自修室，學界既蘭桂坊: 13

俾完錢，我著住Shirley揀嗰套衫走出間時裝店。
唔經唔覺，個天已經黃昏，十年都唔行一次街嘅我，一日之內行咗咁多路，個人好鬼攰。
行完街就要食飯，我都想搵個地方坐下。
「喂，你地會食飯架可?」我問。
「食呀食呀，食咩好呀?」Shirhey很爽快地應承。

只見Jojo諗咗陣，就話。
「我唔食啦，我返屋企食，你地食啦。我走先啦。」
「下點解呀，一齊食啦。」Shirley說。



「唔得啦，我要陪媽咪，你地食啦。」Jojo笑住拎頭，個樣有啲尷尬咁。
 我見佢好似怪怪地咁，突然醒起，佢腸胃炎要食粥。

「你係咪要食粥呀，我地可以陪你食架喎。」

「哈哈，唔係呀，我真係要返屋企食，你地食得開心啲啦，我走啦拜拜。」
講完Jojo就即刻拎轉頭走。

 咁無計啦，佢係都要走，唯有同Shirley撐枱腳啦!!!!



「喂，不如我地食日本嘢咯?」我問。
「好呀，我最鍾意食壽司架啦!」


今次係我第二次同女仔單獨食飯。吸收咗琴日嘅經驗，我今次食乜嘢都問咗Shirley先，Shirley又幾好，乜都食。

好快就叫到成枱都係嘢食，我地一路食一路傾，佢就不斷話自己眼光好，套衫著到我型仔咗。
俾女仔讚自己型咗，個心係會飄飄然。

唔知係咪個人太High，我問咗一個好爆嘅問題。


「咁你覺得我型啲定係Andy型啲呀?」
聽到我問呢個問題，Shirley笑咗出聲。
唉屌，問完嗰下我已經知出事，毒撚切忌有自信，俾Shirley讚咗讚，我問咗條好唔知醜嘅問題。

「Sorsorsor，我都知我唔夠Andy嚟架啦，我講下笑姐。」我立即戴返個頭盔。
「唔係呀，唔夠佢型唔緊要呀，你好人過佢嘛。」

好人?…哈…哈…哈。
見講起Andy，我就打蛇隨棍上。
「係呢，我想問你一個問題?」
「咩呀?」
「我想問你呢，9月2號，你有冇同Andy一齊去自修室呀?」

「9月2號?同Andy?無喎，嗰日我都係同Jojo Venus一齊去，做咩咁問嘅?」
唔係同Andy一齊!?咁嗰日同Andy打茄輪嗰個究竟係邊個嚟?


「無，我問下姐，無嘢無嘢。」


食完飯，今日行咗咁耐，我同Shirley都好攰，所以10點令，我地就返屋企。
時間尚早，銅鑼灣又有車直接返小西灣，我地就唔洗搭的士，搭巴士。

上到巴士，我地坐上層，上層就剩係得我地兩個人。
又再一次單獨相處，環境又靜，我就喺度諗，單獨兩個人，會唔會有啲咩特別嘢可以做下呢。
之不過，無咗的士佬喺度，無人幫我壯膽，有啲驚。
正當我喺度思考緊嘅時候，Shirley率先開腔。

「其實…你係咪好在意我同Andy呀?」
我聽到呢句說話，我唔知俾咩反應好…
「m…」
「我見你係咁問我同佢啲嘢，我同佢真係無嘢架…由頭到尾都係佢一廂情願。」


哦…係咩。
Shirley見我無反應，就拎部電話出嚟，放喺我面前。
「你睇下，琴日我同完佢去唱K之後，返到屋企，我已經同咗佢講分手啦。」
我望住佢部電話，上面有篇千字文，太多字我一時睇唔清楚。
總之最後嗰句就係:「我地都係分開下啦。」

我見到呢句句子，打從心底裡笑了，我最期待嘅畫面出現了!!

「嘻嘻，點呀?」Shirley對住我笑道。

Shirley都做到咁，我係咪應該要有啲表示呢?
我依家應該要做啲咩??
唉呀，我唔知呀!!!

