自修室，學界既蘭桂坊: 44

啪一聲，有人拍醒我，係Jojo。
「殊!!你瞓覺好嘈呀，起身溫書啦。」

我啱啱瞓醒，個人仲係懵下懵下咁，乜都唔記得哂，我伏咗喺度，由下向上咁望住Jojo，佢塊白白滑滑嘅面珠墩，佢個微微嘅雙下巴…

一時手痕，我又伸手過去搣咗佢一下。
「妖，做乜鬼嘢呀你。」
「哈哈，真係搣極都唔會厭架。」
「彈開呀變態佬。」



「喂，起身啦?」我轉個頭，係Shirley。
「係…」
「我依家識做啦，我叻唔叻呀?」
「叻，咁咪好囉。」
「多謝你教我呀。」
「講依啲，應份架嘛。」

突然Shirley哄個頭埋嚟，錫咗我塊面一啖。
「你愛我，都係應份架可?」



我唔係好明佢條問題嘅意思，我伸伸懶腰，扮聽唔到。
「咩話，你啱啱講咩?我聽唔到。」
「無嘢啦。」Shirley講完就無理我。

啱啱起身，個人瘟瘟地，去廁所洗個面先。
我去嘅時候，肥鈞跟住我行埋出嚟。

「喂，阿楠，睇嚟你呢排溫書好大壓力喎。」
「係咩，唔係呀，點解你咁講呢?」
「你頭先發開口夢呀，我離你咁遠都聽到呀。」


「發開口夢?咁我頭先講咩呀?」
「你係咁講做呀做做做，我都唔知你做做做乜鳩，係咪做卷做到傻咗?」
「吓，係咩，屌，可能呢幾日瞓唔夠。」
「唔好死頂呀，死溫爛溫無用架，好似我咁，瞓夠先過嚟，唔好嚟到先瞓。」
「屌你啦，無我咁早過嚟霸位，你瞓到咁晏先嚟有撚位你坐咩。」我怒道。

肥鈞聽到我咁講，一面尷尬。
「哈哈哈，下次我嚟霸囉屌。」

做做做?我瞓緊教嗰陣究竟係到講緊乜?

自從做完份Maths卷之後，今日成日都好眼瞓，又要教Shirley，搞到我成日都無溫過書咁濟，成日個人都瘟瘟燉燉咁。

好快，又到自修室收館，我今日瞓咗成三分二嘅時間，無溫過書，個人好有罪惡感。
我送Shirley返屋企嘅時候，今次到我唔出聲，依偎喺佢身邊。



「做咩咁攰呀你今日?」Shirley摸住我個頭問。
「你仲好講，剩係教你都教到我心力交瘁啦。」
「頂，你依家係咪話我蠢，嫌棄我先?」
「唔係，我講下笑姐。」
「車厘龜…不如…聽日唔好去自修室啦，又遠又要霸位又要早起身。」
「唔去自修室?咁可以去邊呀，去Starbucks呀?唔好啦嗰度好嘈，溫唔到書架。」
「唔係呀，聽日開始呢，我爸爸媽媽都去咗旅行，你可以嚟我屋企溫。」

嘩屌，女朋友屋企無人，即係代表啲咩?
「咁好?咁緊係去你屋企啦。」
「嘻嘻，仲有呀，我見你今日瞓教嗰陣成日口噏噏，話咩做做做，你係咪恨做恨到發哂夢，我地都成個幾星期都無做過啦。聽日你可以嚟…」

屌，其實我究竟喺度做做做乜鳩?
同埋，聽日去Shirley屋企咪見唔到Jojo?


之不過算啦，唔理啦。

「好呀，聽日就去你屋企，做做做啦。」
「咦…即係你嗰陣時喺自修室真係發夢諗住我地做?好變態囉。」
「哈哈，咁即係代表我發夢都掛住你嘛。」
「死變態。」

送完Shirley返屋企之後，我好期待聽日，好想快啲返屋企瞓。
無啦啦，電話震，係花師奶。

「喂，你今日除咗做份Maths卷之外，無溫過書。」
「咁你都知?」
「我點會唔知，我坐喺你側邊，你成日喺度瞓教。」
「我都唔想，我琴日瞓得太少…」
「你下次瞓夠先好嚟，我唔想聽你喺度發開口夢…喺度叫我…」無奈樣。


「吓，乜我原來係叫緊你咩?」我打咗好多個驚訝樣。
「你係咁講Jojo…Jojo…」
「你女朋友就喺你側邊，你咁樣好危險…」花師奶續道。

我好奇怪，點解佢會咁直接咁同我講呢件事，同埋原來我真係講Jojo…
「咁，我叫你個名，你有咩感受?」我道。
「無感受，我都話咗我地係朋友。」
「Jojo…我掛住你…」
「唔好再講呢啲嘢，打爆你個頭。」
「咁…我聽日唔嚟自修室一日啦…可能會好啲」
「都好，你要冷靜下。」
「點解你依家個人咁理性，咁cool咁嘅?」
「經一事，蔡一智，哈哈哈哈，唔cool囉!!」
「嗱，雖然我咁講，但我份聖誕禮物，你咪諗住走數呀。」花師奶續道。
「知啦，一定會有驚喜。」


「聽住先，唔講啦，你早啲抖。」
「拜拜。」

望住Jojo由Online變Offline，忽然我又覺得，呢個人好陌生。