突然做左人地老豆，多左個女: 26

話咁快又到星期六啦，今日小貞同我都訓晏左，我地餵飽左喵喵之後，我就帶小貞出去食譚仔。
 
去到譚仔，有好多學生哥係到食緊，應該係啱啱補完習就一齊過黎食野。
 
佢地一見到小貞入左黎就眼甘甘咁望住小貞，嗚哇有個咁可愛既女真係好，可以享受住咁多人葡萄既目光！
 
「小妹妹，你真係好可愛呀，我請你食粒糖啦。」有兩個著住白色連身校服裙既學生妹走左過黎，一個上圍比較大，另一個條校裙就比較短。
 
小貞有啲怕羞，又喱左係我身後。
 


「小貞，同姐姐講多謝啦。」我道。
 
小貞點一點頭，接過上圍比較大嗰個學生妹手上粒果汁糖，然後甜甜咁笑住講：「多謝！」
 
班學生妹好似俾小貞冧到咁，個個暈哂大浪。
 
小貞，你係得既！
 
小貞同我搵左個位坐低，我嗌左份套餐，同小貞兩份分就啱啱好啦。
 


熱熱既米線送到枱面，小貞應該係未食過，所以用一幅好期望既眼神望住碗米線，我夾起啲米線，分左一細碗俾小貞。
 
「好熱……」小貞吞左一啖又吐返出黎。
 
「你等佢涼返啲先食啦。」我笑笑道。
 
「登登登！」
我一望，原來係阿南whatsapp我。
「仆街啦今次!?」
「?」


「我見到Miss Cheung同個男人一齊入左百佳!!」
「百佳?」
「百佳酒店呀仆街!!??」
「下??」
然後阿南send左張相過黎，果然係Miss Cheung黎！
 
屌你老母！突然間咁爆既！
 
「唔得啦,我接收唔到」阿南繼續send黎。
「咁你想點呀?」
「收線啦,我要去劈酒」
「屌你老母日光日白去劈酒!?」
「再見啦bro?」
 
阿南send完之後我即刻打去俾佢，但條仆街仔連手機都熄埋！


 
雖然我知道左之後完全心不在焉，但係我都要同埋小貞食埋碗米線。
 
食飽之後我幫小貞擦擦個嘴就賣單走人啦。
 
「登登登！」
又邊個？
 
一望，今次居然係Miss Cheung！
「help me」
 
吓？help me？即係點？咩意思？