自修室，學界既蘭桂坊: 2
聽到肥鈞咁講，我好不安，未入到去自修室已經見到啲咁爆嘅嘢，我唔敢幻想自修室入面係咩情景，我呢啲毒撚仔，前一分鐘先係我第一次真人見到呢啲情慾畫面，萬一一入到去啲人全部都喺度打茄輪摷嘢，你叫我點算?
感謝上天，一入到去，並唔係我想像中咁嘅樣，所有人都係對住自己個位，其實同網吧都有三分相似，只係網吧嘈好多咁解。
呢度好大，我諗有成百令二百個位，分左，中，右三列，中間嗰列一律六個人一排，左右就有啲三四人有啲兩個人。
肥鈞帶我行到好入，我一邊行一邊掃視，感覺上無咩特別，啲人都好乖咁喺度溫書。同埋啲人個個都dup低個頭，根本連樣都睇唔清楚。
肥鈞求其搵咗個位坐低，一坐低就拎啲書出嚟溫。
痴媽根，啱啱開學就溫書，溫乜鳩。我打開我個書包，乜撚都無，啲書全部都放哂喺學校locker。唯有放低啲嘢，用電話聽住歌瞓教。
去到七點，肥鈞就係咁叫住我。
「七點啦，呀楠，準備睇嘢。」
「有咩睇?」我一邊捽眼一邊抬頭，但係乜事都無發生。不過我見到其他位有好多人都好似我咁抬起個頭準備睇嘢咁。
只見喺我前面突然有個著旗袍校服嘅女仔彈起身，個頭順勢向上fing，十足十賣洗頭水廣告咁。佢件旗袍個叉開到上條腰咁濟，對腳貼住一條線嚟行，條長腿若隱若現。
著住校服嚟行catwalk嘅感覺又幾新鮮。
「呢個就係呢間自修室嘅特備節目”旗袍妹行catwalk”每日七點準時播放，一陣仲有兩個。」肥鈞向我解釋。
「仲有兩個?」
「聽講佢地成日都喺度鬥，佢地行嗰陣都會數住自己有幾多人喺度昅自己，邊個最少人昅嗰個嗰晚就要請飲嘢。」
「嘩咁撚無聊?」
「所以佢地喺度出哂名，叫姣西三人組，佢地係呢度啲女仔嘅公敵嚟，但啲仔就非常之buy。呢度仲有好多特別嘢，遲啲見到再話你聽。」
不過呢三條女太姣，唔係我杯茶，所以之後嗰兩個我都係望兩眼就算。
「話時話，你咪話你已經有鍾意嘅人，佢喺邊?」對比起嗰三條臭雞，我比較想知肥鈞嘅口味。
「佢喺嗰度。」肥鈞指住我地斜對面。嗰度又有三個女仔，不過今次唔係著旗袍，係著白色校服裙。
「屌你，背住點睇呀，有冇FACEBOOK嗰啲呀。」
「我都係前幾日先嚟，邊度會拎到FB，想睇嘅話等佢地去廁所。」
「等佢地去廁所?點解佢地去廁所我就會睇到?」
「嗱，你等佢地去廁所，去咗太約三至四分鍾之後，你就行出去，咁你就應該會面對面撞到佢地架啦，呢個係喺自修室昅女嘅指定方法嚟。」
我聽落又好似幾WORK，估唔到嗰三條女過咗五分鍾後就一齊去廁所。
「喂，肥鈞，一齊去昅啦。」
「唔得，我淆底。」
咁我就拎住部電話一路聽歌一路行出去，去到廁所出面條走廊，嗰三個女仔真係由女廁度走出嚟。
你叫我形容佢地三個個樣我諗我點講都唔會形容得貼切，我唯有用例子答你地，麻倉憂，希志，麻美。
喺我腦海中浮現嘅第一個想法，係喺度諗有冇一套AV係佢地三個共演學生妹4P?
返到去座位，我第一時間問肥鈞。
「喂，平時你J開邊個女優?唔準諗，即刻答。」
「Err…希志愛野囉，做咩?」
「咁姐係你鍾意最左手邊嗰個啦。」
「嘩，點解你會知架?」
「唔好理我點樣知，你諗住點溝佢?」
「唉，我都唔知，好似無咩途徑識到佢咁，直接去識佢又好似好狗公…萬一俾佢一嘢收皮就慘。」
果然，肥鈞都係講就兇狠，做就碌撚嗰亭。
「屌，又話咩轟轟烈烈溝一次女，得啖笑。」我忍唔住笑佢。
「屌你啦，我聽日約咗個人，佢會幫我識個女仔架啦。」
「邊個?」
「聽日你咪知囉，佢係我呀哥啲FD嚟，好似好把炮。喂，呀楠，今日應該都無咩進展，不如食個飯再落ione打多一兩場返屋企瞓啦。」
「就係等你講呢句咋!」我非常興奮。
打到十點令，同肥鈞輕鬆屠殺完對手之後，由於佢住香港仔，我住太古。分開之後我就去搭地鐵。我聽住歌，百無聊賴咁喺度等車，忽然，喺我側邊出現一個熟口熟面嘅學生妹。
屌，係麻倉憂。
地鐵到站，由於都成十點幾，架車唔算多人，我就坐喺最近車門嗰個位。
屌，麻倉憂坐喺我對面。
我係咁望住部電話，唔敢向上望，頭先同佢有過一面之緣，雖然我唔知佢認唔認得我，但係我就認得佢，所以我好驚同佢四目交投，好撚尷尬。
其實……我平時最鍾意J嘅就係麻倉憂。
成程車我就係不停dup低頭望電話，麻倉憂就不停咁周圍望，屌，佢每次掃過我嗰陣我都周身唔聚財。
千祈唔好誤會，我唔係鍾意佢，雖然我鍾意J麻倉憂，但係我唔會咁容易就鍾意一個女仔嘅!
天后，炮台山，北角，鰂魚涌，太古。終於到站，屌，今次應該係我搭得最漫長嘅一次地鐵。
我即刻起身走，唔為意咁掃咗佢一眼。
佢好似望住我笑。
幻覺嚟架姐，嚇我唔到嘅!!!!!
返到屋企，我立即開咗套麻倉憂嘅AV出嚟J。
“死毒撚，唔好咁多幻想，返屋企打丁啦”，呢句說話一啲都無錯，打完個丁，當堂咩都唔記得哂，大教瞓。