自修室，學界既蘭桂坊: 9
嗚……
「喂，你無嘢下話。」
我拎一拎頭，原來肥鈞同Jojo掉咗位。
「做咩無啦啦又俾盒朱古力俾我嘅，你唔係應該送俾Shirley架咩，hehe。」
聽到Shirley個名，我嘅ph值就喺一瞬間下降至0。
「喂，做咩喺度發呆呀，溫書啦好心你。」
「唔Q溫呀，溫嚟都無用架啦。」
「咩溫嚟無用呀，嘿嘿，肯定有人吃醋吃到傻咗頂啦。」
妖，佢好串呀。
「係呀，我係吃醋呀，總好過有啲人呀俾兩對男女夾埋係中間吖，你都有讀econ呀，你嘅demand係零，係零呀，無人要呀你。」
「乜嘢demand係零呀，笑大人個口咩，唔識就咪亂拋書包啦。」
「吹咩，總之你就係無人要，無人要呀。」
「你好煩呀，成日喺度話我無人要，其實我暫時唔care自己有冇人要囉，你咁樣講對我一啲作用都無囉，你唔覺得自己好無聊架咩?」
講完Jojo就拎返轉頭繼續溫書，唔再理我。
我見佢嬲包包咁樣，諗返我又好似有啲無理取鬧，人地都係一番好意關心下我。
唉算，唔激都激嬲咗，都係等陣等佢下咗啖氣先。
我見佢溫緊Econ，我就又拎本Econ書出嚟溫。
頭先Jojo話我唔識就唔好亂拋書包，乜我有講錯咩。然後我搵哂成本書，又真係見唔到邊度有寫Demand=0 呢樣嘢。剩係見到有樣叫Price elasticity of demand=0 呢樣嘢。
原來Price elasticity of demand=0嘅意思係，即使價格點變，嗰樣貨品嘅需求量都係不變。然後下面有幅Demand supply 圖，條demand線係一條垂直嘅直線。
我就拎起張memo紙，照抄本書上面幅圖，傳俾jojo。
「做咩?」
「我依家識啦，唔好嬲啦。」
「我好寬宏大量，唔係咁易嬲嘅。」
「哈，我睇你個身型都知你係大量型啦。」
我要keep住我呢個臭串型嘅作風嚟同佢交流。
「你係咪要我繼續唔睬你啫?」
「唔好呀，講下笑姐。」
條友仔又幾易氹。
「你係咪真係識架，呢樣好普通嘅嘢嚟，你要知佢背後嘅含意同點用先至得架喎。」
「識架啦識架啦，我咁醒。」
「唉，都唔知係咪，你咁樣真係死得，無眼睇。」
為咗氹返佢，我溫咗成個鍾書，就係為咗去識咗Price elasticity of demand呢樣嘢嚟同佢傾計，搞到好鬼眼瞓。
搞搞下都成八點半，個肚鬼死咁餓。依家先至醒起，唔知Shirley，肥鈞，Venus佢地點呢。
我拎轉頭望過去，見到佢地唔見哂，大獲。
唉，掛住理個Jojo，耽誤大事。
嘅然如此，飯點都要食，我就問Jojo食唔食飯，佢又好爽快咁應承咗。
是但喺樓下搵咗間茶餐廳。今次係我第一次同女仔單獨食飯。
「一個B餐，飲凍奶茶，唔該。」
「OK，收到。」
「喂，你咁快嗌，你唔等我睇下先嘅?」
「哎呀，係喎，平時慣咗係咁，SOR。」
平時同肥鈞佢地喺學校食飯，都係一入去坐底就即刻嗌嘢食，我一坐底，見到晚餐有我最鍾意食嘅星洲炒米，就即刻狗衝。
我見Jojo睇咗成三分鍾個餐牌都仲未諗到食咩，但明明上面剩係得四樣嘢。
菜遠牛肉飯，星洲炒米，白汁雞排飯同肉醬意粉。
「喂，Jojo姐，上面得四樣嘢，你搞咩要諗咁耐呢?」
「唔係呀，我都唔想架，但係呢度上面啲嘢我都唔係好啱食…」
「下，你平時食開啲咩架，呢度啲嘢好正常喎。」
「唔係呀…呢度有冇粥食呀，我想食粥…」
「你玩嘢咩，去茶餐廳叫粥? 人地睬你都有味啦，大小姐。」
我見佢無啦啦有位俾我入，我緊係毫不留情咁直線抽擊佢，點知佢dup低頭唔出聲，好似好委屈咁。
出呢招?你話你係Shirley我就受姐，唔係個個女仔扮可憐我都要就你嘅。
星洲炒米已到，我就拎起筷子起勢咁趙，Jojo就一路望住個餐牌，一臉苦惱。
唉，真係唔知佢做乜，佢又真係好慘咁樣樣喎。
「係咪一定要食粥呀，我快快趣食完陪你去對面間粥鋪食啦?」
「係呀係呀，你快啲食啦，hehe。」佢一聽到我咁講，即刻笑哂咁，佢笑嗰陣，塊面好圓，個面珠墩脹卜卜咁。
麻美我無乜研究，睇嚟今晚要down返套研究一下。
我嗱嗱淋食完個星洲炒米，啜埋杯凍奶茶，就同佢去咗對面街間粥鋪。
夜夜地，間粥鋪都無乜人食，剩係得我Jojo同埋個老闆娘。
一坐低，我就問佢。
「點解乜嘢都唔食，係都要食粥呢?」
「我有腸胃炎呀，醫生話我要食啲流質嘅嘢，所以一定要食粥呀。」
「哦…咁你早講呀嘛，你一早講我就唔會去嗰間食啦。」
「我見你一落到嚟就一支箭標咗入去，我又以為入面應該有嘢啱我食…咪唔講住囉…」
雖然佢平時串串地，但係始終係個女仔，都有佢柔弱嘅一面。
Jojo佢睇咗陣，就叫咗碗艇仔粥。
碗粥好熱，我望住Jojo慢慢咁食，每一啖都要用個咀吹凍啲先放入口，當佢吹嘅時候，嘟起個咀。
塊面珠墩真係好鬼吸引!!!!
