原來你一直在我身邊: （17）

阿浩走到皓兒工作的地方，他在遠處偷偷望向皓兒，心裡不禁酸了一下，大概在想這個女孩怎麼那麼可憐，剛剛被人拋棄冷落還有心情在店內面對客人，還保持著強顏的歡笑。

等待皓兒下班，阿浩走上前叫了皓兒一聲。皓兒好驚訝，她問了阿浩為何他會在這裡，阿浩回應他只想看看她。

阿浩：『你....應該知道了可？』

皓兒：『我知，instagram見到』

阿浩：『你還ok嗎？』





皓兒冷笑了一下：『ha，仲可以點？唔通日日以淚洗面？』

阿浩：『估唔到你仲可以返到工，其實你都算堅強，喺我識咁多個女仔之中』

皓兒：『只有返工我先能夠分心，個腦先唔會諗住佢』

阿浩：『皓兒，對唔住』

皓兒：『做咩你無端端講對唔住，對唔住我果個又唔係你』





阿浩：『唉，唔係呀，其實係我間接做成，如果我當初估到咩事嘅話我唔會有得佢地兩個單獨相處』

皓兒：『你放心喎，我無怪過你，問題根本係我同William嘅問題，麗琪嘅動機最多乘虛而入』

阿浩：『你知道佢點搶走William？』

皓兒：『凡事有跡可尋嘅 』

阿浩：『咁你依家仲鐘唔鐘意William？』





皓兒：『依個問題應該已經無關痛癢吧』

阿浩送到皓兒回家他才放心，畢竟他還很內疚是他間接撮合麗琪William一起。他唯有私下接觸皓兒了解她的情況才能夠讓自己的心好過一些。

－－－－－－－－－－－－－－－－－－－－－－－－－－－－－－－－－－－－－－
（回帶）

William約阿浩到酒吧喝杯飲品，阿浩坐在椅子上看見William春光滿面的行過來，他就知道發生什麼事情了。這個情景阿浩之前曾經看過的.......

阿浩：『點呀，約我出嚟有咩就講啦』

William笑盈盈：『麗琪答應咗我』

阿浩：『哈，係咩』





William：『嗯，佢同皓兒的確幾唔同』

聽到這個說話後，阿浩憤怒了

阿浩：『有必要去比較佢地兩個咩？你識咗麗琪幾耐？係咪好到要講出口？』

William驚呆了一下

William：『駛...唔駛咁大反應』

阿浩冷靜落嚟....

阿浩：『sorry，語氣重咗，做兄弟嘅只係唔想你中毒太深，有啲野我希望你將來能夠睇得透啲』

William：『下，你指麗琪有問題？但我覺得佢無野喎』





阿浩：『咁我都無話佢有啲咩，只係想提醒你喺依段新關係唔好踩得咁深啫』

William：『ohh咁咋，得啦，我唔會因為拍拖而忽略其他事嘅，我之前都無啦，我知道自己做緊咩嘅』

似乎William不理解阿浩的用意.........