當殺人變成習慣: 第三十九節

馬尾男！？他不是已經被我殺掉嗎？為何會再一次在我面前出現？
 
我想不透，ＴＶＢ這種拍到爛的電視情節，居然會發生在我面前？
 
「譚總！玩得開唔開心呀？唔夠盡慶，我地可以再幫你安排其他支俾你玩。」馬尾男說。
 
不對，他不是馬尾男，雖然樣子是長得一模一樣，可是那個人的氣質，說話的語氣和馬尾男明顯不同，只要一行進來，就已經可以感覺到他的霸氣，一種君臨天下的氣勢，可是，這個世界上兩個不同的人，樣子真的可以長得這樣似嗎？
 
不可能，除非他們是孖生兄弟，否則不可能有這樣神奇的事。如果真的是孖生兄弟的話，那麼我的下場一定十分之悽慘，因為我把馬尾男殺掉，他一定會狠狠的把我折磨至死。
 


「唔錯，呢隻支錯真係唔錯，下次再有呢啲貨色，就記住通知我啦。」譚總說。
 
「冇問題，不過眼前呢一隻兵，你打算點？簡單報告一下佢既傷勢先，佢左手已經完全報癈，左眼眼球亦都已經破裂，所有牙齒都被人打碎，真係醫返都晒藥費，我諗佢下次就算可以出賽，都未必可以嬴到比賽。」樣似馬尾男的男人說。
 
中國男人摸了一摸自己的下巴說：「咁你既意見係………」
 
「人道毀滅啦！我地仲有大把兵俾你選擇，而且佢既內臟割晒落黎都應該可以賣唔少錢，再加上之前佢幫你羸左場比賽，我諗買過一隻新既兵唔會要好多錢。」
 
「咁即係大約幾多錢到？」
 


「一億應該可以搞得掂。」
 
「一億咁抵？好！就咁決定啦！我再幫你買過一隻兵，不過記住幫我選一個識功夫或者好打啲既！」
 
「譚總，你知道我地呢個遊戲好玩之處就係搵一啲咩都唔識既柒姑碌做兵，慢慢訓練佢地成才，你睇下眼前呢隻兵今次既表現都唔錯呀，只係傷得太嚴重啫。」
 
「好啦！其他野你安排，你有消息就再通知我啦！」譚總說完之後便離開了這個房間，只餘下馬尾男和一班穿著黑色西裝的男人。
 
他們究竟在說些什麼？買一隻兵要一億，說我贏了比賽有獎金，可是因為我的傷勢太重要人道毀滅，而且還要把我的內臟割走？
 


這裡究竟是什麼鬼地方？我的生死為何會被操控在那個譚總的手裡？
 
「我睇你個樣，好似好多野都唔明咁喎！」樣似馬尾男的男人走過來說。
 
「你……你係邊個！點解個樣同之前我認識既一個人一模一樣！」我說。
 
「嗰個人嚮你口中，應該係叫做馬尾男吧，佢個樣同我當然一樣，因為佢就係我，我就係佢，哈哈！」樣似馬尾男的男人說。
 
「咪住！點解你會知道我叫佢做馬尾男？我應該冇同其他人講過。」我不解地問。
 
「你冇冇留意頸上面既鋼圈，呢一個圈可以偷聽到你地講既野，仲有你地逃走既計劃，我地一早就已經知道啦。」
 
原來頸上的鋼圈是有這個用途嗎？我之前還以為它只是一個用來識別身份的鋼圈罷了。
 
「簡單啲黎講，你之前見到既馬尾男係我既複製人，我叫做張學勤，係呢度既負責人。」樣似馬尾男的男人續說。


 
「複製人？張學勤？」
 
張學勤走過去敏晴的身邊，抓著敏晴的頭髮說：「呢度所有既支同兵，仲有腳都係複製人，你明唔明？」
 
敏晴嘗試反抗，可惜雙手被綁著的關係，根本沒有作用。
 
「你地送呢條女去手術室，之後聯絡其他拆家，睇下有冇人要佢既內臟。」張學勤下令說。
 
我想起，我曾經和敏晴在ＣＰ室看到一班人在人的體內取出內臟，我的下場也會和他們一樣嗎？身體的所有器官被割下而只餘下空空的軀殼？
 
「敏晴！你地快啲放開敏晴，你地想搞就搞我，唔好搞敏晴！」我在大叫著。
 
他們沒有理會我的說話，敏晴很快便被其他人綁好並送離了我現正身處的房間。
 


「吊你老母！點解！我地係人黎架，點解你要咁做！你講！」我歇斯底里的大叫著。
 
「哈哈哈哈！我再講多次，你地唔係人，而係複製人，複製人係冇任何權利，你地既生死就係掌握嚮我地既手入面。」
 
「複製人？你唔好妖言惑眾！複製人點可能會記得晒我之前所有既野？仲有，呢個世界既科技根本就未去到咁先進，我係唔會信你！」
 
「其實你應該之前有去過ＣＰ室，ＣＰ室全名係叫做Copy and Paste Room，咁你而家明未？我地用你既精液複製左你出黎，而且因為你既血型十分之特別，有好多就死既人都願意出價買你既器官，所以你係我地既生財工具黎架！」
 
「你痴線架，咩複製人？我叫做蘇樂，去完按摩之後第二日之後就唔知點解俾你地困住，我係人！唔係複製人！」
 
「唔好咁天真，亦都唔好用你有限既常識去諗成件事，你諗下，我地呢度咁多支同兵，你估正常情況下，咁多人唔見左，報紙同新聞唔會報咩？你地既真身根本就唔知你地既存在，你既記憶亦都只係ＣＯＰＹ出黎既，唔好再講啦，我講咁多野俾你聽，已經好好架啦，之前嗰啲死左都唔知咩事呀陰公！」張學勤在冷笑著。
 
複製人？這個世界上真的有如此荒謬的事情？將我的身體和記憶複製出來就是簡單得如電腦的Copy and Paste？