自修室，學界既蘭桂坊: 4

唔撚係掛…車厘龜你都add? 貪我夠可愛呀?
  我萬萬都估唔到佢會咁樣add返我轉頭，但亦都好肯定地，佢係睇到我add佢先。
  我死都唔會accept架啦，一accept左，佢就知道原來隻車厘龜就係佢對面呢個柒頭。
  我咩都唔理，伏底大覺訓，相信好快就會忘記到呢件事。
 
  一訓就訓到自修室收館，我起身果時，Angus已經走左，肥鈞已經傾到用緊第八張memo紙，我執齊野準備走人。

  全部人都離開哂自修室，喺出面等lift，肥鈞走左去同希志相認，估唔到愛情既力量係咁大，肥鈞已經無野好驚了。

  我企係肥鈞同果3個女仔後面，諗住偷聽下肥鈞有冇講d狗公到不行既說話，等聽日返學果陣恥笑佢。無啦啦有人拍我膊頭。





  係一個似曾相識既男仔，我諗左陣，原來係我既小學同學Thomas。
 
 「喂呀楠好耐無見啦喎，估唔到喺自修室撞番你。」Thomas好興奮咁講。

  我心諗好彩你唔係叫我James。
  同佢寒喧左幾句，佢無啦啦拎部手機出黎。
 「喂你Facebook係咩呀，我遲d諗住搞個小學聚會呀，預埋你嘛，我記得我好似有add你架喎。」
  仆街，我心感不妙。麻倉優就喺我前面。
  屌你個老母Thomas，冷靜d呀!!




 「James chan…呀搵到你啦，哈哈哈頂你，做乜鬼野用隻車厘龜做propic呀，鬼知係你咩。」
  嗚嗚…我屌你呀thomas..
 


  麻倉優好明顯聽到thomas講既野，佢拎轉頭，望住我喺度笑…
  呢一刻我唔單止想捐返入老母個西度，我直頭想做返粒卵子，當無受精過..

  入到lift，麻倉優企喺我後面，我全身都極度唔自在，lift門一開，我連拜拜都無同肥鈞講，就九秒九咁衝去地鐵站。





  好撚柒呀!!!我唔想再見到個麻倉優呀!!!

  落到地鐵站，諗住啪八達通入閘，摸摸褲袋，仆街，我個銀包呢?

 「喂，車厘龜。」

  呢一把女聲，令我不寒而慄…

  係麻倉優。

 「你跑得咁快做咩呀，連銀包都趺埋啦。」佢遞個銀包比我。
 「唔該…」
 「你認唔認得我呀，琴日你搭地鐵我坐喺你對面架。」
 「認得…」化左灰都認得你啦…
 




  佢見我木口木面咁樣，又用佢果個好似好無知既眼神望住我。真係好撚唔自在。
 「其實今日晏就，我係唔小心噤錯掣先會add左你，唔好意思…」
 「哈哈有咩所謂，果時我仲諗緊邊個係車厘龜，好得意。」
 
  屌一d都唔得意呀，咪撚再串我呀屌你。
 「我add返你做咩唔accept我?」
 「咁樣好似唔係幾好意思，因為好似好唐突咁，我本身又唔識你。」
 「唔緊要啦，你accept我呀，我想睇下車厘龜呀。」
 
  我已經灰到唔知點應佢，只係笑左笑點左下頭。
  落到去車廂，佢坐喺我隔離，今次係我第一次同女仔搭車。
  我成身標哂冷汗，媽呀，點解我要咁毒。
  我拎起我部電話，求撚其喺度亂噤，分散下注意力。
 
 「你喺度做咩呀。」




  佢突然哄埋黎，挨落我隻手度，喺度望我做緊咩。
  我隻手臂感受到由佢身體傳過黎既熱力。
  即使只係手臂與手臂之間既觸碰，都足而令我扯到行一行…
  原來女人既身體係咁柔軟，咁溫暖。

  我成個人同我條賓周一樣，僵硬到一碌葛咁。
  佢一手搶左我部手機，打開fb，accept左佢個friend request。
 「拿，車厘龜，比返部電話你，到太古啦，你到站啦，拜拜。」麻倉優嫣然一笑。
  一個冷震，射左。
  
  返到屋企，望住佢d相，回憶起岩岩同佢觸碰身體既感覺，我足足打左兩次飛機。
  我終於明白，當初剩係識打機既我係幾咁幼稚，即使我打贏幾多場，果種快感都唔及岩岩既萬分之一。
 
  我要溝麻倉優!!!