[男籃]一球穿Jump: 第廿八回 – 放下，才能行得更遠

係李SIR既推動下，我終於有勇氣面對我自己個病，亦都鼓起勇氣係一眾隊友面前話俾佢地知，我將唔能夠同佢地一齊行埋呢條未行完既路。
 
「我今日黎係想同大家講一件事。」籃球隊每次訓練前都會圍圈聽李SIR訓話，但今次既主角，換左係我。我企係大家圍既圈前面，將我前一晚反覆背了無數次的對白讀出。
 
「上次比賽個陣，我唔舒服暈到。後黎經醫生檢查之後，證實左我個腦入面有一個腫瘤，雖然未證實係良性定惡性，但醫生都叫我唔好做任何劇烈既運動，包括籃球比賽。」
 
講到呢度，隊友們都一片死寂，我見到有部分兄弟仲眼濕濕咁，但我提自己，千祈唔可以喊，要堅強咁而對。
 
「所以，雖然我好想同大家一齊走落去，入決賽、羸冠軍，但我唔可以對身邊既人唔負責。」講到呢度，淚線已開始及熱，我轉身抹一抹淚珠。「但係你地放心，我一定會係場外支持你地，同你地打氣，所以你地一定唔可以偷懶，要盡一百二十分既力，去打埋我個份，羸冠軍返黎，唔好留有遺憾。」
 




========================================================
 
鏡頭一轉，已經係我係呢間學校既Last Day，大家除左瘋狂影相之外，都係瘋狂影相。擾攘左成日，終於有機會坐底休息一下。
 
犀牛「喂阿駿，畢業喇，好似好伊咁呀可。」
「係呀，就好似尋日仲係小學雞，今日已經中六畢業喇哈哈。」
高佬加把口「係呀，之後考DSE，唔知大家會點呢。。。」
「喂，講真，你地個次輸左有冇怪我﹖」
犀牛「B grade個次﹖」「唔。」
犀牛「傻架咩，係醫生叫你唔好打架麻，會死人架。仲有呀，唔好睇到你自己咁重要啦，有你係度就一定羸架咩﹖」




「起碼唔使輸20分先啦」
高佬「仲好講你條友﹗不過好彩醫生話你個腫瘤係良性，冇生命危險。係呢，上星期覆診醫生點講呀﹖」
「都係咁啦，佢話個瘤2年黎都冇咩點大到，冇再further壓住d神經線咁囉。」
高佬「咁點呀﹖由得佢成世係度呀﹖」
「冇呀，醫生話如果佢唔繼續生長，可能十年廿年都係咁，對健康其實冇咩大影響，你見我呢2年都冇咩事就知。。。」
高佬「咁係咪即係你可以打番波喇﹖」
「咁又唔得呀，我都有問過醫生。算啦，唔好講呢D喇，你地第時上到大學仲會唔會繼續打波呀。」
犀牛「上到先算啦。如果有得打一定繼續打既，不過冇左你兩個，都冇以前咁有衝勁去打咯。」
「喂﹗」
犀牛、高佬「做乜9﹖」




「不如打場波先走咯﹖」
犀牛「下，你得唔得架，岩岩先話醫生叫你唔好打波。」
「我就係問佢衛生波有冇問題，佢話唔好咁博應該都ok既，見我2年都冇嚴重到話可以試下，仲話我咁後生唔通成世唔做運動咩。不過佢都加左句話有野就要停。」
高佬「早講丫，隻手痕左幾耐呀。」
犀牛大叫「打波喇喂，阿駿復出呀，快D過黎跟隊啦﹗」
 
結果，我地打到8點幾，校工屌哂鬼我地先肯走。中學，再見了。如果有人問我B grade只係入到四強係唔係遺憾，我只係會話有少少失望，因為，我有一班好兄弟同我係成個中學時期入面一齊打波一齊比賽，縱使未走到最後，我都覺得無憾。
 
===============================完==============================