原來你一直在我身邊: （16）

另一邊廂，雖則William對皓兒感覺已淡不如以前，畢竟他曾經深愛過皓兒，說是傷心也未及這個地步，但總會感到失落。這段時間能夠關心William的人會有誰？

William有一天與麗琪whatsapp傾訴，好讓能夠釋放自己。麗琪從中得知William已跟皓兒分手了。麗琪告訴William忘記以前，應該重新出發。她主動約William出街，讓William可以早日回復心情和放下以前的事。

麗琪陪伴William到他家附近的海濱長廊一邊逛逛一邊傾訴，有麗琪在旁William心情好多了。沒多日後，麗琪帶William到一個模型車展覽觀賞。當初這個展覽其實是由阿浩建議一齊去的，他先問麗琪，不過麗琪聽到後開心起來並希望阿浩可讓她獨自和William一齊去。阿浩無奈地答應了，而且他好像猜到了一些事。

阿浩和William 是好兄弟，William好多事情都跟阿浩分享，當然包括之前他跟皓兒分手的事。今次William告訴了阿浩一樣事情。

William：『阿浩，有樣野我唔知點』





阿浩：『有咩就講啦』

William：『我覺得我好似鍾意咗麗琪』

阿浩：『你同皓兒分咗手唔係好耐咋喎！』

William：『但係....唉，所以我唔知點，我覺得我同麗琪幾夾，都幾多野傾咁，同佢幾開心』

阿浩冷笑了一下：『哈，真係大對比』





阿浩所說的是William和皓兒分手的原因對比William喜歡麗琪的原因

William：『huh？你講咩對比？』

阿浩：『啊，無野』

阿浩心想：一個對咗咁耐嘅人變得無野講其實唔出奇，William鍾意麗琪其實都係貪新鮮感

William：『咁你覺得麗琪會唔會鍾意我？』





阿浩：『你啱啱先同皓兒分手，你咁快想追第二個？』

此時阿浩感到一點憤怒....他覺得皓兒好可憐

William：『其實，唉，我真係唔知，我都覺自己好似好衰咁』

阿浩：『你覺得麗琪好咩？』

為何阿浩會這樣說？因為阿浩得知麗琪兩次想單獨和William一齊而希望阿浩他能夠成全。第一次還是William還未跟皓兒分手，第二次就是他們分手之後。麗琪有何居心阿浩怎會猜不到，不過他不願告訴William知道，好讓他自己了解麗琪的為人，畢竟不同人有不同的感覺。

William：『佢喺我低落嘅時候喺我身邊開解我，我覺得佢幾識關心人，睇佢唔覺有啲咩問題，佢幾容易相處』

阿浩：『咁咪得囉』

William：『如果我同佢表白，你會支持我架可？』





阿浩：『sorry，唔支持亦唔反對』

William：『喂，係咪兄弟嚟架』

阿浩：『我同皓兒都算係好朋友』

這句說話讓當時dead air了一會兒......

William：『咁....算啦，我自己諗下』

大概一星期後，William 約阿浩出來飲野，他又告訴了阿浩一件事........