunch果時再打比你啦。”風說

“嗯，好啦。”芝琪回應道

從這通電話開始，風和芝琪的生命再度接上了。他們每天午餐時段都會通電，閒時亦會以Whatsapp傳

話，內容由淺入深，甚至連感情的話題也能談個一通。





“我睇你個BLOG見到你同個男仔分左手，你點呀？會唔會好Hurt？”風問

“點都唔夠你當年飛我果時咁Hurt囉。”芝琪說

……………

“你話到你女朋友咁衰，點解唔同佢分手，仲同佢一齊左咁多年。”芝琪問道

“唉……我都唔知。可能我地雙方都為大家犧牲左太多野啦。如果我地分手，我地大家都會一無所有。所

以無論幾難頂，我同佢都會繼續頂。我諗係因為大家都唔捨得曾經為對方放棄左既野掛。”風回應道

“咁都幾矛盾個喎，姐係當年你為左佢而放棄左我。而家就因為你已經為佢而放棄左我，所以就唔想放棄





同佢果段關係，係咪咁既意思？”芝琪問

“嗯，大概啦。姐係好似你去間BAR度飲野。你用全副身家買左杯酒飲。點知杯野就勁難飲。但你既然都

訓晒身去買左杯野返黎，又無得退錢，你點都會飲埋落去架啦。”風試著用比喻去幫助芝琪，也幫助自

己，去明白到底為什麼會一直和恩雅在一起。

“嗯，咁都幾慘。”芝琪回應

風沒有對他說，最慘的事，是風自己已經認定了，在用盡所有，買到那杯難飲的酒前，他已經喝過了他認

為是最好喝的，由天使親自沖泡給他的，一杯名為關節技的飲料。

只是，他自己沒有好好把握著，硬要去試其他酒，結果傾家蕩產，一無所有。







一無所有…………