唔知大家係咪讀男校，同唔知大家係咪肥仔，讀男校身邊緊有一兩個肥仔，肥仔有兩種，一種就係惡霸型，即係恃住自己肥獅大隻周圍恰人嗰亭。一種就係林善型，我就有個肥仔fd叫Bebu，平時返學當我寂寞難耐嘅時候，我就會搵佢發洩。
渣佢對肥仔波，攬住佢個大肚腩，搣佢塊面，真係諗起都扯扯地。
望住Jojo食粥個樣，我就諗起Bebu，我就忍唔住。
「喂，Jojo。」
「做咩呀?」Jojo抬頭。
當佢抬頭嗰一刻，我就伸手一嘢搣落佢塊面珠墩度。
好軟…好滑…好彈手…
「做咩呀你…」Jojo即刻縮開，摸住自己塊面，紅都面哂。
「不如我以後唔叫你做Jojo啦，我叫你做嘟嘟呀，肥嘟嘟，哈哈。」
「收皮啦你!!!!你係咪變態架!」
Jojo又一臉嬲包包咁樣，佢愈嬲包包，塊面就愈脹卜卜，好鬼正。
就喺呢個時候，突然粥鋪個老闆娘放咗碗粥落我個位度。
「喂，後生仔，見剩返少少，請你食啦。」
「哦…多謝哂。」仲喺度望住Jojo嘅我一時反應唔嚟。
「慢慢食下…唉…依家愈嚟愈少人嚟呢度食嘢啦，可能係我老啦，煮啲嘢愈嚟愈唔好食…」老闆娘慨嘆。
「唔係呀，我覺得好好味喎，我好鍾意食粥架。」Jojo笑住道。
「你快啲食幾啖啦…」Jojo靜靜雞咁對住我講。
其實食完個星洲炒米我就已經飽飽地，之不過見個老闆娘咁唏噓，就係咁意食幾啖。
一放入口，嘩..唔掂，淡到好似飲緊水咁，肯定係唔記得落鹽。
唔怪得知成間鋪頭得我地兩個幫襯。
點解個Jojo仲可以食得咁enjoy咁?
「你地係兩個兄妹嚟架?」老闆娘問。
「唔係呀，我地係朋友嚟。」Jojo道。
「咁夜仲著住校服嘅你地，唔洗返屋企咩?」
「我地喺附近溫書呀，我地食完就返屋企架啦。」Jojo答。
「依家好少見你地啲學生咁乖架啦，多數都十問九唔應，剩係玩手機，你地讀書要俾心機呀，得閒嘅咪過嚟食嘢囉。」老闆娘講完，就行返去灶頭嗰邊執嘢。
「好呀，我地下次會再嚟架。」
我望住Jojo同老闆娘嘅對話，就好似媽媽同個女傾計咁。
「喂，咁好口，平時對住我又唔見你咁。」我道。
「哈哈，對住你呢啲衰人，緊係要串返夠本架啦。」
食完餐飯，都成十點幾，我同Jojo就上返自修室執嘢走。
返到去，我望過去Shirley佢地嗰邊，五個位都無哂人無哂書包，睇嚟已經走咗。
佢地去咗邊呢…我望住部電話，見到Shirley個: ( 符號，個心就囉囉攣。
「喂，Shirley呢?你啲朋友呢，佢地去哂邊呀?」我故意問下，睇下Jojo知唔知。
「唔知喎，佢地成日都係咁架啦。成日溫溫下書就變咗唔係溫書，唔知去咗邊度玩。」
唔知去咗邊度玩…呢句令我好不安，嗰兩條MK，一定唔係玩咁簡單。
之不過肥鈞應該都同佢地一齊，應該無事掛…
今朝本身三分鍾就震一次嘅手機，自從Shirley send咗個唔開心表情俾我之後，就無再震過。
究竟，係佢嬲我唔應佢，定係其實佢依家玩得好開心，根本無放我喺個心度?
唉…我都唔理得咁多，分別留咗個msg俾Shirley同肥鈞之後，我就同Jojo一齊離開自修室。
原來Jojo就住係灣仔，雖然佢係咁話唔洗，但橫掂咁近，我就堅持送佢返屋企。
去到佢樓企樓下，一睇，應該係小康之家，有有地錢咁。
送完佢，我獨自行返去地鐵站。
搭車嘅時候，我發現自己好攰，無理由，除咗溫書時用多咗精神之外，其餘時間都過得好平靜，又無琴日又飛車又鍚面咁激，但唔知點解，就係好攰。
之不過，幾攰都好，返到屋企，趕唔切搵seed down AV啦，直接上thisav J咗獲麻美。
麻美對波真係世界級。