自修室，學界既蘭桂坊: 47

傍晚時分，Shirley仲瞓緊，我喺佢屋企四周望望，睇到佢細個時嘅相，一臉天真無邪嘅樣子，唉…我啱啱又搞喊咗一個可愛純真嘅女仔。

我搵勻佢屋企，都搵唔到有啲咩嘢食，我諗當佢起身時應該會肚餓，為咗作小小補償，我就落街去買嘢食。
之不過，我唔係好熟路，方圓十里內我剩係見到今朝我買Dom嗰間七仔。
無計，唯有去七仔買。

我入到間七仔，今朝當更嗰個男店員仲做緊，佢望到我，睇嚟佢都認得我。
我搵咗幾盒叮叮嘅嘢食，Shirley鍾意食燒賣，我專登買多兩盒。
走到去收銀處俾錢，個男職員望住我，又報以一絲淫笑，仲無啦啦聊我傾計。





「唉，當咗成日更，呢度人影都無個，好鬼悶，我認得你呀，今朝嚟買過嘢架嘛。」
「係，你真係好記性。」呢個時候，其實我無乜心情吹水。
「點呀，今日爽啦，晨咁早就嚟買dom，一定成日喺度翻雲覆雨，淫水四濺啦，有冇浸親呀?」

屌你老味，本來都無乜嘢，俾佢咁樣講一講，真係躁過火屎。
「仆街啦你，你地啲男人，係咪下下都要用下體諗嘢呀，淫乜撚嘢水四濺呀，俾啲尊重得唔撚得呀。」

「乜嘢你地啲男人呀，你依家唔係男人咩，今朝仲對撚住我喺度淫笑，依家喺度同我扮正人君子? 收皮啦你。」男店員道。

「你叫Jason呀嘛，我實投訴你架，等炒啦你。」我講完，掉低張一百蚊紙就走人。




「驚你啊，七仔我唔做都罷啦，食屎啦死gay佬。」

男人，就係一種咁下賤，永遠剩係識用下體諗嘢嘅生物。
我都唔例外，我抵死。

返到上Shirley屋企，Shirley已經起咗身，著返哂啲衫，坐咗喺度溫書。
「起身啦?肚餓未呀?我買咗嘢食呀，有你最鍾意食嘅燒賣呀。」我道。

Shirley無出聲，只係點一點頭。
我知佢道氣唔會咁快下到。我唯有唔出聲，拎啲嘢食去叮。




叮完，我執好張枱，放好哂啲嘢食，就叫Shirley過嚟食。

我吉起一粒燒賣餵佢，佢都好樂意俾我餵，等咗一陣，佢終於出聲。
「下次唔好再係咁。」

終於將冰山劈開，我好開心。
「知道知道，我知錯啦，我以後都唔會架啦。」我連忙道。
「乖。」
「咁樣係咪姐係你唔嬲我啦?」我問。

Shirley唔出聲，應該係等我再氹下佢。
「車厘車厘，小智唔好嬲我啦，我俾你收服啦，車厘車厘。」我扮到成隻縮頭烏龜咁。
「小智你打我啦，我知錯啦。」我捉住佢隻手，係咁拍自己個頭。

「頂你，得啦得啦，原諒你啦。」Shirley笑道。




「好嘢!!!車厘車厘!!!!」
「妖，低能仔。」
「你肯原諒我，我變低能又有咩所謂?」
「食嘢啦，低能仔。」
「低能仔要人餵，我餵咗你咁耐，到你餵我。」我笑道。

食完嘢，再溫咗陣書，好眼瞓，我同Shirley一齊上咗佢張床度瞓。
結果，我地都係做咗。

女人就係一種心腸軟嘅生物，無論一個男人點樣傷害佢，佢最後都會原諒個男人，即使個男人係幾咁下流，幾咁賤。

Jojo係咁，Shirley都係咁。
我地做完就直接瞓到第二朝，好彩佢爸媽去咗旅行。
今日我地好夾，大家喺同一時間起身，大家打開雙眼嗰一刻望住對方對眼，個感覺好甜蜜。





Shirley望住我笑，然後講。
「不如你直接喺我呢度住幾日吖，反正我爸媽有排都未返，我地可以咁樣一齊過埋聖誕節。」

我聽到佢咁講，望住佢一雙迷人嘅眼睛，笑一笑道。
「好吖!」