《曾經懵懂的日子》（真人真事）: 二

2006年10月，我12點鍾方向個女仔陳小江成日上堂270度另轉身偷望"貼堂"的我
咁我靚仔姐，唔係盲的！
你次次偷望得咁明顯，我實留意到。我本能地發電。唔知係咪咁電親人。

我平時成日係學校打波的，有日放學打緊波時，佢過來聊我傾計，內容唔重要我我唔講都係互相廢UP。
廢UP後精華
小江：我得閒打俾你呀
我：你有我電話咩
小江：有呀，某人俾左我
我：哦




佢成班女仔轉身離去
 
某一晚，手機響起，我呀媽竟然幫我聽電話 
我係廳睇電視，又唔係唔得閒，咁多手。
媽：呀仔，有個女仔搵你。
我：哦，你笑咩
媽：冇呀，好少有女仔打電話搵你姐，搵親你都係波友。
我：so what (轉身離去）

我：喂




江：我呀，陳小江呀。
我：哦，咩事。
江：我鍾意你，你會唔會同我一齊？（伴隨一群女同學的歡笑聲）
我：er...(心諗：你會唔會直接左少少，你女仔定男仔)
我：但係，你唔係同緊袁小田一齊咩？你兩個好明顯...
佢：你同我一齊我即刻飛左佢！（都係伴隨一群女同學的歡笑聲）
我心諗：你告白洗唔洗搵咁多人呀。（仲有3把聲都係我認得，估到邊3個女同學，咪除左佢之外，最靚個幾個囉，米子，黑妹賴，寶寶。有一把仲笑得特別大聲，黑妹賴初中3年同我同班，把大笑聲我化灰都認得。點解？因為易認又次次笑得好大聲）

我心諗：邊有女仔咁告白，完全冇考慮過我點睇呢句野。
我唔知佢係成日用呢種形式告白，定係未試過告白。




雖然我都未試過，A0
但點解要呢句？形式可以係[我對袁小田冇/冇哂feel, 我剩係想同你一齊] / [我同佢現時只係普通朋友，你誤會左]
但係以一個中學男生的角度，如果你真係鍾意我，點解唔可以係掉番轉，先飛佢，再選我。
騎牛搵馬，袁小田係牛，我係馬。如果楊過隻神鷗真實存在於世界上，出現於香港上空。
我係馬，唔識飛，你想飛，你要騎神鷗，我阻唔到你。我唔會左人搵自己幸福。
但心裡面點都會諗到，你今日可以咁對袁小田，他日一樣可以我成為袁小田。
呢一點我相信一眾高登巴打，下至15 , 上至95 都會咁諗。

但人大左，我回想番，反而認為可能係佢性格不摳小節。點解咁講？因為人大左會學識，[唔應該係未充分了解一個人之前，就對一個人落判斷。]
因為亂落判斷，對雙方都唔公平，令雙方開始起跑時，起步點不一致。
呢一點係我長大後的感受。