《曾經懵懂的日子》（真人真事）: 一。開學

2006年，我結束初中雞生涯，成為一隻中四雞。 
我個名，叫丁大張。 
咁點知，我無啦啦俾人掉左去一班唔知咩班，唔係我原本選個班，有我唔想讀的科。 
哇，點解要玩我，唔得。 
我：呀咩咩班主任，我要掉班。 
班主任：點解掉班？同學唔岩傾？ 
我：岩唔岩傾都要掉班。 
班主任：可唔可以話我知點解？ 
我：我唔想讀呢科，冇興趣，對第時做野冇用。 
班主任：好，咁我幫你問下隔離班。 




我 : 心諗：咁順攤 

順利掉班，照樣一個大約40人的班。 
由於我生得高，又靚仔，呀sir擔心我搶佢風頭，Miss 又驚俾我電親，於是要將我埋沒係課堂壁報板前。我心諗[下，太靚仔要貼堂？] 
其實係課堂最後面壁報板前個一個位姐！ 
但平時作為乖學生的我，當然冇講出口，要保持形象！ 
高登仔：你個自戀雞。好想搵釘槍釘你上板 
咁我12點鍾方向，近黑板第一個位坐左個都幾靚的女仔。應該班上算數一數二。 
佢叫陳小江。 





我份人細個鍾意玩，咩都拎得來講/玩。 
人大左，覺得講粗口唔代表型，搞gag好柒呀。 
中4開始介粗口，本身已經視言如金的我，講野唔多講廢話，唔搞gag 就更少野講。 
小學定中學，都被人話似女仔多過似男仔。 
中學有另一個新形容 
女：cool 
男：自閉 

我生得似呀媽，咁都唔得？ 
我份人鍾意諗野，文弱書生型，少講野，又唔得？ 




依照我個種我行我素的性格，一於少理。