自修室，學界既蘭桂坊: 53

好快，就去到三月二日，今日係我地嘅Last day。
Last day第一樣做嘅嘢唔係影相，唔係同老師講拜拜，而係Corn鳩人。
「屌你老母，6B，同我一齊上!!!!!」
「好!!!」
肥鈞一聲令下，成班6B就衝咗去6A嘅班房，今日我地嘅目標係我地Corn咗成年都未Corn到嘅肥張。
點解Corn唔到，係因為佢根本肥到十個人一齊都抬唔起佢，仲會俾佢同佢啲frd corn返轉頭。
我地今日成班著哂班tee，我地連件班tee都寫住Corner Army，真係成支軍隊咁。

我地一行人，湧哂入6A班房，霎時間成個6A班房有成七八十人。
入到去，見到肥張同佢班frd喺度用老師部電腦睇緊波。





我地入到去圍住佢地，之但係全部人見到肥張都淆哂青。
我地個個都睇肥鈞頭，等肥鈞出聲。

「我今日係嚟corn鳩你嘅，肥張!」肥鈞大叫道。

我企喺肥鈞側邊，細細聲講。
「喂屌，我地本來諗住嚟快閃corn架喎，你依家咁樣講到明，好難得手喎。」
「睇定啲先。」肥鈞強裝鎮定，細細聲咁回應我。我知道，佢已經柒咗。





只見肥張轉過頭一聲大叫。
「屌你老母，無撚嘢呀?」

俾肥張咁樣叫一叫，我已經聽到我後面有幾條友走咗返自己課室。
咁樣落去，唔係好對路。

「睇緊波架，咪撚阻住啦。」肥張又大嗌。
肥鈞又縮後咗幾步。
「喂屌你，我地睇你頭架，咪縮啦。」我嬲嬲地道。





肥張慢慢走咗埋嚟，佢每一步都充滿殺氣。
「做咩姐，依家我地阻住你咩?」肥鈞講嘢愈嚟愈細聲。
「係呀，你地依家就係阻住我睇波呀，係咪想俾我corn呀?死撚開啦。」
「咁…」肥鈞猶豫。

喺呢個時候，我都知道肥鈞好難落台，鬥corn又唔夠人做，但依家咁樣淆底走又太柒。
肥鈞望住我，俾咗一個好奇異嘅眼神我，直覺話我知，佢想縮沙。
「咁…咁就corn鳩佢啦!!!!!!!」肥鈞無啦啦指住我。

「好!就corn鳩佢!!!」
「我想corn佢好耐架啦，全班第一吖嗱?」
「屌!上啊!!!」

「嘩我屌你老…」呢句說話我都未講完，我嗰班啲騎乘怪，托底佬，揸jer王已經湧哂過嚟…





「母…你出賣我…」喺呢一刻，我覺得我同肥鈞嘅友情瞬間崩壞咗，我四肢俾人捉住哂，第五肢俾人卒緊…揼緊…然後我眼前一黑。

五分鍾之後，我已經唔再存在喺6A班房，俾人掉咗喺操場條籃球柱側邊。
我嘅恤衫，皮鞋，皮帶已經唔見哂，小小楠俾人蹂躪到體無完膚，我感覺我自己啱啱俾人中出咗100連發。

我瞓喺操場，望住個天，過咗陣，我見到肥鈞買咗包朱奶，放咗喺我側邊。
「我屌你老母。」我大叫。
「對唔住囉…嗰陣唔係你死就我死…咁緊係你死好啲…」
我聽到佢咁講，我火到想即刻起身揼柒佢，之不過，我無力。
「以前打LOL都係你幫我頂架啦，請你飲返嘢，唔好嬲。」

雖然我仲係好嬲，但肥鈞一講LOL，突然之間好多回憶湧返出嚟。
「肥鈞，覺唔覺，呢年過得好快。」

肥鈞坐低，瞓喺我側邊。




「覺，我地大家今年都成熟咗好多，以前我地剩係識打機，屌嚟屌去，依家，識讀書，識溝女。」
「肥鈞，多謝你。」
「多謝我?」
「多謝你，無你我唔會去自修室。無你我仲喺度打緊LOL。」我道。
「如果我地依家都仲喺度打緊LOL…後果真係不堪設想。」肥鈞道。
「哈哈，應該會一齊去做太空人。」
「阿楠，你估我地兩個入唔入到U吖嗱?」
「我地依家啲成績都咁好，應該入到掛。」
「DSE呢樣嘢，隨時會失手架，我好驚炒中文…」
「無事嘅…」
「阿楠，你知唔知，好多友誼都會喺DSE之後終結，好多人，可能今日之後，永遠都唔會再見到。」

俾肥鈞咁講，突然之間有一絲傷感。
「放心啦，唔洗驚，我地到時入埋同一間U，再住埋同一間HALL，一日兄弟，一世兄弟。」
「我從來都無擔心過我同你之間嘅友誼，之不過呢度有啲人，應該唔會再見到。」




「同埋，你擔唔擔心DSE之後，你同Shirley會分開?」肥鈞續道。
「點解咁講?」依家嘅肥鈞又無啦啦成熟起上嚟，。
「我聽我阿哥講，好多情侶都會喺上咗大學之後分開，我依家有啲驚，我唔知自己會考成點，我唔知Venus會考成點，萬一到時天各一方，真係唔係咁易維繫，我想我地一直都停留喺呢一年。」
「你緊係痴咗線，邊有人想一直停留喺考DSE嗰年?」我笑道。
「你唔覺得今年我地一齊奮鬥，日日都見，個感覺好充實，好熱血咩?」
「係…」
「恨就恨在呢年真係過得太快。」肥鈞輕輕嘆息。

「放心啦，唔好諗咁多，盡力考好佢，到時成績好有得揀，你咪就住Venus嚟入U囉。」
「希望係咁，阿楠，你唔擔心Shirley咩?佢啲成績麻麻地，應該會係邊緣人。」
「唉，我已經好盡力咁幫佢架啦，不過佢睇嚟無乜天份…」
「萬一佢入唔到U，你地兩個嘅感情會有好大挑戰…」

無啦啦講呢啲嘢，我地仲要一齊望住個天，今日個天好靚，突然間，好感觸，六年嘅中學生涯，咁就完咗。





六年入面，有五年我都喺度玩，喺度打機，日日返學朝早抄功課，上堂瞓教，Lunch打波，放學落網吧，得呢一年先真係做返個學生，但呢一年做多咗一樣嘢，就係溝女。

哈，諗諗下，咁樣先至係正常中學生嚟架嘛，唔通六年都喺度讀書咩，係咪?

「屌，咪講呢啲啦，今日LAST DAY，玩埋先算啦。」我已經有力起返身。

「喂，過嚟影班相啦，差你地兩個呀。」Bebu離遠大大聲叫我地。

「行啦，肥鈞。」我伸手拉佢起身。
「Bebu，我嚟揸你啦!!」我衝埋去。


影埋班相，好快，放學鍾聲響起。之不過，無人肯走。
我地留哂係學校打波，打到天黑，直到校工趕我地走先肯走。
我同肥鈞踏出校門，望住呢道每日出出入入嘅校門。
我地日後，都唔會再以學生嘅身分入嚟呢度。
忽然有啲後悔點解以前一放學就走出嚟，去網吧。講起去網吧，有啲手痕。

「喂，肥鈞，今日我完全唔想溫書，我想打機。」
「哈，我都係。」
「照舊，銅鑼灣ione?」
「好!!」

再見啦，我嘅中學。