浮事的，一個的士佬既故事。: 第三章　黑暗中的挑戰者

“嘰嘰嘰” 四條AD08r在呀風的推擠下，發出了刺耳的求饒聲。 “拿，其實你果4條呔跑乾地係好可靠既，再

加上你架係四驅就更可靠，所以呢幾隻灣你都可以盡情少少。百零入都唔怕。” 風邊說，邊望後鏡一道刺

眼的白光：”咦，有架S2000想一齊玩下喎。”

“呢架車好似好快咁，小心比佢推炒。”恩雅膽心地道

“你覺得自己手車算唔算快？”風問恩雅。





“算。”恩雅堅定地回答。

“哦…….咁唔洗膽心啦，我地繼續。”風說：”拿呢段小直路可以盡請踩，但盡量將架車搬出小小。因為前

面果個係盲灣，所以我地係直路盡頭既時候就直接拖兩粒波，再地板油用一個OUT – IN – IN既線位黎

跑；如果有人睇位話你知無對頭車，你就可以只需拖低一粒，然後用Out – IN – Out 跑返條Apex啦。” 風

解釋完後隨即示範一次，然後補充說：”記住，揸四驅千萬要大膽。當你覺得架車甩甩地既時候，就更加





要地板油，因為你四條呔一齊受到強力既轉數推動之下，一定可以咬到返入黎。所以你平時要好好保養四

條呔，如果唔係就GG(玩完)架啦。”

“…….哦” 恩雅正在消化中。

再過兩個灣角，風的後鏡回復一片漆黑。

到達，風望手錶，凌晨二時十九分。