大學可以幹的事很多，但不包括走堂: 隨口編出來的承諾大多以走數收場

21人。

看來我低估了大學生。本來我估計大家在星期六、日兩天都睡足十二小時養精蓄銳後，星期一會繼續高朋滿座。

距離九時半Professor King的點名時限只剩下一分鐘，但課室內只有21人。

Professor King一早已經坐在教師桌，右手托著頭，望著時鐘逐秒流逝，等待著九時三十分開始點名。

首先Tommy是不會來的了，昨晚深夜我們在whatsapp group收到他的短訊，以下是昨晚的對話：





「好累，岩岩同中學同學打左三個鐘頭波。」

「你真係超鍾意打波。」Hazel說。

「頂，諗起聽晚仲有校隊練波，真係想死。」

「你可以走堂架xDDD。」

「好主意喎，但係之前個比試我咪輸囉，我唔想輸喎，今次唔計得唔得。」





「唔得。」我回應道。

「頂，咁算啦，我寧願訓多陣好過。你地預我聽朝唔番黎啦，我訓先喇。」



「同埋今日隔離組『三國殺』都冇左三個男仔，淨番啲女仔係度。」Ron說。

「但係都仲係差一個喎，邊組少咁個人？」





我想也不想：「呢次我記得喇，係黑子，次次數漏人都一定係數漏左佢，所以今次一定係少左佢。」

「你好似好留意佢咁喎。」Hazel說。

「唔係唔係，咁岩者。」我連忙搖頭否認，以免Hazel對我有懷疑。

說著說著，秒針也快跑完一圈，我凝視著教室的門口，如果黑子再沒有來的話，Professor King就會算她遲到了。

然而奇蹟的事發生了，在最後一秒，門口出現了一個身型不高大的黑影，然後黑影利用這一秒時間推開門口，步入課室。

天煞的，兩次也是這樣，黑子回校的時間比國際換日線更準確無誤，世間會有這樣巧合的事嗎？

「今日有22個。」Professor King自言自語，但由於我坐最前排的關係，我清楚聽見過句話。

時間轉眼間來到三日後，9月20日的早上9時30分。





儘管時間過了整整七十二小時，課室內整個情景和之前很相似：坐著22人〈大家的坐位可能略有不同，當時我沒有記清楚，但大體上是一樣的〉。

「Tommy仲未肯番既？佢真係懶到出汁。」Ron抱怨道。

「唔好咁講佢，可能佢尋晚練波練得夜呢。」Hazel嘗試為他找個解釋。

「我都係whatsapp下佢問佢做乜唔番黎。」我提議，同時從褲袋中拿出電話。

「使鬼咩，佢冇番黎即係仲未肯起身啦，你whatsapp佢都冇用。」Ivy這句話看似很有道理，打消了我的念頭。

「咁算啦，Tommy你GPA rest in peace了。」

不單止早上沒有回來，之後Tommy整日都失蹤了，連take attendance 計分的英文課也沒有去〈正常來說，只有tutorial以及一些重要科目才要take attendance普通的lecture是不會有這個制度，Professor King的lecture是特例〉，作為朋友，我有一點兒擔心他。





「你肯番黎未？係咪想GPA過唔到三？」我在whatsapp問道。

訊息發出了，然而卻得不到任何回應。

直到七點，我回家的途中，手機終於響了幾聲。

「Yo !! 我今晚有friendly打，大家會唔會黎睇？定係已經走晒番屋企？」

「你走晒啲堂就係為左場friendly?」我真的對籃球沒有興趣。

「走堂？邊有走堂？我今日上齊晒喎。」

「上足晒？你今日人影都冇隻，咪搞笑啦Tommy你。」

「我好認真架，今朝我都有同你地一齊上Professor King既堂，你失憶仲賴我，咩料。」





收到這個訊息後我真的有點無名火起，不過可能Tommy都是「玩野」成分居多，所以我敷衍地回了一句：「哈哈哈。」給Tommy，企圖含笑帶過。

不過再仔細想一想，其實我很輕易就可以揭穿Tommy的假面具，於是我又拿出手機，手指重新在螢幕上飛舞。

「咁你咁叻有上堂，今堂Professor King教左啲乜？」

「Atomic and Molecular Structure囉，肯信我未啊？」

又真的比Tommy說中了。

「車，實係有人講番比你知。」Ivy也忍不住要加入批判Tommy的行列。

「頂，你又唔信我，真係好冇癮。我要換衫落場熱身喇，遲啲再傾啦。8」