當殺人變成習慣: 第三十二節

「咯！咯！」
 
突然之間，樓梯的轉角位置，發出了腳踏聲響。
 
是什麼人？我立刻把敏晴拉到我的手後，故作鎮定的繼續往前走，因為我相信如果我和敏晴現在拔足狂奔只會更讓人覺得可疑。
 
我們終於與那人在樓梯相遇，眼前的這個人穿著的是和馬尾男一樣的制服，我估計他也是一隻「腳」，我把手放進褲袋緊握著之前在房間拾起的玻璃碎片，如果我們被人識穿的話，我便會立刻把那個人殺掉。
 
「咯！咯！」
 


我與那人擦身而過。
 
沒有事！他可能把我當成一個不相識的「同事」，我的內心不禁舒了一口氣。
 
「咪住！」背後的男人大叫著說。
 
是被他識穿了我的身份嗎？
 
「喂！隻支幾正喎，吊左未呀？」那個男人說。
 


我回過身說：「未呀，佢俾其中一隻兵揀左，我而家帶緊佢過去。」，我的心臟在快速的跳動，說實話，要我殺人還好，講大話對我來說真是有一點難度。
 
「噢！咁你開左光未呀？」男人說。
 
開光？什麼意思？我應該回答「開左」還是「未開」？
 
「一係咁啦，呢隻支你就俾我先，你之後去ＣＰ室到攞過第二個啦！我而家扯到好辛苦，想吊獲勁先呀！」那個男人用猥褻的眼光看著敏晴說。
 
我見狀立刻用身體遮擋那人的視線，不讓他視姦敏晴。
 


「嘩！你動真感情呀？我望下隻支啫，你駛唔駛起晒剛咁呀？你當佢地係人呀？」那個男人掩著肚皮笑著說。
 
這個人說了一大堆我不明白的詞語，如「開光」和「ＣＰ室」，我想問個究竟，可是我知道如果我問太多的話，可能有機會洩露自己的身份。
 
「唔好意思，我要盡快完成任務，我唔同你講啦！」我轉身拉著敏晴往樓梯下層走。
 
我們很快的便到達了下一層，這裡就像一個大型商場的扶手電梯一樣，當你行到下一層的時候，要再向前行到走廊尾方可再往下一層走，簡單點說，現在的我不能一次過往地下走，而要逐層逐層行畢整座大廈方可去到地下。
 
「敏晴，佢仲有冇跟過黎呀？」
 
「冇呀！放心繼續向前行啦！」
 
我看一看手錶，想查看一下自己的位置。眼前這條走廊和上層的大大不同，感覺有點像實驗室的走廊，感覺很冷。
 
「呢度同上層既地方咁唔同，隻錶既地圖有冇顯示呢度係咩地方？」敏晴說。


 
「有！我地而家企緊既位置，就係之前個男人所講既ＣＰ室！」我看著一個白色的大門說。
 
「你想入去呀？唔好呀，裡面唔知有咩架，我地都係快啲離開呢度啦，我有不祥既預感呀！」敏晴說。
 
「你唔想知咩叫做ＣＰ室咩？既然我地唔知點解會俾人困住嚮度，個原因就要由我地自己去發掘，我想知點解我會被人強迫進行呢一種殺戮遊戲！」說完，我便接下手錶的開啟鍵開啟門鎖。