浮事的，一個的士佬既故事。: 第三章　示範教學

“唏，始終都有第一次丫嘛。” 風笑說，一邊用純熟的技術離開元朗，直上大帽山。此程車他開得不快，他

只一邊駕駛，一邊摸索著整架車的改裝。　”嗯，STI Turbo 引擎‧攪牙避震‧銻水箱‧蕉中尾‧大

Cooler‧合金軨‧頂巴‧Bride & Sparco 賽車坐椅‧賽車呔環‧四條AD08r呔，果然好足料。”

“連水箱你都知？”恩雅驚訝地問道。

“呢PART我亂吹既，估岩左？”風笑說，恩雅不禁失笑。





凌晨二時十分，到達大帽山山頂。

“拿，老實講，揸住架四臨飛山呢，大膽就得架啦。因為條路會有對頭車，所以你要分兩種跑法。一，就

係開皮既時間你地有本事搵人睇晒位報告對頭有無車；二，如果無人報位置就保守少少每個盲灣都唔走

線，無謂害人害已。”風認真地向恩雅分析。

“乜你飛車都會顧其他人架咩？”恩雅說道。





“作為一個專業既司機，我有責任保護每一個道路使用者同自身既安全。如果下下都要靠唔要命既跑法黎

跑，可以跑幾多次？一係差館見，一係醫院見，一係就大家黎同我上注香係大酒店見。用腦袋，用知識，

用技術既跑法，你頭先都見識過啦～”呀風輕佻地說補上最後的那句話。

聽畢呀風這段話，恩雅對他的好感度又再上升十點。

“由於今日無人睇位，我會用保守Ｄ既跑法，保障你同我既安全。”





說畢，呀風起動，時間是凌晨二時十五分。