突然做左人地老豆，多左個女: 4

「你老母打黎老母打黎！」
 
屌，又係呢個鈴聲破壞哂成個氣氛。
 
「點嘛？」
 
「仔呀，你帶小貞返黎食飯啦。」
 
「唔啦，我要同小貞撐枱腳！」就係咁，我未等到我家姐怒吼時，我就咁收左我老母條線。
 


然後拖住小貞，同佢一齊跳下跳下，成個傻仔咁大叫：「我地去食雪糕lu！！！」
 
去到M記，小貞要左個開心樂園餐，另外再要多杯朱古力新地，佢話想換個功夫熊貓公仔，都好既，好彩唔係話想換let it go公仔姐，如果唔係我會狠狠地教導佢，有個港女家姐已經夠，我唔要個有公主病既女。
 
而我呢，就梗係要個豬柳強餐啦。拎完餐就埋位食啦，打開包豬柳強，蛋同肉既味道啱啱好滲透出黎，仲有啲痴住痴住既感覺，然後一口咬落個包到，將嗰陣熱氣既味道一口氣吞噬係個口到，然後再落到去喉嚨，蛋、包、肉三樣野一齊溶係個胃到，最重要既係，有啲芝士似住係張紙到但你照賴，賴到乾乾淨淨咁先係食豬柳強既最高境界！
 
掛住食，都差啲唔記得左小貞，我望一望小貞，見到佢小心翼翼咁食緊朱古力新地，食指同中指拎唔哂成支匙羹，唯有用埋無名指同尾指，每隻小手指都肥嘟嘟咁，好可愛。小貞畢左少少雪糕同朱古力漿之後，好似好怕佢地會跌咁，即刻哄個身埋去一啖食落肚，食完之後又梅多幾梅，個小嘴巴嘟下嘟下咁，然後塊圓臉又彈下彈下咁，覺得滿足之後先再畢第二羹，啲雪糕又痴住係佢個蘋果腮到，但佢唔浪費，照樣伸條小小既脷仔出黎賴，不過賴極都賴唔到。
 
嗚哇睇黎我個女都識得咩係食朱古力新地既最高境界，真係好想成為果堆朱古力漿同雪糕，慢慢咁係佢把小嘴裡面溶化。
 


平時食M記都係一個人食，或者係食完女之後一齊求撚其咁食，但無諗過原來食M記都可以食到咁享受、咁滋味。
 
小貞食得好慢，但係我唔介意，我可以慢慢等佢，等到佢食完幫佢抹嘴既時候，M記黎左個女人，個女人著住件低胸背心，心口條事業線都幾長下，下身係件黑色短褲，露左雙白滑既長腿，嗚哇完全係我既口味。當然，佢個胸口彈下彈下咁，都吸引到唔少毒撚望住，不過我有個女係我身邊，我係唔可以再昅架啦，當我擰返轉望小貞既時候，又諗唔到小貞都係望住個女人。
 
但唔同既係，小貞望個女人既眼神，並唔係嗰種「今晚有得j啦」既眼神，而係有一份迷茫，但又驚驚青青、閃閃縮縮咁既眼神。
 
我覺得呢個女人應該識得小貞。
 
個女人望左兩望，又無買到野，就咁就走返出去，我嗱嗱臨抹完小貞個嘴，抱住小貞衝左出去，我見到個女人轉角向右走我又跟住轉角向右走，但個女人行得好快，我抱住小貞又唔可以行得咁快，即使我大叫個女人都無理我，最後我都係跟唔上個女人。
 


我氣喘喘咁，望住小貞，想知佢會唔會有乜想同我講，但佢無，只係攬實我，個頭哄埋係我胸口到，我唔想逼佢，所以乜都無問就返左屋企啦。
 
未到屋企門口，就已經聽到裡面好嘈，有音樂聲有淫笑聲，一打開門，就見到成班女女同我個老死阿南，阿南高高瘦瘦咁，著無件襯衫斯斯文文咁，係唔少女心目中既男神，條仆街又借我場黎開淫賤party。
 
我抱住小貞，掩住小貞對眼，叫佢唔好睇，然後打個眼色叫阿南清場，阿南見到我抱住個細路女佢都呆左，不過都好識趣咁樣整停左音樂，叫班人走。
 
清左場之後，我終於可以放低小貞，怒啤住阿南。
 
阿南擺左個勁無辜既樣，話：「你家姐話你養左個女，我都唔信，乜原來係真架？」
 
因為有小貞係到，我忍住唔講粗口：「成個細路女企左係到都唔會係假架啦？你又唔通知我聲自己走黎開party！」
 
「我諗住俾個驚喜你呀嘛，反正我有你屋企鎖匙，唔洗下下都通知你咁麻煩啦。」
 
我做左個口形回應佢：「屌你咩！」


 
佢無視我，踎低左望住小貞，「諗唔到你真係咁好人收養左個女。」
 
我扯返佢起身，唔俾佢昅小貞，「所以你以後要收檢啲。」
 
佢繼續無視我，又踎低望住小貞，「小朋友，叔叔叫阿南呀，你叫咩名呀？」
 
同第一次見面時一樣，小貞縮埋左，唔同既係，今次佢係縮係我身後，我好有成功感。
 
「細路女唔騷你呀，你就咪搞人地啦。」我好自豪咁講。
 
「我就唔信。」然後佢再望住小貞，展示出一個好親切既笑容：「小朋友，你鐘唔鐘意去公園玩呀，聽日係假期，等叔叔帶你去公園玩啦。」
 
「哼，小貞係唔會……」我未講完，小貞已經伸個頭仔出黎，用比加超聲線大叫：「好呀！」
 


屌！