啜~


好細聲。
我的臉龐中央，一絲一點的濕了。
我用手摸摸那一點，然後望向Shirley。
佢抬頭望住我，我同佢對眼…好近…

Shirley無講嘢，我望住佢對眼，好迷茫。
我都未嚟得切反應，佢就挨咗落我膊頭度。

啱啱我同佢四目交投嘅時候，成個世界好似靜止咗咁，諗返嗰陣本應係一個絕大嘅好機會，但我錯過咗。

「落車時叫我吖。」
挨喺我身邊嘅Shirley好快又恰著咗，我去到呢一刻依然都係一片空白。
原來俾女仔錫係咁嘅感覺…
好…那…爽。
爽嘅唔係我臉龐被佢嘴唇觸踫時觸覺上嘅快感。


而係當佢錫完我，同佢四目交投時，我從佢嘅眼中知道，呢一刻佢個心係屬於我。

如果Shirley做到咁樣我都唔俾返一啲反應，我真係唔配做男人。

往後嘅車程，我都喺度諗緊，一陣送到佢到樓下時，我應該點做好呢?

好快，巴士就去到總站，我輕輕摸摸Shirley個頭叫醒佢，然後落車。
佢屋企同個巴士總站好近，行咗兩分鍾就到佢樓下。


「到啦。」Shirley道。
「嗯嗯。」
「我走啦。」
唔得，唔可以就咁樣俾佢走。
嗚呀，但係我真係好緊張，成身都郁唔到呀!!!
「我走啦。」Shirley又再重覆。

Shirley見我一碌葛咁。
「喂，你做咩呀?」
「無嘢…無嘢…」
Shirley扁一扁咀，向前行咗兩步，又拎轉頭。
「我走啦，拜拜。」
「唔好…」
「咩話?」Shirley行返過嚟，嗰種若有若無嘅麻倉憂眼神又再出現。

一望到佢呢種眼神，我就硬哂呔。
「同自己鍾意嘅女仔講拜拜唔係咁架。」Shirley突然放大音量，嚇咗我一嚇。
「你知唔知你要做咩呀?」Shirley續道。

呀!!!!!!!!!!!!!!!!!!!!
點頂呀!!!!!!!!!!!!!
係咪叫我錫佢姐其實!!!!!!!!
救命呀的士佬!!!!!!!!!!

喺我眼前嘅Shirley已經合埋咗眼…
死就死啦!!!!!!!!!!
我望住佢，烏低身，然後將個頭慢慢，慢慢咁哄埋去。

咀了，我的咀唇踫到了Shirley的咀唇。

下?就係咁咋?
我期待而久嘅錫咀，原來就只係咁樣?
佢雙咀唇的確係好軟嘅，但係都係無乜特別感覺喎。
我一路望住Shirley，一路喺度諗。
等陣先，其實我係咪要合埋眼?
我嘗試合埋眼，漆黑一片，的確係好feel啲嘅。
但，都係無乜特別喎。
唔係呀嘛，我十七年嚟嘅初吻，唔通就要咁樣作結?
喺呢個時候，Shirley擘大眼，縮開了。
嗚呀!!唔係咁就完呀!?


我都擘開眼，望住Shirley。
只見Shirley笑咗一笑，然後再次合上雙眼，Gut高雙腳，吻向我。
然後，佢捉住我對手，圍喺自己嘅腰間。

霎時間，我同佢身體與身體之間嘅距離，瞬間降至零。
不得了!!!!
我握住Shirley條纖腰，我嘅大腿感受到佢嘅一雙大腿，我個肚臍感受到佢個肚腩仔，我副肋骨感受到佢副胸罩。

我條賓周感受了一切!!!!!

原來，真正嘅接吻係咁樣樣嘅。
你話我喺呢個Moment，有咩可能唔扯到行一行?

弊家伙，扯啦扯啦!!!!
我要故意gut起小小個籮，因為我要就住就住，廢事俾Shirley feel到我扯咗，好尷尬架嘛。

好彩，錫咗差唔多廿秒，Shirley就主動縮開咗。
呢個，就係我嘅初吻，唔浪漫，唔激情，反而有啲驚險。

「今次真係走啦我。」Shirley微笑道。
依然回味緊啱啱嗰廿秒嘅我，仲未俾得切反應去應佢，佢已經拎轉身走咗。
我望住Shirley個背影。

我…我…我得米啦!!!!!!!!

搭車回程嘅時候，我收到Shirley嘅msg，係一個啜咀加個心心嘅emoji。
我望住個Icon，諗返起頭先佢合埋眼個樣。
今日，係我十七年嚟最爽嘅一日。